logo

иқтисод

СОҲИБКОРӢ. ЧАРОҲОЕ, КИ ПОСУХ МЕХОҲАНД

Мувофиқи нақшаи барномаҳои давлатӣ ҳиссаи бахши хусусӣ дар сармоягузории умумӣ то соли 2020 ду баробар афзоиш дода мешавад. Ин ҳадаф моро водор месозад, ки ба масъалаи фароҳам овардани фазои мусоид ва ҷорӣ кардани усулҳои ҳавасмандсозии фаъолияти соҳибкориву сармоягузорӣ, хусусан дар маҳалҳо диққати бештар диҳем.
Барои ин дар ҷумҳурӣ имкониятҳои омӯзиш ва пайваста сайқал додани маҳорати соҳибкорӣ хеле зиёданд. Вале, мутаассифона, бисёре аз соҳибкорон фаъолияти худро бе гирифтани маълумоти соҳавӣ оғоз карда, ниҳоят дар ҷараёни кор ба мушкилӣ рӯ ба рӯ мешаванд.
Нокифоя будани маърифати ҳуқуқиву молиявӣ, наомӯхтани бозор ва маркетинг, кам будани таҷрибаи кор дар истеҳсолот, махсусан дар самти банду басти маҳсулот, кор бо техника ва технологияи муосир, ҳамчунин, надонистани забонҳои хориҷӣ, асоси монеа ва сабаби аз фаъолият бозмонии баъзе корхонаҳои саноатӣ шудаанд.
Барои баланд бардоштани сатҳи касбият ва малакаи соҳибкорон дар ҷумҳурӣ, махсусан дар шаҳру ноҳияҳо ва деҳот аз ҷониби Кумитаи давлатии сармоягузорӣ ва идораи амволи давлатӣ як қатор чорабиниҳои омӯзишӣ, аз қабили тренинг ва семинар - машваратҳо доир мешаванд, - иброз дошт муовини сардори раёсати дастгирии соҳибкори кумита Замира Ҷӯразода.
- Айни замон барои беҳбуд бахшидан ба ҷараёни омӯзиши соҳибкорону тоҷирон аз ҷониби кумита нақша – чорабиниҳои баргузории омӯзиш бо назардошти таъсиси марказҳо ва курсҳои такмили ихтисос (дар ҳамкорӣ бо шарикони рушд) таҳия шуда, барои тасдиқ ба Ҳукумати кишвар пешниҳод гардидааст.
Омӯзиши то имрӯз доирнамудаи кумита бештар ба муаррифии муқаррароти қонунҳои амалкунанда, аз ҷумла Қонуни Ҷумҳурии Тоҷикистон «Дар бораи санҷиши фаъолияти субъектҳои хоҷагидор» ва «Дар бораи низоми иҷозатдиҳӣ» равона шудааст. Ба чунин монанд тренингҳо дар шаҳрҳои Кӯлоб ва Бохтари вилояти Хатлон ба маротиб зиёд буданд. Ба гуфтаи сардори Раёсати сармоягузорӣ ва идораи амволи давлатии мақомоти иҷроияи ҳокимияти давлатии вилояти Хатлон Қурбон Қурбонзода, омӯзондан ва пайваста такмили ихтисос кардани соҳибкорон дар ҳоли ҳозир хеле ба маврид аст. Масалан, баргузории семинар - машваратҳо оид ба ташкили марказҳои истеҳсолӣ ва эҳёи ҳунарҳои мардумӣ дар доираи барномаи давлатии мусоидат ба шуғли аҳолӣ дар шаҳру ноҳияҳои вилоят имконият фароҳам овард, ки дар соли 2017 аз ҳисоби соҳибкорон беш аз 200 биною иншоот ва корхонаҳои истеҳсолию ғайриистеҳсолӣ ба маблағи 107,9 миллион сомонӣ сохта, ба истифода дода шаванд. Вале, ин тадбирҳо барои рушди босуръати фаъолияти соҳибкорӣ, хусусан дар самти соҳибкории истеҳсолӣ кифоя нест. Мушкили  таҳия ва пешниҳоди бизнес - нақшаҳо, таҳияи лоиҳаҳои сармоягузорӣ, ҷалби инвеститсия ва истифодаи мақсадноки маблағҳои қарзӣ ҳанӯз боқӣ монда, ҳалли саривақтии худро тақозо менамоянд.
- Аз ҷониби соҳибкорон истифода накардани технологияи инноватсионӣ низ монеа эҷод кардааст. – Албатта, барои бо технологияи инноватсионӣ кор кардан бояд, ки сатҳи касбӣ ва маърифати ҳуқуқиву молиявии соҳибкорон баланд бошад. Ба ин хотир, масъулони маркази ҷавонон пайваста бо соҳибкорон дар ҳамкорӣ буда, ба онҳо барои таҳияи бизнес – нақшаҳо ва дар кори истеҳсолот аз коркард то истеҳсоли маҳсулоти ниҳоӣ ва содироти он маслиҳат медиҳанд. Ин аст, ки фаъолияти соҳибкорӣ дар вилояти Суғд нисбат ба дигар минтақаҳои ҷумҳурӣ ба маротиб рушд кардааст. Аз ин рӯ, бисёр бамаврид хоҳад буд, агар дар дигар минтақаҳои ҷумҳурӣ низ чунин марказҳои инноватсионӣ ва бизнес – инкубаторҳо таъсис дода шаванд. Шумораи онҳо дар шаҳру ноҳияҳо ангуштшуморанд, - гуфт Маъруфхоҷа Бузургхоҷаев, роҳбари Маркази инноватсионии ҷавонон аз шаҳри Исфараи вилояти Суғд.
Бовар аст, ки масъулони кумита якҷо бо мақомоти маҳаллӣ дар ҳалли мушкилиҳои ҷойдошта ва таҳияи лоиҳаҳои нави сармоягузорӣ бо таҳлили хусусиятҳои хоси ҳар як минтақа, захираҳои табиӣ ва инсонӣ, ҳамчунин, иқлим ва шароити ҷойгиршавии онҳо чораҳои зарурӣ меандешанд.
О. ВАФОБЕК, «Ҷумҳурият»


Баёни ақида (0)    Санаи нашр: 31.01.2018    №: 24    Мутолиа карданд: 196

26.05.2018


Қоҳир Расулзода бо Алекен Еминбахэ мулоқот намуд

Ҷаласаи Шӯрои вазирони мудофиаи давлатҳои аъзои СААД

Вохӯрии котибони шӯроҳои амният

24.05.2018


Симои сиёсӣ ва фарҳангии Пешвои миллат

Мулоқоти Шукурҷон Зуҳуров бо Алекен Еминбахэ

Вохӯрии ҳайати вазоратҳои корҳои дохилии Тоҷикистону Ӯзбекистон

Рӯнамоии иқтидори сайёҳии кишвар дар Боку

ҶАЙҲУН. ПИЁЗ ЗИЁДУ ХАРИДОР КАМ

Ҷаҳон дар як сатр

СҲШ: таваҷҷуҳи вижа ба таъмини амнияти лоиҳаҳои байналмилалии стратегӣ

Ширкати 15 ҳазор меҳмон дар ҳамоиши иқтисодии Петербург

Макрон бо умеде ба Санкт-Петербург меояд, ки «Русияро ба Аврупо орад»

Дар Ҳилманд 15 нафарро аз асорати «Толибон» озод карданд

Қазоқистон гандуми бисёрсола парвариш кардан мехоҳад

23.05.2018


Ҷаласаи Шӯрои сарони ҳукуматҳои ИДМ баргузор мегардад

Вохӯрии Абдураҳим Қаҳҳоров бо Чжао Кэчжи

Тоҷикистон дар ҳифзи нигаҳдории гуногунии биологӣ саҳми назаррас дорад

Ҷаҳон дар як сатр

Рашид Олимов: «Масоили амниятӣ таваҷҷуҳи бештар мехоҳад»

Дар Олмон ба хотимабахшии «давраи яхбандӣ» дар муносибат бо Русия даъват намуданд

Аморат низоми раводидро барои сармоягузорону мутахассисони баландпоя сабук кард

Қазоқистон: имтиёзҳои қарзи манзил барои омӯзгорон ва табибон

Қирғизистон барои иштирок дар лоиҳаи «Digital CASA» беш аз 3 миллиард рубл мегирад

21.05.2018


Ҷаҳон дар як сатр

Пекин ҷонибдори бунёди тамаддуни экологист

Маҳви 65 ҳазор ҷангӣ дар Сурия

Вашингтон барои мубориза алайҳи терроризм қариб $3 триллион харҷ кардааст

Иттиҳоди Аврупо ба ИМА роҳи пешгирии боҷро нишон дод

Мансабдорони Қазоқистон аз ҳаққи узвият дар созмонҳои динӣ маҳрум мешаванд

18.05.2018


Ҷаласа таҳти роҳбарии муовини Сарвазири мамлакат

Брифинги матбуотӣ оид ба натиҷаҳои Конфронси байналмилалии Душанбе

Ифтитоҳи Маркази таҳсилот, илм ва фарҳанги Беларус

17.05.2018


Баррасии масоили соҳибкорӣ

Вохӯрии Исматулло Насредин бо Эндрю Гилмор


Дар сомонаҳои дигари Тоҷикистон хонед