logo

иқтисод

РОМИТ. ДАРАЕ, КИ БАРОИ САЙЁҲӢ КАМНАЗИР АСТ

Гурӯҳи тарғиботии мо доир ба шарҳу баррасии Паёми навбатии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ таҳти роҳбарии мушовири бахши ёрдамчии Президенти Ҷумҳурии Тоҷикистон оид ба масъалаҳои амнияти миллӣ Юсуфҷон Юсуфзода, вакили Маҷлиси намояндагон, профессор Ҷамшед Муртазоқулов, устодони ДМТ А. Сафарзода, Р. Раҳмонӣ бо сокинони шаҳри Ваҳдат вохӯриҳои судманд гузаронданд.

Ю. Юсуфзода дар бораи амнияти кишвар, сулҳу осудагӣ, маърифати истифодабарии техникаву технологияи муосир ва интернет, ки асоси пешрафти ҷомеа ҳастанд, ҳарф зада, суханронии худро бо суханони Пешвои миллат тақвият дод. Аз ҷумла, таъкид гашт, ки дар соли 2017 зиёда аз сад давлати дунё мавриди ҳамлаҳои ғайриинсонии террористон ва ифротгароён қарор гирифтааст ва ин сокинони кишвари моро ҳушдор медиҳад, ки ба амнияту осудагии давлат бетарафӣ накарда, ҳамкориро бо ниҳодҳои дахлдор оқилона ба роҳ монанд.
Ҷ. Муртазоқулов моҳияти Паёмро ҳам аз ҷиҳати иқтисодӣ ва ҳам аз ҷиҳати фарҳангӣ шарҳ дода, самаранок истифода бурдани гиёҳҳо ва обҳои шифобахш, бахусус дар мавриди ободтару зеботар гардондани дараи Ромит, пешниҳодҳои муфид ироа намуд. Мавсуф изҳор дошт, ки бо меҳнати софдилона, рушди ҳунарҳои мардумӣ, сохтани дукону меҳмонсаройҳои муосир Ромитро ба яке аз маконҳои муҳимтарини сайёҳии кишварамон табдил диҳем. Инчунин, аз дараи Ромит ҷамъ овардани ҳазорон навъ гиёҳ ва дар оянда аз онҳо истеҳсоли дорувории ватанӣ тавсия гардид.
Р. Раҳмонӣ ёдовар шуд, ки донишҷӯёни факултети филологияи Донишгоҳи миллии Тоҷикистон дар 10 - 15 соли охир борҳо ба шаҳри Ваҳдат, минтақаи зебоманзари Ромит барои гирдоварии унсурҳои бостонии фарҳанги мардум омада, аз мардум афсонаву ривоят, суруду таронаҳо, рақсу бозиҳоро сабт карда, дар бораи ҳунарҳои мардумӣ ба мисли табақтарошӣ, гаҳворасозӣ, сабадбофӣ, заргарӣ, қуроқдӯзӣ, гулдӯзӣ, шерозбофӣ ва ғайра маълумоти нодир ҷамъ оварданд.
Зимнан, аз сокинон хоҳиш карда шуд, ки имсол дукон, дегдон, танӯрхона, ошхона, бахусус дастшӯю ҳаммому ташнобҳои худро ба шакли замонавӣ, тозаву озода ва шинам сохта, барои қабули сайёҳон ва муаррифии Тоҷикистон аҳли оила ва фарзандони худро омода созанд. Дар ин росто, Пешвои муаззами миллат сохторҳои марбутаро вазифадор карда, имтиёзҳои хуберо фароҳам оварданд: «Вобаста ба таҳлили хусусиятҳои хосси ҳар як минтақа, захираҳои табиӣ ва инсонӣ, иқлим ва шароити ҷойгиршавии онҳо бояд таҳия ва татбиқи лоиҳаҳои гуногуни сармоягузорӣ фаъол гардонда шавад. Бо мақсади ҳавасмандгардонии аҳолӣ ҷиҳати истеҳсоли молҳои ниёзи мардум дар хона ва рушди ҳунарҳои мардумӣ аз 1 январи соли 2018 фурӯши чунин молу мавод аз пардохти ҳамаи намудҳои андоз озод карда шавад».
Аз тарафи раиси шаҳр ба шахсони масъул супориш дода шуд, ки дар самти роҳи Роғун ва Норак, ки дар оянда аз ин масир сайёҳон зиёд мегузаранд, барои сохтмони дуконҳои фурӯши маҳсулоти ҳунармандӣ замин ҷудо карда шавад.
Сокинони шаҳри Ваҳдат аз мулоқоту суҳбатҳои фаъолони гурӯҳи тарғиботӣ бори дигар дарк карданд, ки Паём раҳнамои тамоми соҳаҳои иқтисодиву иҷтимоӣ ва сиёсӣ аст ва бо такя бар он дурнамои тамоми фаъолиятҳои ҷамъиятиву давлатиро метавон ба роҳ монд.
Равшан РАҲМОНӢ,
профессори Донишгоҳи миллии Тоҷикистон


Баёни ақида (0)    Санаи нашр: 22.01.2018    №: 16    Мутолиа карданд: 501

24.02.2020


ГАРДИШИ МОЛ. ТАНОСУБИ СОДИРОТ НАЗАР БА ВОРИДОТ АФЗУД

РОҒУН. АФВШУДАГОН БО ҶОЙИ КОР ТАЪМИН МЕГАРДАНД

ГӮШТӢ. 4 МЕДАЛ АЗ ЧЕМПИОНАТИ ОСИЁ, АММО БЕ ТИЛЛО

ОЛИМОНИ БЕЛАРУС ДАР ШАҲРИ ХУҶАНД АРЧА МЕШИНОНАНД

ИМА ДАР АФҒОНИСТОН АМАЛИЁТИ ҲУҶУМРО ҚАТЪ СОХТ

МУШОВИРИ ТРАМП ОВОЗАҲОРО ОИД БА ОҒОЗЁБИИ «ДАХОЛАТИ РОССИЯ» БА ИНТИХОБОТ БЕБУНЁД ХОНД

ГОНЧАРУК: «УКРАИНАРО СОЗИШНОМА БО РОССИЯ АЗ БОЛОРАВИИ НАРХИ ГАЗ НАҶОТ ДОД»

ҶАҲОН ДАР ЯК САТР

БОКС. РАҚОБАТИ АНВАР ЮНУСОВ БАРОИ КАМАРБАНДИ WBA–NABA

МЕРКЕЛ ВА МАКРОН БА ПУТИН ХАБАР ДОДАНД, КИ БА ВОХӮРИИ ЯКҶОЯ БО ЭРДУҒОН ТАЙЁРАНД

ЧИН БА САММИТИ G20 ДАР АРАБИСТОНИ САУДӢ НАМЕРАВАД

ДАР БЕРЛИН ДУЗДОНИ ТАНГАИ ТИЛЛОИИ 100 - КИЛОИРО СУД НАМУДАНД

ҶАҲОН ДАР ЯК САТР

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР


Дар сомонаҳои дигари Тоҷикистон хонед