logo

иқтисод

ҲАДАФГИРИИ ТАВАРРУМ САМТИ НАВИ СИЁСАТИ ПУЛИЮ ҚАРЗӢ

Бонки миллии Тоҷикистон барои таъмини сатҳи муътадили нархҳо аз реҷаи ҳадафгирии пулҳои захиравӣ тадриҷан ба реҷаи нави амалисозии сиёсати пулию қарзӣ – ҳадафгирии таваррум мегузарад.
Ин ҳадаф дар қарори раёсати Бонки миллии Тоҷикистон “Дар бораи «Стратегияи сиёсати пулию қарзӣ ва асъории Ҷумҳурии Тоҷикистон барои солҳои 2016-2020» аз 14 декабри соли 2016, №174 таъкид шудааст.
Мақсади асосии стратегияи мазкур ташкили фазои мусоиди гузариши батадриҷ ба реҷаи ҳадафгирии таваррум буда, он таҷдиду ташкили механизми татбиқи самараноки сиёсати пулию қарзӣ ва асъорӣ, барпо намудани инфрасохтори муосири амалиётӣ -  молиявӣ, вусъатёбии дараҷаи таъсирбахши фишангҳои сиёсати пулию қарзӣ ва афзалиятҳои дигари дахлдорро пешбинӣ менамояд.
Бар асоси стратегия БМТ сатҳи таваррумро дар давраи миёнамуҳлат дар сатҳи 7 дарсад бо имкони тағйирёбӣ дар сатҳи 3 дарсад муайян намуд. Давоми ёздаҳ моҳи соли ҷорӣ сатҳи таваррум 6,3 дарсадро ташкил дод.
Ҳамчунин, стратегия бояд тариқи амалиётӣ – молиявӣ ба таври самаранок ба вазъи бозор таъсир расонад.
Айни замон Бонки миллӣ тавассути ворид намудани фишангҳои нав заминаи муътадили нархҳоро фароҳам овард. Ҳоло БМТ баҳри таъмини самаранокии идоракунии сиёсати пулию қарзӣ, сатҳи пардохтпазирӣ дар низоми бонкӣ ва меъёрҳои кӯтоҳмуддати бозори байнибонкӣ фишангҳои доимоамалкунандаи қарзи шабонарӯзӣ (18 дарсад), музоядаҳои қарзию  коғазҳои қиматнок (16 дарсад) ва депозитии шабонарӯзӣ (овернайт 6 дарсад) истифода бурда мешаванд. Тибқи онҳо агар бонкҳо эҳтиёҷи пардохтпазирӣ ба маблағҳои пулӣ дошта бошанд, метавонанд бо дархост аз Бонки миллӣ маблағҳои заруриашонро бо фоизҳои муайян гиранд.  Агар онҳо барои пардохтпазирӣ маблағи барзиёд дошта бошанд, онро бо фоизҳои муайян метавонанд дар Бонки миллӣ нигоҳ доранд.
Ин низоми нав ба хотири таъсирбахш намудани фишангҳои монетарӣ, коҳиш додани хавфҳои пардохтпазирӣ, таъсиррасонӣ ба фоизҳои кӯтоҳмуддати қарзҳои бонкӣ ва ба ин васила таъсир расондан ба фоизҳои дарозмуддат равона гардидааст.
Тавассути сиёсати дурусти монетарӣ сатҳи муътадили нархҳо ва қобилияти хариди маблағҳои пулии шаҳрвандон мусбат нигоҳ дошта мешаваду иқтисодиёт дастгирӣ меёбад. Ҳамаи ин чораҳо ба устувории макроиқтисодӣ ва рушди устувори воқеии маҷмӯи маҳсулоти дохилӣ оварда мерасонанд.
Реҷаи мазкурро бори нахуст соли 1990 Бонки марказии Зеландияи Нав мавриди амал қарор дод ва баъд аз он Бонки марказии Канада соли 1991 гузариш ба ҳадафгирии таваррумро расман эълон намуд. Феълан зиёда аз 30 давлати дунё реҷаи мазкурро амалӣ мекунанд. Аз ҷумла, таҷрибаи мазкур дар Арманистон, Гурҷистон, Федератсияи Русия ва Украина татбиқ гардида, айни ҳол Қазоқистон, Қирғизистон ва Беларус низ ба он таваҷҷуҳ зоҳир менамоянд.
Ш. ҚУРБОН,
«Ҷумҳурият»


Баёни ақида (0)    Санаи нашр: 09.01.2018    №: 7    Мутолиа карданд: 323

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед