logo

туризм

БРИАН МУЛЛИС: “ТОҶИКИСТОН КИШВАРИ АФСОНАВИСТ”

Тоҷикистони биҳиштосо бо табиати нотакрор ва мавзеъҳои дилфиребаш қалбҳоро тасхир кардааст. Ин аст, ки таваҷҷуҳи коршиносони байналмилалӣ ба омӯзиши захираҳои туристии мамлакат зиёд мегардад. Бо мақсади омӯхтани имкониятҳои туризми мамлакат ва муайян кардани дурнамои рушди он коршиноси варзидаи экотуризми байналмилалии Иёлоти Муттаҳидаи Амрико Бриан Муллис моҳи октябри соли 2017 аз минтақаҳои гуногуни кишвар дидан намуд. Бо мавсуф ҳамсуҳбат шудем, то ки андешаҳояшро дар бораи туризми Тоҷикистон иброз намояд:
- Дар даҳсолаи оянда туризм ба яке аз соҳаҳои авлавиятноки иқтисоди миллии кишварҳои ҷаҳон  табдил меёбад. Ҳамин аст, ки дар саросари олам ҳамасола шумораи сайёҳон меафзояд. Дар ин радиф, барои Тоҷикистон низ туризм яке аз самтҳои афзалиятноки дурнамои рушди минбаъдаи иқтисоди миллӣ ба шумор меравад ва бо таъсиси ҷойҳои кории нав метавонад дар баланд бардоштани сатҳи зиндагии аҳолӣ мусоидат намояд. Тӯли 8 рӯзи дар гӯшаву канори гуногуни Тоҷикистон будан, бори дигар итминон ҳосил кардам, ки кишвари шумо афсонавист  ва бо мероси ғании таърихию фарҳангӣ, мавзеъҳои истироҳатию рекреатсионӣ ва захираҳои бойи табиӣ барои рушду равнақи ин соҳаи ояндадор иқтидори бузург дорад. Урфу одат, анъанаҳои қадима ва меҳмоннавозии самимии мардуми тоҷик барои сайёҳон мароқангез аст.
Хурсандиовар аст, ки Ҳукумати Ҷумҳурии Тоҷикистон барои ҷалби бештари сайёҳон як қатор тадбирҳо андешидааст. Аз ҷумла, озод гаштани ширкатҳои туристӣ дар панҷ соли аввали фаъолият аз пардохти андоз аз фоида далели ин гуфтаҳост ва бе шакку шубҳа, баҳри рушду равнақи соҳаи сайёҳӣ   самараи дилхоҳ ба бор хоҳад овард. Дар баробари ин, моҳи сентябри соли 2017 Тоҷикистон ва 155 давлати аъзои Созмони ҷаҳонии туризм “Эъломияи Ченгду” - ро қабул карданд, ки он нақш ва саҳми босазои соҳаи сайёҳиро бо назардошти ҳадафҳои рушди устувор муайян менамояд.
Шоистаи зикр аст, ки Тоҷикистон барои равнақи туризми экологӣ иқтидори фаровон дорад. Зеро аз ҷиҳати захираҳои экотуристӣ Тоҷикистон аз ҷумлаи минтақаҳои ояндадори Осиёи Марказӣ ба шумор меравад. Махсусан, кӯҳҳои осмонбӯси Помир касро мафтун месозад. Ба ҷуз ин, дар дарёҳои Тоҷикистон имконияти хуби ташкил кардани туризми обӣ ё ин ки рафтинг мавҷуд аст. Тоҷикистон барои ба роҳ мондани намудҳои гуногуни туризми экстремалӣ низ мувофиқ мебошад. Рушди устувори ин бахшҳо тақозо менамояд, ки мақомоти маҳаллӣ, созмонҳо, бахши хусусӣ ва ҷомеаи шаҳрвандӣ ҷиҳати ҷалби бештари сармоя барои беҳбудии фазои сайёҳӣ дар мамлакат тадбирҳои зарурӣ андешанд.
Дар ҳақиқат Тоҷикистон ганҷинаи кашфношуда аст ва бо муҳайё намудани инфрасохтори зарурию пешниҳоди хизматрасонии босифат метавонад дар бозори байналмилалии сайёҳӣ мақоми арзандаро касб намояд. Барои ноил шудан ба ин ҳадаф таҳияи стратегияе, ки рушди минбаъдаи соҳаро муайян намояд, муҳим мебошад.
Меҳрангез ҚОДИРОВА, “Ҷумҳурият”


Баёни ақида (0)    Санаи нашр: 25.01.2018    №: 20    Мутолиа карданд: 296

23.05.2018


Ҷаласаи Шӯрои сарони ҳукуматҳои ИДМ баргузор мегардад

Вохӯрии Абдураҳим Қаҳҳоров бо Чжао Кэчжи

Тоҷикистон дар ҳифзи нигаҳдории гуногунии биологӣ саҳми назаррас дорад

Ҷаҳон дар як сатр

Рашид Олимов: «Масоили амниятӣ таваҷҷуҳи бештар мехоҳад»

Дар Олмон ба хотимабахшии «давраи яхбандӣ» дар муносибат бо Русия даъват намуданд

Аморат низоми раводидро барои сармоягузорону мутахассисони баландпоя сабук кард

Қазоқистон: имтиёзҳои қарзи манзил барои омӯзгорон ва табибон

Қирғизистон барои иштирок дар лоиҳаи «Digital CASA» беш аз 3 миллиард рубл мегирад

21.05.2018


Ҷаҳон дар як сатр

Пекин ҷонибдори бунёди тамаддуни экологист

Маҳви 65 ҳазор ҷангӣ дар Сурия

Вашингтон барои мубориза алайҳи терроризм қариб $3 триллион харҷ кардааст

Иттиҳоди Аврупо ба ИМА роҳи пешгирии боҷро нишон дод

Мансабдорони Қазоқистон аз ҳаққи узвият дар созмонҳои динӣ маҳрум мешаванд

18.05.2018


Ҷаласа таҳти роҳбарии муовини Сарвазири мамлакат

Брифинги матбуотӣ оид ба натиҷаҳои Конфронси байналмилалии Душанбе

Ифтитоҳи Маркази таҳсилот, илм ва фарҳанги Беларус

17.05.2018


Баррасии масоили соҳибкорӣ

Вохӯрии Исматулло Насредин бо Эндрю Гилмор

Чорабиниҳо бахшида ба Рӯзи ҷавонон

Туризм аз бахшҳои асосии иқтисоди миллӣ

ОРОИШГАРИ ШАҲРИ КӮЛОБ

Армуғон аз Италия

Ҷаҳон дар як сатр

Низомиёни афғон маркази музофоти Фараҳро аз «Толибон» озод карданд

Дар Қоҳира кишварҳои араб масъалаи Байтулмуқаддасро баррасӣ мекунанд

Дар Қазоқистон иттиҳодияҳои динӣ ҳисоботи молиявӣ хоҳанд дод

Қирғизистон: ҳаҷми воридот аз содирот 3,2 маротиба бештар аст

16.05.2018


Рӯзҳои фарҳангии ВМКБ дар Хатлон

В. Путин: «Силоҳи нави мо даҳсолаҳо тавозуни стратегиро дар ҷаҳон таъмин месозад»

Пхенян таҳдиди дасткашӣ аз ҳамоиши ИМА – Кореяи Шимолӣ кард

«Иқтисоди сабз» метавонад 24 миллион ҷойи нави кор фароҳам орад

Дарёфти 7 медал дар Чемпионати Осиё


Дар сомонаҳои дигари Тоҷикистон хонед