logo

фарҳанг

НИЁЗ. АЗ БОБИ ҲАМКОРИҲОИ БАЙНАЛМИЛАЛӢ

Паёми солонаи Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олӣ, дар пешрафти ҷомеаи мо нақши калидӣ дошта, маонии созанда ва аносири пураҳамияту гуногунҷанбаро дар худ нигоҳ медорад. Махсусан, пайванд додани қишрҳои муҳими ҷомеа ба ҳар соли ҷадид анъанаи хосси Паёми Пешвои миллат гардидааст, ки басо рамзӣ ва корсоз аст. Эълон гардидани соли 2017 ҳамчун Соли ҷавонон, ки осебпазирии қишри мазкур дар замони муосир ва раванди ҷаҳонишавӣ бештар эҳсос мегардад, саривақтӣ буд. Инчунин, дар давоми соли сипарӣ дар соҳаҳои гуногуни ҳаёти моддиву маънавии ҷавонон пешрафти бесобиқа ба амал омад, ки ҳамагон шоҳиди он ҳастем. Ҳувияти миллӣ, ватандӯстӣ, худшиносӣ ва эҳтиром ба арзишҳои миллӣ асосҳоеанд, ки ҳамеша бояд дар маркази диққати ҷавонони мо қарор дошта бошанд. Барои дар амал татбиқ намудани ин омилҳои устувории давлат Соли ҷавонон таҳрикдиҳанда ва ҳисси бедорие буд дар ин самт.
Чуноне мо шоҳид гаштем, Президенти кишвар дар Паёми навбатӣ матлаи суханро мустақиман аз вазъи хатарнок ва ваҳими сайёра шурӯъ намуданд. Ба он маънӣ, ки олами башарӣ имрӯз дар гирдобу талотумҳои амалҳои зиддиинсонӣ месӯзад ва бино ба таъкиди Пешвои миллат дар соли сипарӣ “...зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифт”, ки дарвоқеъ моро ором ва бетафовут гузошта наметавонад. Ва шоҳиди онем, ки Ҳукумати Тоҷикистон дар ин самт бетараф нест ва ҳамеша мавқеи муайян ва одилонаи  худро дар минбарҳои  баланди   ҷаҳонӣ   чун Созмони Милали Муттаҳид, Иттиҳоди Аврупо, Созмони Амният ва Ҳамкорӣ дар Аврупо  ва  ғайра баръало нишон медиҳад. Мафҳумҳои муносиботи инсонӣ, ёрии ҳамдигарии башардӯстона, табодули афкору таҷоруб ва ҳамкории судманд миёни кишварҳо, сарфи назар аз миллату нажоду қавмиятҳо ва гароишҳои мазҳабӣ, дар Паём мунсифона дарҷ гардидаанд. Назар ба принсипҳо ва шеваҳои ногузири ҳаётӣ, инсоният бидуни мададу дастгирии якдигар аз ҳастии худ дарак дода наметавонад. Махсусан, ин масъала дар бархӯрд бо падидаҳои номатлуби замон, аз қабили терроризму экстремизм ва ифротгароӣ, аҳамияти бештар касб мекунад. Бояд гуфт, ки сухани ҷомеи Пешвои миллат ба ин паҳлуи масъала низ дахл мекунад. “Бо дарназардошти воқеияти кунунӣ ва бо мақсади таъмини амнияти устувор ҷиҳати пешгирӣ аз хатарҳои афзояндаи терроризму ифротгароӣ ва дигар таҳдидҳои замони муосир мо омодаем ҳамкориҳои густурдаро бо созмонҳои байналмилаливу минтақавӣ ва кишварҳои шарик тақвият бахшем”.
Паёми Пешвои миллат бо аҳамият зоҳир намудан ба чанд аносир, аз қабили сиёсат, амният, иқтисод хулоса намешавад, балки ҷанбаҳои ҳамгироӣ ва инсондӯстиву ғамхориро низ дар худ касб намудааст. Масалан, таваҷҷуҳ ба масъалаи рушди иқтисодиву амниятии кишвари ҳамсоя - Афғонистон ва барои саҳим гаштан ба ин қазия даъват ба амал овардан аз ҷомеаи ҷаҳонӣ, гувоҳи ин андеша мебошад. “Мо чунин мешуморем, ки кумак ба эҳёи иқтисодӣ ва рушди иҷтимоии Афғонистон беҳтарин роҳи истиқрори сулҳу субот дар ин кишвар ва таъмини амният дар минтақа мебошад. Аз ин рӯ, аз ҷомеаи ҷаҳонӣ даъват ба амал меорем, ки ҷиҳати дастгирии рушди иҷтимоиву иқтисодӣ ва беҳтар намудани вазъи амниятии ин кишвар кумакҳои амалии худро афзоиш диҳанд ”.
Фаромӯш набояд кард, ки мо дар раванди ҷаҳонишавӣ зиндагӣ дорем. Воқеияти ҷаҳонишавӣ умдатан натиҷаи таҳаввулоти технологӣ ва бавижа технологияи электронӣ аст. Албатта, дар ин миён авомили дигаре низ вуҷуд доранд. Дар дунё гурӯҳҳо ва давлатҳое мавҷуданд, ки мекӯшанд таҳаввулоти мазкурро дар чорчӯбаи манофеъ ва масолеҳи худ шакл бидиҳанд. Онҳо он навъи ҷаҳонишавиеро мехоҳанд, ки ба ҳадафҳои иқтисод, махсусан фарҳангиашон мусоидати ҳамаҷониба карда тавонад. Ба ин паҳлуи масъала Пешвои миллат аҳамияти ҷиддӣ дода, изҳор намуданд: “Дар шароити имрӯза, ки илму технология бо суръати кайҳонӣ пеш рафта истодааст, олимони кишварро зарур аст, ки ҷиҳати баланд бардоштани қобилияти рақобати илми ватанӣ корҳои таҳқиқотиву технологиро вусъат бахшанд”. Ин таъкиди Пешвои миллат бештар ба солимгардонӣ ва ҳифзи фазои иттилоотии кишвар дахл мекунад. Воқеан, фазои иттилоотии кишвари моро иттилооти аҷнабӣ рӯз аз рӯз бештар таҳдид мекунад, ки ин раванд масъулияти аҳли ҷомеаро бояд бештар гардонад.
Қадриддин ИСОЕВ,
ходими илмии шуъбаи  ахбори омма ва
табъу нашри  Пажӯҳишгоҳи фарҳанг ва иттилоот


Баёни ақида (0)    Санаи нашр: 15.01.2018    №: 11    Мутолиа карданд: 200

16.08.2018


Рӯзноманигорони ӯзбек меҳмони Тоҷикистон

15.08.2018


ЛЕВАКАНТ. Пастравии сатҳи ҷинояткорӣ дар байни ноболиғон

БАЛҶУВОН. Бунёди 14 иншоот

САНОАТ ДАР НОҲИЯИ МИР САЙИД АЛИИ ҲАМАДОНӢ КОҲИШ МЕЁБАД,ЧАРО?

КИШОВАРЗӢ ДАР НОҲИЯИ ТЕМУРМАЛИК АФЗАЛИЯТ ДОРАД

14.08.2018


ТОҶИКИСТОН – ҚАЗОҚИСТОН. Нахустҷаласаи Шӯрои корӣ ва ҳамоиши соҳибкорон

МАҚОМОТИ СУДӢ ВА ВАО. Иқдоме барои таҳкими ҳамкориҳо

"ЗЕБОНИСО". Аввалин чемпиони Тоҷикистон оид ба футбол миёни бонувон

ММТ: "Беш аз 50 ҳазор довталаб донишҷӯ шуд"

10.08.2018


Қабули нусхаи Эътимоднома аз сафири Туркманистон

Ҷаласаи Шӯрои ИДМ оид ба сайёҳӣ оғоз ёфт

Ҷаласаи Шӯрои марказии Ҷамъияти ихтиёрии мусоидат ба артиши ИДМ

Ҳамоиши тиҷоратии соҳибкорони Тоҷикистону Қазоқистон

ХАТЛОН. Нахустин форуми тиҷорати маҳсулоти боғдорӣ доир гардид

СУҒД. 90 ҳазор сомонӣ барои ғолибони озмуни "Маҳаллаи беҳтарин"

Семинари муфид

09.08.2018


Туҳфаи ФФТ ба варзишгарони Хоруғ

МАОРИФ. Имконияти нав ба як гурӯҳ довталабон

КӮЛОБ. Истеҳсоли маҳсулоти кишоварзӣ афзудааст

Ғолибони ҷоизаи Зебунисо Рустамова муайян шуданд

07.08.2018


ДУШАНБЕ. Таъсиси ҷойҳои махсус барои забҳи чорво

Шӯрои сайёҳии давлатҳои аъзои ИДМ дар Душанбе

Пресс-тури рӯзноманигорони агентиҳои иттилоотии ИДМ

«Сомон Эйр». Роҳандозии парвозҳо ба самти Бухоро

Буҷети давлатӣ 2,4 миллиард сомонӣ афзуд

ММД. Афзоиши воқеии он 7,2 дарсадро ташкил дод

ММТ. “Пешномнависӣ” кори довталабро осон кард

Роҳхати 28 варзишгари дигар ба бозиҳои Осиё

06.08.2018


Вохӯрии Абдуҷаббор Раҳмонзода бо аҳли ҷомеаи Данғара

Аввалин гурӯҳи зоирони тоҷик ба Арабистони Саудӣ сафар кард

Душанбе. Ярмаркаҳои мактабӣ ташкил мешаванд

03.08.2018


Мулоқоти Абдуҷаббор Раҳмонзода бо сокинони шаҳри Кӯлоб

Боздиди Раҷаббой Аҳмадзода аз намоиши ҳунарҳои мардумӣ ва маҳсулоти кишоварзӣ

Ҷамъбасти Намоишгоҳи якмоҳаи ҳунарҳои мардумӣ дар Душанбе


Дар сомонаҳои дигари Тоҷикистон хонед