logo

иқтисод

ДОРУСОЗИИ ВАТАНӢ. ЧАНД ПАҲЛУИ ЯК ПРОБЛЕМА

Сарвари давлат муҳтарам Эмомалӣ Раҳмон дар Паёми навбатӣ ба Маҷлиси Олӣ бори дигар аз нарасидани доруворӣ, пастсифатии маводи дорувории воридотӣ ва рушд накардани саноати дорусозии мамлакат изҳорӣ нигаронӣ намуданд. Маҳмадалӣ Давлатов, муовини сардори Хадамоти назорати давлатии фаъолияти фармасевтӣ, проблемаҳои дорусозии ватаниро ба хабарнигори «Ҷумҳурият» чунин шарҳ дод:
- Бо устувор гардидани пояҳои давлатдорӣ ва таъмини муътадили пешрафти иқтисодӣ барои марҳилаи нави рушди соҳаи фармасевтӣ низ шароити даркорӣ фароҳам омадааст. Аз ҷумла, ҷиҳати рушди истеҳсоли доруворӣ дар кишвар заминаи меъёрии ҳуқуқӣ, фазои озод, бозори истеъмолӣ, мутахассисони кордон, дастрасии маводи аввалия ва монанди инҳо мавҷуданд. Ба шарофати фароҳам омадани амнияти сиёсӣ ва ба танзим даромадани вазъи мусоиди иқтисодӣ ба бозори фармасевтии мамлакат соҳибкороне роҳ ёфтанд, ки дар баробари ворид намудани маҳсулоти тайёр, инчунин, истеҳсоли дорувориро дар асоси ашёи хоми ватанӣ ва субстансияҳои воридотӣ роҳандозӣ карда метавонанд. Яъне роҳи ҳалли эҳёи истеҳсолоти ватанӣ дарёфт гардид. Корхонаҳои истеҳсолӣ айни замон мувофиқи талаботи бозори дохила маҳсулоте истеҳсол мекунанд, ки сифати онҳо аз моли воридотӣ камӣ надорад ва дар бозори истеъмолӣ рақобатпазир мебошанд. Бо ин васила ҳоло беш аз понздаҳ дарсади талаботи дохилӣ бо дорувории ватанӣ таъмин мегардад. Аммо ин назар ба имконот хеле ночиз аст. Ғайр аз ин, мутаассифона, маводи аввалия ва борпечҳо асосан аз Чин, Русия, Қазоқистон, Эрон ва Ҳиндустон ворид карда мешаванд, ки сабаби гаронии нархи маводи доруворӣ ва коҳиши рақобатпазирӣ мегардад.
Ҳоло дар қаламрави кишвар  беш аз 90 ширкат ба воридоти доруворӣ ва молҳои тиббӣ машғул буда, доруҳоро  асосан аз Русия, Беларус, Украина, Покистон, Чин ва Ҳиндустон меоранд.
Таҳлилҳо нишон медиҳанд, ки истеҳсол-кунандагони ватанӣ бо пайдо намудани эътимод, дастгирӣ, имтиёз метавонанд фаъолияташонро густариш дода, як зумра маводи муҳими воридотиро бевосита худ истеҳсол кунанд. Сарвари давлат дар Паёми навбатии худ барои такон бахшидани рушди соҳа ҳамин масъаларо таъкид карданд. Бартарию имтиёзҳо гуфта, мо аз маҳдуд кардани воридоти рустаниҳои давоӣ ва омехтаи онҳо, ки дар мамлакат мерӯянд ё парвариши онҳо ба роҳ монда шудааст, воридоти маводи бандина ва гигиенӣ, аз қабили пахтаи тиббӣ, дока, маҳлулу малҳамҳо, дигар шаклҳои давоӣ ва маводи сермасраферо дар назар дорем, ки имконияти дар дохил ба роҳ мондани истеҳсолашон мавҷуд аст. Ҳамчунин, аз андозҳо озод  ва ё кам кардани андоз аз воридоти маводи аввалия барои тавлиди доруҳо дар дохил, то як муддат коҳиш додани андозбандии ширкатҳое, ки бевосита ба истеҳсоли давоиёт машғуланд.
Асосгузори сулҳу ваҳдати миллӣ - Пешвои миллат, Президенти кишвар муҳтарам Эмомалӣ Раҳмон бо дарки ҳамаи мушкилиҳои соҳа ва бо мақсади беҳтар намудани вазъ аз оғози соли равон воридоти технологияҳои навтарин барои корхонаҳои дорусозӣ ва таҷҳизоти ҳозиразамони ташхису табобатро аз андоз аз арзиши иловашуда ва боҷи гумрукӣ озод намуданд. Инчунин, барои тамоми намуди санҷиши истеҳсолкунандагони ватанӣ ба муддати ду сол моратория эълон карданд.
Мо ҳамон вақт қисман ё ба пуррагӣ ба истеҳсоли ватанӣ такя карда метавонем, ки дар оянда бо муҳайё гардидани шароит ба бозорҳои хориҷа роҳ ёфтани маҳсулотамон бо тамғаи «Made in Tajikistan» имконпазир гардад. Айни ҳол барои то чил дарсади талаботи дохилиро бо дору таъмин кардан имкони иқтидори истеҳсолӣ мавҷуд аст.
Шаҳбоз АБРОР, «Ҷумҳурият»


Баёни ақида (0)    Санаи нашр: 09.01.2018    №: 7    Мутолиа карданд: 62

22.01.2018


Мулоқоти Сироҷиддин Аслов ва Владимир Воронков

Баргузории ҷаласаи Комиссия оид ба масъалаҳои иқтисодии ИДМ

Боздиди ҳайати кормандони Сафорати Тоҷикистон аз шаҳраки саноатӣ

Ҳамлаи хунин ба меҳмонхонаи Intercontinental дар Кобул

Хазинаи байналмилалии асъор: «Иқтисоди Русия рӯ ба болоравист»

«Ҷабҳат ан – Нусра» дар Идлиб ба муҳосира гирифта шуд

Ба ҳадди рекордӣ расидани пасандози русиягиҳо

Дар Шведсия бокси ҳирфаиро эҳтимол манъ созанд

18.01.2018


Мулоқоти Сироҷиддин Аслов бо сафири тозатаъйини Озарбойҷон

Ҷамъомади муҳим дар Кумитаи рушди маҳал

Супурдани эътимоднома ба Президенти Беларус

Самтҳои асосии рушди туризм матраҳ гаштанд

Шиносномаи Тоҷикистон дар сархати 81-уми раддабандии байналмилалӣ

Дар Аврупо бидуни Русия сулҳу субот нахоҳад буд

Президенти Миср: «Баҳори арабӣ» ба «хазон шудан» - и 1,4 миллион нафар сабаб гашт»

YouTube тавассути технологияҳои нав 98 дарсади видеоҳои экстремистиро ошкор сохт

Дар баҳри Миёназамин 1400 муҳоҷир наҷот дода шуд

Арманистон минтақаи озоди иқтисодӣ бунёд менамояд

Истифодаи партовҳои электронӣ барои ороишоти заргарӣ

16.01.2018


Мулоқоти Рамазон Раҳимзода ва Найтхарт Хёфер Виссинг

Раҷаббой Аҳмадзода: «Ба бунёди коргоҳҳои истеҳсолӣ таваҷҷуҳ зоҳир карда шавад»

Баргузории конференсияи сайёҳӣ дар Кӯлоб

Озмуни «Беҳтарин тарабхонаи шаҳри Душанбе» баргузор мегардад

ХУҶАНД. Корхонаи истеҳсоли велосипед бунёд мешавад!

Ҷаҳон дар як сатр

Президенти Афғонистон артиши кишварашро бидуни ёрии ИМА нотавон хонд

Сипосгузории Трамп аз Қатар барои «мубориза бо терроризм»

Қазоқистон содироти газро ба Чин афзун мекунад

Испания дувумин кишвари сайёҳии дунё шуд

Дар Арабистони Саудӣ баъди 35 сол кино намоиш медиҳанд

Разведкаи ИМА: «Киштии зериобии «Сан – Хуан» дар они воҳид таркид»

15.01.2018


Баррасии масъалаи содироти маҳсулоти кишоварзӣ ба Қатар

Мулоқоти Маҳмадшариф Ҳақдод ва Леонид Заятс

Ҳамоиш бахшида ба 25 - солагии истиқрори муносибатҳои дипломатӣ


Дар сомонаҳои дигари Тоҷикистон хонед