logo

иҷтимоиёт

ТОҶИКОН. Халқе аз табори ҳунар

Бо ташаббуси Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон имсол Соли рушди сайёҳӣ ва ҳунарҳои мардумӣ эълон гардид, ки иқдоми саривақтию арзандаи истиқбол аст. Мукаррама Қаюмова, раиси Бунёди байналмилалии ҳунарҳои мардумии Тоҷикистон, раиси Ассотсиатсияи ҳунармандони Осиёи Миёна, дар бораи Соли рушди сайёҳӣ ва ҳунарҳои мардумӣ эълон гардидани соли 2018 ва аҳамияти ин иқдоми наҷиб чунин ибрози андеша намуд:

- Шукрона мекунам, ки таҳти роҳбарии як шахси ғамхору меҳрубон ва хирадманду ободгаро Тоҷикистони азизи мо зина ба зина дар роҳи рушди соҳаҳои гуногун қадамҳои устувор мегузорад ва зиндагии сокинони кишвар рӯз то рӯз беҳтар мешавад. Алҳол барои рушди сайёҳӣ ва ҳунарҳои мардумӣ шароити созгор ва заминаи мусоиди меъёрию ҳуқуқӣ фароҳам омадааст. Ин имкон медиҳад, ки соҳаи мазкур ба таври бояду шояд – мувофиқ ба стандартҳои байналмилалӣ рушду нумӯ кунад. Аз андозу пардохтҳо озод намудани маҳсулоти ҳунармандӣ ғамхории навбатии Пешвои муаззами миллат дар ҳаққи ҳунармандон мебошад. Мо хурсандем, ки шуғли аҳолӣ, касбу ҳунар ва заҳмати ҳунармандон дар меҳвари  таваҷҷуҳи Сарвари давлат қарор дорад. Дар навбати худ мо низ ҷавобан ба ин дастгирию ғамхориҳо бояд бетараф набошем. Бо меҳнати ҳалол ҳунарҳои мардумии қадимиро аз нав эҳё намуда, маҳсули дасти худро ба ҷаҳониён муаррифӣ намоем. Ҳунармандӣ ва сайёҳӣ ба ҳамдигар алоқамандии зич доранд. Бешубҳа, ҳар касе ба хориҷи кишвар  ба сафар меравад, ҳатман аз ҳамон давлат ягон армуғон бо худ мегирад. Дар баробари ин, меҳмонони хориҷӣ низ бо барги сабзи тоҷикӣ бармегарданд.
Айни ҳол Тоҷикистон бо аксари кулли давлатҳо ва созмонҳои ҷаҳон равобити дӯстона барқарор намудааст. Ман коршиноси байналмилалии ЮНЕСКО ҳастам ва дар чорабиниҳо, озмунҳо ва маъракаҳои сиёсию фарҳангии ин ташкилот иштирок карда, маҳсулоти рақобатпазирро муаррифӣ менамоям. Ба шарафи 25  - солагии Истиқлолияти давлатии ҷумҳурӣ мо 25 номгӯи кори ҳунармандонро ба ин ташкилот пешниҳод намудем. Хушбахтона, аз ин 25 номгӯ 19 намуна  сазовори ҷоизаи минтақавӣ ва 4 намуна сазовори ҷоизаи ҷаҳонӣ гардид. Инҳо сӯзанӣ, заргарӣ ва наққошиҳои тоҷикӣ  мебошанд. 422 ҳунарманди тоҷик бо маҳсули дасташон дар миқёси ҷаҳон шинохта шуда, 36 ҳунарманди ҷумҳурӣ бо шоҳҷоизаи ҷаҳонӣ сарфароз гардидаанд.
Тоҷикон аслан мардуми ҳунарманданд.  Бисёр муҳим аст, ки анъанаи суннатии устодию шогирдӣ аз байн наравад ва ҳунармандони асил касби худро бо тамоми нозукӣ ба шогирдон ёд диҳанд.
Рушди комили ҳунармандӣ, ки барои он бо иқдоми Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон шароити созгор фароҳам омад, ба рушди иқтисодию иҷтимоии мамлакат ва бо ҷойи кори доимӣ таъмин намудани сокинон, хусусан бонувон, мувофиқат мекунад. Итминон дорам, ки ин соҳа боз ҳам хубтар рушд меёбад. 
Матлубаи АБДУҚАҲҲОР,
«Ҷумҳурият»


Баёни ақида (0)    Санаи нашр: 11.01.2018    №: 9    Мутолиа карданд: 213

23.06.2018


Мулоқоти Қоҳир Расулзода бо Невен Мимитса

Масоили амният ва суботи минтақа матраҳ гардиданд

Ҳамоиш ба муносибати 21 - солагии Рӯзи Ваҳдати миллӣ

Корхонаи коркарди маҳсулоти ширӣ ба кор шурӯъ кард

13.06.2018


Шиносоии Сарвазири мамлакат бо фаъолияти корхонаҳои пойтахт

12 медали варзишгарони тоҷик дар Ҷоми Ӯзбекистон

Боздиди ҳайати Ӯзбекистон аз НБО Роғун ва мавзеи сайёҳии Варзоб

Ҷаҳон дар як сатр

Вохӯрии таърихӣ - муқаддимаи сулҳ

Дар Муғулистон Маркази байналмилалии тадқиқотии кишварҳои рушдкунанда ташкил шуд

Сарвари Сандуқи байналмилалии асъор аз хатар ба иқтисоди ҷаҳонӣ огоҳ сохт

Бонки миллии Қирғизистон 90 дарсади даромадашро ба давлат медиҳад

12.06.2018


Баргузории ҷаласаи Шӯрои вазирони корҳои хориҷии СААД

Баимзорасии созишномаи ҳамкорӣ

Вазорати маориф ва илм ба ҷадвали санҷишу имтиҳонҳо тағйирот ворид кард

Баистифодадиҳии корхонаи коркарди санги хоро

Ҷаҳон дар як сатр

СААД ба Тоҷикистон дар таҳкими марз бо Афғонистон ёрӣ мерасонад

Дар Чин сафари Путинро комёбии мутлақ унвон карданд

Баррасии вазъи Афғонистон, Сурия ва Корея дар Алмаато

Мирзиёев хостори "долони озод"-и тиҷоратии СҲШ шуд

Минск аз Чин 800 миллион юан ёрии ройгон мегирад

08.06.2018


Мулоқоти Сироҷиддин Муҳриддин ва Никлас Линдквист

Форуми байналмилалии рушди сармояи инсонӣ баргузор мешавад

Иди саиди Фитр дар Тоҷикистон 15 июн таҷлил мегардад

Муҳлати бақайдгирии шаҳрвандони хориҷӣ аз 3 то 10 рӯзи корӣ тамдид шуд

Як вохӯрии судманд

РАШТ. Бунёду азнавсозии муассисаҳои таълимӣ вусъат мегирад

МОҲӢ. Афзоиши истеҳсол

Тақвими бозиҳои Ҷоми ҷаҳон

07.06.2018


Баргузории ҷаласаи навбатии кумитаи тадорукот

Мулоқоти Сироҷиддин Муҳриддин бо Алӣ Муборак ал-Муҳаннадӣ

Корхонаи парандапарварӣ ба истифода дода хоҳад шуд

Тоҷикистон боз дар мақоми аввал


Дар сомонаҳои дигари Тоҷикистон хонед