logo

маориф

МАОРИФ. Масъулият бештар аз он аст, ки мепиндорем

Дар Паёми навбатии Пешвои миллат ба Маҷлиси Олии Ҷумҳурии Тоҷикистон нуктаҳои ҳаётан муҳими ҷомеаи кишвар мавриди баррасӣ қарор гирифтанд. Бахши маориф дар сиёсати давлат ҳамчун соҳаи калидӣ эътироф ва аз назаргоҳи воқеият таҳлил гардидааст. Масъулон ҷиҳати суботкорона роҳандозии тарбияи мутахассисони ҷавобгӯй ба тақозои замони муосир ва рушди сифати таълим дар тамоми зинаҳои таҳсилот, сафарбарии ҷавонон ҳамчун таҳкимбахшандагони сармояи инсонӣ ҷиҳати омӯзиши илмҳои муосири ватанӣ ва дар ин замина вусъат бахшидани раванди азхудкунии технологияҳои инноватсионӣ ва ихтироъкорӣ, андешидани тадбирҳо барои омӯзиши забонҳои хориҷӣ ва амсоли ин муваззаф шуданд.
Воқеан, сармояи инсонӣ ҳамчун неруи пуриқтидори маънавӣ бо асноду  мадорики муътамад собит сохтааст, ки пешрафту тараққии ҳар як давлати чи  хурду чи бузург ба он пайванди ногусастанӣ ва амиқ дорад. Ҳамин ғояи пурмаънӣ, рӯҳафзою қобили мулоҳизаҳои судманд чунин шарҳ ёфтаанд: “Сармояи инсонӣ ҳамчун муҳаррики пуриқтидор ба пешрафти инноватсия ва технологияҳои нав мусоидат мекунад ва бинобар ин, маорифчиёни ватанӣ бояд ҷавононро бештар ба илмомӯзӣ, татбиқи лоиҳаҳои инноватсионӣ ва таҳқиқи масъалаҳои иқтисоди рақамӣ сафарбар намоянд”.
Макони бунёди сармояи инсонӣ муассисаҳои таҳсилоти миёнаи ибтидоӣ, умумӣ ва касбию олӣ маҳсуб меёбад. Бинобар ин, мо - омӯзгорони таълимгоҳҳо бояд барои эҷоди муҳити солиму арзанда ба талаботи замони муосир бо истифодаи тамоми имкониятҳои ҷойдошта саъю кӯшиш намоем, то ки насли нав аз таҳаввулоти илм бархӯрдор гардида, баъдан дар пешрафти Ватани маҳбубамон ба ҳайси мутахассисони донишманд саҳм гузоранд.
Ин ҳидоят насли ҷавонро ҳушдор медиҳад ва огоҳ месозад, ки дигар имкони зистан ба тарзи куҳна вуҷуд надорад. Тағйироти глобалиро танҳо насле бардошт карда метавонад, ки соҳиби тафаккури созанда бошад. Бунёди ҷомеаи навин дар пояи маънавиёти қавии насли оянда барқарор гардида, мусовӣ бо музаффариятҳои ҷаҳони нав, ки кулли соҳаҳои ҳаётро фаро гирифтаанд, имкон дорад.
Таҷрибаи ҷаҳонӣ собит сохтааст, ки бидуни нақши созандаи ҷавонон комёбӣ дар ҳаёти воқеӣ ба даст намеояд. Неруи ҷавонони кишварро ба эътибор гирифта, Ҳукумати мамлакат минбаъд ҳам эътимоди худро ба насли ҷавон коҳиш нахоҳад дод.
Бо назардошти ҳамин ҳолатҳои воқеӣ таъкид мегардад, ки ба масъалаи таълиму тарбия бояд бештар афзалият дод. “Мо бояд нишондиҳандаҳои таъмини сифатро дар ҳамаи зинаҳои таҳсилот бо стандартҳои ҷаҳонӣ наздик созем, ҳамкории муассисаҳои таҳсилоти миёна ва олии касбиро бо субъектҳои бозори меҳнат густариш бахшем, дараҷаи рушди низоми инноватсияи миллӣ ва нишондиҳандаҳои азхудкунии технологияҳои иттилоотиву коммуникатсиониро беҳтар гардонем”.
Донишкадаи ҷумҳуриявии такмили ихтисос ва бозомӯзии кормандони соҳаи маориф ва дигар зерсохторҳои он ин нуқтаҳои ба дидгоҳ наздикро дар фаъолияти ҳамешагӣ мавриди таваҷҷуҳи вижа қарор медиҳад. Барои рушди сифати таҳсилот ва тарбияти комили насли даврони нав чораҳои иловагии тағйирнопазир меандешад.
Мо вазифадорем, ки ба василаи таълиму тарбия маниши миллиро дар қалби фарзандонамон ҷой кунем, то ки бо гузашта ифтихор карда, ояндаро бо маърифатмандии хеш бунёд намоем.
Хоналӣ ҚУРБОНЗОДА,
ректори Донишкадаи ҷумҳуриявии такмили ихтисос ва бозомӯзии кормандони соҳаи маориф,
Меҳриддин ҒИЁСИЕВ, мудири кафедраи психология ва педагогикаи донишкада


Баёни ақида (0)    Санаи нашр: 11.01.2018    №: 9    Мутолиа карданд: 339

14.12.2018


Масъалаи густариши ҳамкориҳо матраҳ гашт

Баргузории ҷаласаи Шӯро оид ба шарикии давлат ва бахши хусусӣ

Машварати сиёсии Тоҷикистону Олмон

Лукашенко: «Бозори Россия барои Беларус якумрӣ кифоят мекунад»

Вазири олмонӣ таҳримоти нави зиддирусиро нахост

Дар Сурия беш аз 30 ҳазор манзилро барқарор намуданд

Таҷлили 90-солагии нависандаи зиндаёд Чингиз Айтматов дар Қирғизистон

Ҷаҳон дар як сатр

Як вохӯрии муҳим

13.12.2018


Иштироки Азим Иброҳим дар Форуми ҳамкории Чин ва Осиёи Марказӣ

Шаҳри Душанбе бо музофоти Хайнан бародаршаҳр гардид

Вохӯрии Заробиддин Қосимӣ бо Абдулазиз ибни Абдулкарим ал-Исӣ

Мадуро вохӯриашро бо Путин таърихӣ унвон кард

Қазоқистон 50 номгӯи маҳсулотро ба содирот баровард

Дабири кулли СММ: «Лағви шартномаи Париж «худкушист»

Голикова: «Собиқадорони Ҷанги Бузурги Ватанӣ ҳамагӣ 1,4 миллион нафар мондаанд»

Дар Қирғизистон домоди қотил 20 сол зиндонӣ шуд

Ҷаҳон дар як сатр

12.12.2018


Мулоқоти Низомиддин Зоҳидӣ бо Лю Бин

Таҳкими ҳамкориҳо бо Бонки аврупоии таҷдид ва рушд

Таъсиси шӯрои рушди маориф

Қазоқистон калонтарин дар ИДМ неругоҳи барқи офтобиро ба кор даровард

Дар Қирғизистон ба волидони кӯдакони маъюб маош таъйин мекунанд

Чин ваъдаи кам кардани боҷ ба автомобилҳои амрикоиро баҷо меорад

Ҷаҳон дар як сатр

ГӮШТӢ. Тоҷикистон 6 медали тилло ба даст овард

РОҲ БА СӮИ ТОКИО. Ҷаласаи машваратӣ бо федератсияҳои варзишӣ

ХУҶАНД. Бунёди 5 иншооти нав

МУЪМИНОБОД. "Якарча" ба кор даромад

СММ: “Аз коррупсия иқтисоди ҷаҳонӣ соле 2,6 триллион доллар талаф медиҳад”

Дар Стокголм ҷоизаҳои Нобел барои соли 2018 супурда шуданд

Катрунгалос: «Муносиботи мо бо Россия самимитар гашт»

Дар Қазоқистон нархи яклухти барқ ва газро паст мекунанд

Ҷаҳон дар як сатр


Дар сомонаҳои дигари Тоҷикистон хонед