logo

иқтисод

ДАҲКАТСОЙ – ДАҲАНАСОЙ. МАРДУМ ИНТИЗОРИҲОИ ЗИЁД ДОРАД

Ба ифтихори оғоз ёфтани Даҳсолаи байналмилалии амал «Об барои рушди устувор, 2018 - 2028» аз рафти сохтмони хати оби Даҳкатсой - Даҳанасой нақл мекунем, ки барои ноҳияи мо аҳамияти бузург дорад. Ҳоло сокинони ҷамоатҳои деҳоти Ғазантарак, Яхтан, қисман Ҷамоати деҳоти Муҷун ва шаҳраки Ғончӣ аз танқисии об азият мекашанд ва баъди мавриди истифода қарор гирифтани хати оби мазкур ҳаёти иқтисодиву иҷтимоии сокинон рушд хоҳад кард.
Бахти баланди сокинон аст, ки Сарвари давлат 16 ноябри соли 2015 ба диёри зебоманзари мо ташриф оварда, шахсан ба сохтмони хати оби Даҳкатсой - Даҳанасой оғози нек бахшиданд. Мардуми ноҳия аз ин иқдом шукргузорӣ намуда, умед аз он доранд, ки дар муддати кӯтоҳ заминҳои ташналаби онҳо аз об баҳравар гашта, соҳаи кишоварзӣ рӯ ба инкишоф меорад. Зеро, манбаи обтаъминкунии заминҳои кишоварзии ноҳия обанбори Даҳанасой аст, ки солҳои 70 - уми асри ХХ бунёд гашта буд ва ҳаҷми ғунҷоишаш 42 миллион метри мукааб аст. Агар ҳоло 8 - 10 миллион метри мукааб об захира карда шавад, баъди барқарор гардидан ва омадани оби Даҳкатсой ба зиёда аз 22 миллион метри мукааб мерасад.
Азбаски ноҳияи Деваштич ноҳияи аграрӣ ба ҳисоб меравад, соҳаи кишоварзӣ дар пешбурди иқтисодиёт нақши муҳим мебозад. Заминҳои корам дар миқёси ноҳия 36 448 га буда, аз он 32,3 дарсадашро замини обӣ ташкил медиҳад. Заминҳои обӣ асосан  барои кишти картошкаву сабзавот, маҳсулоти полизиву меваҳо истифода шуда, барои обёрии заминҳои корам иқтидори Даҳанасой кофӣ нест. Дар шафати хати обгузари Даҳкатсой - Даҳанасой заминҳои лалмӣ мавҷуд аст, ки ҳангоми амалӣ гаштани лоиҳаи мазкур дар самти истеҳсоли маҳсулоти кишоварзӣ ва таъмини амнияти озуқаворӣ дигаргуниҳои иқтисодӣ ба назар хоҳад расид.
Дар қисмати болооби хати оби мазкур деҳаҳои Даҳкат, Хишекат Офтобрӯя, Росровут ҷойгир шудаанд, ки то имрӯз дигар имконияти васеъ кардани маҳали аҳолинишинро надоранд. Дар сурати амалишавии лоиҳа имконияти дар деҳаҳои номбурда  бунёди маҳалҳои нави аҳолинишин ба нақша гирифта мешаванд. Ҳамчунин, қариб 50 000 аҳолӣ бо оби нӯшокӣ таъмин мегардад. Таҳлилҳо нишон медиҳанд, ки хароҷоти барои ин сохтмон равонагардида дар муддати кӯтоҳ ҷуброн хоҳад шуд. Айни ҳол, масъулини сохтмонро дар ҷараёни кор вохӯрда, шоҳид гаштем, ки тавассути тракторҳо қубурҳо хобонда шуда истодаанд. Мардум аз бунёди лоиҳа интизориҳои зиёд доранд.
Агар боре ба сари ин кори бузург қадам ранҷа намоед, эҳсос мекунед, ки халқ бо дастгириву таваҷҷуҳи пайвастаи Пешвои муаззами хеш чӣ сохтмони азимеро дар миқёси ноҳия оғоз кардааст. Роҳбарияти вилояти Суғд барои сохтмони ин иншоот беш аз 64 миллион сомонӣ ҷудо кардааст. Ба ҷуз ин, беш аз 164 ҳазор аҳолии ноҳия ҳиммат намуда, сохтмони онро суръат бахшиданд.
Маҳбуба ҶАМОЛОВА,
ноҳияи Деваштич


Баёни ақида (0)    Санаи нашр: 22.01.2018    №: 16    Мутолиа карданд: 132

21.02.2018


Вохӯрии Сироҷиддин Аслов бо Оле Йоҳан Бёрней

Ҷаласаи ситоди ҷумҳуриявӣ дар Вазорати кишоварзӣ

Баррасии масоили мубрами густариши ҳамкориҳо

Баргузории намоиши «Корвони ҳунар»

Ҷаҳон дар як сатр

СММ Туркияро ба қатъи амалиёти низомӣ дар Африн даъват намуд

Дар ИДМ 90 нафар барои маблағгузории терроризм ба даст афтод

Кушта шудани 24 полис аз дасти толибон

ДИ дар Афғонистон ва Покистон реша медавонад

Венесуэла соҳиби криптоасъори худ шуд

Samsung дроне баровард, ки бо нигоҳ идора мешавад

20.02.2018


Бизнес-форуми доираҳои соҳибкорӣ баргузор мешавад

Хисрав Соҳибзода бо Султон Саъд ал-Мурайхӣ мулоқот намуд

Дурнамои рушди сиёсати давлатии ҷавонон матраҳ мегардад

ҶДММ “Суғуртаи асри XXI” соҳиби иҷозатнома шуд

Ҷаҳон дар як сатр

Вячеслав Володин: «Дар Сурия миёни «ДИ» - ро Русия шикаст»

Гуфтушуниди Чин бо ҷудоихоҳони покистонӣ

Қазоқистон: «Шустан» - и $500 миллион ва 8 сол маҳрумӣ аз озодӣ

Барои барқарорсозии Мехико баъди заминҷунбӣ шаш сол зарур аст

19.02.2018


Сироҷиддин Аслов бо Валбурга Рос мулоқот намуд

Муносибатҳои тиҷоратию иқтисодӣ бо Япония густариш меёбанд

Фурудгоҳи байналмилалии Душанбе ба стандартҳои ҷаҳонӣ мутобиқ мешавад

Барориши нахустини коғазҳои қиматнок ба иқтисоди кишвар 500 миллион доллар ворид намуд

Нуъмон Абдуғаффорзода: "Ба шарофати имтиёзҳои андозию гумрукӣ инфрасохтори сайёҳӣ рушд меёбад"

Ҷаҳон дар як сатр

Масъулияти куштори одамон дар Қизлярро «ДИ» ба зимма гирифт

ИА воридсозии сулҳофарон ба Донбассро воситаи қатъи таҳрими зиддирусӣ мешуморад

Мексика дар 33 мунитсипалитет ҳолати фавқулода роҳандозӣ кард

Садамаи чархбол боиси марги 13 нафар гашт

Дар Венесуэла ҳавопаймо ба болои хона афтид

Варзиш

17.02.2018


Сироҷиддин Аслов бо Ясмин Гуедар мулоқот намуд

Баррасии рушди муносибатҳои Тоҷикистону Озарбойҷон


Дар сомонаҳои дигари Тоҷикистон хонед