logo

мулоқотҳо

Дидору гуфтугӯи Эмомалӣ Раҳмон бо роҳбарони олиқадр

5 октябри соли 2009 Президенти Ҷумҳурии Тоҷикистон Эмомалӣ Раҳмон нимаи дуюми рӯз намояндагони воломақоми Арабистони Саудӣ, Озарбойҷон ва минтақаи Қафқоз ва ҷумҳуриҳои Қазоқистону Қирғизистонро ба ҳузур пазируфт.

Дар мулоқот бо намояндаи воломақоми Арабистони Саудӣ- Дабири кулли созмони байналмилалии ҳифзи Қуръон Абдулло Басфар масоили ҳамкории ду кишвар баррасӣ шуданд.
Абдулло Басфар аз баргузории симпозиуми имрӯза ва нақши Тоҷикистон дар бузургдошти шоистаи Имоми Аъзам арзи хушнудӣ намуда, ба Сардори давлат Эмомалӣ Раҳмон салому паём ва қадрдонии  подшоҳи Арабистони Саудиро расонд.
ӯ таъкид дошт, ки симпозиуми байналмилалии Имоми Аъзам майдони хубе шуд барои муаррифии таълимоти таҳаммулпазирӣ ва дини тарғибгари дӯстию ҳамкорӣ ва гуфтугӯйи миёни тамаддунҳо будани Ислом.
Абдулло Басфар иттилоъ дод, ки дар ин сафар ӯро як гурӯҳ соҳибкорону бозаргонони кишвараш низ ҳамроҳӣ мекунанд ва изҳори боварӣ намуд, ки ин симпозиум ҳамчунин оғози хубе мешавад барои густариши ҳамкориҳои иқтисодӣ ва сармоягузории Тоҷикистону Арабистони Саудӣ. Ҳамчунин иттилоъ дода шуд, ки ба наздикӣ дар шаҳри Душанбе бояд сафорати Арабистони Саудӣ ва як маркази ҳифзи Қуръон кушода шаванд.
Сардори давлат Эмомалӣ Раҳмон ва роҳбари идораи мусулмонони Озарбойҷон ва минтақаи Қафқоз шайхулислом Аллоҳшукур Пошшозода зимни мулоқоти худ аз дӯстию шиносоии беш аз 18 - солаашон ёдовар шуда, сӯҳбати ошкору самимӣ анҷом доданд.
Зимни ёдоварӣ аз хидматҳо ва таълимоти Имоми Аъзам таъкид гардид, ки Абӯҳанифа муштаракоти муҳими мазҳабҳои суннию шииро дарёфт намуда, тавонист, ки пайванди миёни онҳоро таъмин созад.
Шайхулислом Аллоҳшукур Пошшозода ба тадбирҳои Ҳукумати Ҷумҳурии Тоҷикистон ва хусусан Президенти мамлакат Эмомалӣ Раҳмон оид ба таъмини ваҳдати миллӣ ва тарғиби гуфтугӯйи миёни тамаддунҳо баҳои баланд дода, аз ҷумла изҳор дошт: «Ман мушоҳида мекунам, ки Шумо бо халқед ва халқ бо Шумост ва ман бори нахуст мебинам, ки Сардори давлат ба чунин самимияти қалбӣ аз манфиати мардуми худ ва мусулмонони ҷаҳон пуштибонӣ намояд».
Дар сӯҳбат бо имом- хатиби вилояти шимолии Қазоқистон Яҳёхоҷа Исмоилов, ки як нафар тоҷики соҳибнуфузи  ин кишвар аст, масоили ҳамкории Тоҷикистону Қазоқистон ва ҳифзи манфиатҳои тоҷикони муқими ин давлат баррасӣ шуданд.
Яҳёхоҷа Исмоилов иттилоъ дод, ки тадбирҳои сершумори фарҳангии Тоҷикистон, аз ҷумла оид ба бузургдошти Имоми Аъзам ва ҳамчунин Қонуни Ҷумҳурии Тоҷикистон «Дар бораи танзими анъана ва ҷашну маросимҳо» дар миёни мардуми Қазоқистон, ба хусус дар воситаҳои ахбори ин кишвар мавриди омӯзишу пайравӣ қарор гирифтаанд.
Ҳамчунин иттилоъ дода шуд, ки дар чаҳорчӯби Соли бузургдошти Имоми Аъзам дар шаҳри Алмаатои Қазоқистон як мадраса ба номи ин фақеҳу донишманди камназири олами Ислом кушода шудааст.
Ҳамин гуна мулоқоти ошкору самимии дигар миёни Президенти Ҷумҳурии Тоҷикистон Эмомалӣ Раҳмон ва Муфтии мусулмонони Ҷумҳурии Қирғизистон Мураталӣ Жуманов сурат гирифт.
Президенти Ҷумҳурии Тоҷикистон Эмомалӣ Раҳмон Имоми Акбари Донишгоҳи ал- Азҳари шарифи Ҷумҳурии Мисри Араб шайх Муҳаммад Тантовиро ба ҳузур пазируфт.
Дар мулоқот масоили вобаста ба ҳамкории илмию фарҳангӣ ва омӯзишии Тоҷикистону Миср гуфтугӯйи судманд сурат гирифт.
Шайх Муҳаммад Тантовӣ салому паём ва таҳниятҳои самимии Президенти Ҷумҳурии Мисри Араб Муҳаммад Ҳуснӣ Муборакро ба Сардори давлати Тоҷикистон Эмомалӣ Раҳмон расонда, изҳор дошт, ки аз тадбирҳои бахшида ба бузургдошти Имоми Аъзам роҳандозӣ намудаи Тоҷикистон зери таассуроти фараҳбахш қарор дорад.
ӯ ҳамчунин иттилоъ дод, ки ба кишварҳои зиёди ҷаҳон сафар намудааст, вале ҳеҷ гоҳ ягон роҳбари давлатро надидааст, ки бо чунин самимият на бо забон, балки бо қалби худ сухан гӯяд ва аз манфиатҳои мусулмонони ҷаҳон пуштибонӣ намояд.
Шайх Муҳаммад Тантовӣ ба дархости ҷониби Тоҷикистон баҳри омода кардани мутахассисони варзида барои Донишгоҳи ояндаи исломии кишвар, ки санги асосаш имрӯз бо масҷиди бузурги ҷомеъ гузошта шуд,  чунин посух дод: «Донишгоҳи ал- Азҳари шариф омода аст ҳар гуна дархости Тоҷикистони дӯсту ташаббускорро бо камоли масъулият ва аз дилу ҷон иҷро намояд».
ӯ ҳамчунин аз андешаҳои пешқадами Президенти Ҷумҳурии Тоҷикистон оид ба ривоҷи фарҳанги таҳаммулпазирӣ ва пешгирӣ аз тундравию низоъхоҳӣ пуштибонӣ намуда, таъкид дошт, ки  Донишгоҳи ал- Азҳар ҳамеша ҷонибдори дӯстию рафоқат ва ҳамкорию гуфтугӯйи судовари ҳамаи фарҳангу тамаддунҳои ҷаҳон аст.
ӯ ҳамчунин аз оромию суботи имрӯзаи Тоҷикистон изҳори хушнудӣ намуда, аз худованди таоло дуо намуд, ки кишвари моро ба пешрафту шукуфоӣ ва рифоҳу осудагии боз ҳам бештар муваффақ гардонад.


Баёни ақида (0)    Санаи нашр:    №:    Мутолиа карданд: 710

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр


Дар сомонаҳои дигари Тоҷикистон хонед