logo

иқтисод

СИФАТ ВА МУҲЛАТ. ДУ ОМИЛИ АСОСӢ ДАР СОХТМОН

Корхонаи воҳиди таъмиру сохтмони Дастгоҳи иҷроияи Президенти Ҷумҳурии Тоҷикистон зиёда 25 сол аст, ки дар самти ободонию бунёдкорӣ фаъолият намуда, ба дастовардҳои назаррас ноил гаштааст. Барои кори босифату саривақтӣ  корхона борҳо бо туҳфаю ифтихорномаҳои Дастгоҳи иҷроия ва аз ҷониби Президенти Ҷумҳурии Тоҷикистон  -  Роҳбари муаззами мо муҳтарам Эмомалӣ Раҳмон бо медали “Шараф” қадрдонӣ шудааст. Сардори корхона Баҳром Шарифзода зимни суҳбат бо хабарнигори “Ҷумҳурият” перомуни дастоварду нақшаҳои корӣ чунин иброз дошт:

 - Мо мақсад гузоштаем, дар соли 2018  тамоми имконияту захираҳои меҳнатию техникии худро пурсамар истифода бурда, корҳои таъмиру сохтмониро бо масъулияти калон хубтар ба анҷом расонем,  нишондодҳои беҳтар ба даст орем ва эътибори корхонаро дар байни муштариён ва ҳамтоён зиёд намоем.
Соли гузашта корхона ба маблағи қариб 43 миллион  сомонӣ   корҳои таъмиру сохтмонро  анҷом дод. Азнавсозии маҷмӯи биноҳои Ҳукумати Ҷумҳурии Тоҷикистон ба маблағи беш аз 1,9 миллион, сохтмони хонаи истиқоматии 12 – ошёна барои кормандони Дастгоҳи иҷроия, вазоратҳои молия ва рушди иқтисоду савдо дар маҳаллаи Зарафшони шаҳри Душанбе ба маблағи 1278,7 ҳазор, сохтмони бино ва иншооти Академияи ВКД  Ҷумҳурии Тоҷикистон дар шаҳри Душанбе  ба маблағи   3136,9 ҳазор, сохтмони бинои Суди Олии Ҷумҳурии Тоҷикистон дар шаҳри Душанбе ба маблағи  қариб 8,2 миллион, сохтмони муассисаи тахсилоти миёнаи умумӣ барои 1500 хонанда дар шаҳри Душанбе  ба маблағи  беш аз 9,1 миллион, таъмири болопӯши амборҳои Кумитаи ҳолатҳои фавқулода ва мудофиаи гражданӣ ба маблағи  беш аз 2,2 миллион, сохтмони кохи фарҳанг барои 700 ҷойи нишаст дар ноҳияи Данғараи вилояти Хатлон  ба маблағи  4,9 миллион, сохтмони муҷтамаи гимназияи президентӣ барои 640 хонанда ва хонаҳои истиқоматӣ дар шаҳри Ҳисор ба маблағи  беш аз 1,7 миллион, сохтмони мактаби нав дар деҳаи Ҷӯйбодоми Ҷамоати деҳоти Чортеппаи ноҳияи Рӯдакӣ ба маблағи қариб 1 миллион, сохтмони хонаи истиқоматии бисёрошёна дар шаҳри Хоруғи ВМКБ ба маблағи 1,5 миллион, сохтмони бинои маъмурии мақомоти иҷроияи маҳаллии ҳокимияти давлатии ноҳияи Ванҷ ба маблағи  беш аз 3,8 миллион сомонӣ аз ҷумлаи барномаю  лоиҳаҳоеанд, ки аз ҷониби бинокорони корхона татбиқ шудаанд.
Соли гузашта музди миёнаи меҳнати коргарон 1620 сомониро ташкил дод. Вобаста ба ҳаҷми сохтмон мо дар шаҳру ноҳияҳо бинокорони маҳалро низ ба кор ҷалб менамоем.
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатӣ зикр намуданд, ки дар шаҳру ноҳияҳои мамлакат то соли 2016 беш аз 1400 иншооти варзишии нав бунёд гардида, қариб 1100 иншооти дигар таъмиру таҷдид шудааст. Мо ифтихор дорем, ки дар ин кори пуршараф низ ҳиссагузор мебошем. 
Роҳандозии электронии маҷмӯи корҳо дар корхона, аз ҷумла ба роҳ мондани барномаи С 1 – ро дастоварди муҳиму хотирмони ду соли охири кориамон меҳисобем. Тақозои давру замон аст, ки тамоми корхонаю идораҳо ба тарзи кори электронӣ гузаранд. Мо ин амалро дар корхона аллакай ба роҳ мондаем. Шояд дар тамоми ҷумҳурӣ корхонаи мо яке аз аввалин муассисаҳое бошад, ки пурра (ғайр аз шуъбаи умумӣ) ба тарзи электронӣ кору фаъолият дорад. Бо иҷрои ин барнома мо истифодаи рангу қоғазро тадриҷан аз байн мебарем. Роҳандозии ин амал барои сариштакорона истифода бурдани маблағҳо ва сарфаи вақт аҳамияти калон дорад.
Сафаргули АЛИМ, “Ҷумҳурият”


Баёни ақида (0)    Санаи нашр: 01.01.2018    №: 25    Мутолиа карданд: 214

16.10.2018


Тасдиқи нақшаи чорабиниҳо оид ба шинондани ниҳолҳо

Мунтахаби Тоҷикистон дар мусобиқаи "Bangabandhu Gold Cup" ҷои дувумро гирифт

БОЗИҲОИ ОЛИМПИИ НАВРАСОН. Мо соҳиби медал шудем

10.10.2018


Ҷаласаи Шӯрои вазирони мудофиаи кишварҳои узви ИДМ баргузор мешавад

Таҳкими ҳамкориҳои Бонки миллии Тоҷикистон ва БАТР

Дар Душанбе Фестивали байналмилалии «Чакан» доир мегардад

СУҒД. Бунёд ва таъмири 110 иншооти фарҳангӣ

РАШТ. Сохтмони 140 иншоот

РОШТҚАЛЪА. Вусъати созандагӣ

“SLOW FOOD”. Муаррифии гулмоҳии амударёӣ ва оши палов

МУНТАХАБИ ТОҶИКИСТОН ДАР ФИНАЛИ МУСОБИҚАИ "BANGABANDHU GOLD CUP"

09.10.2018


БАЛҶУВОН. Рӯ ба рушд

РАШТ. Авлавият ба ҳифзи муҳити зист

ТАНЗИМ. Қонуншиканон 25 ҳазор сомонӣ ҷарима шуданд

Сипоси сарвари ОПЕК Муҳаммад Баркиндо аз Владимир Путин

Сарони Россия ва Ӯзбекистон ҳамкории дуҷонибаро баррасӣ карданд

Неруҳои эътилофи байналмилалӣ дар Афғонистон амнияти интихоботро таъмин месозанд

Лондон зери об мемонад?

Ҷаҳон дар як сатр

08.10.2018


Даҳ соли минтақаҳои озоди иқтисодӣ

ЧЕМПИОНАТИ ОСИЁ. Мунтахаби Тоҷикистон – барандаи медалҳои нуқра

ДЗЮ-ДО. Натиҷаҳо аз Ҷоми Президенти Тоҷикистон

"ПАЛАНГИ ТИЛЛОӢ". Ғалабаи Ҷомӣ Ҳасанов

Сафари расмии Владимир Путин ба Ҳиндустон

Трамп ба вохӯрияш бо Путин дар Хелсинки баҳои баланд дод

Дар Туркия ҳамоиши чорҷониба оид ба Сурия баргузор мегардад

Селфи бо марг бозӣ кардан аст

Ҷаҳон дар як сатр

ЧЕМПИОНАТИ ОСИЁ. Футболбозони навраси тоҷик дар финал

04.10.2018


Анҷоми озмуни. “Маҳалла ва ташкилоти беҳтарин” дар Бохтар

КОНИБОДОМ. Деҳқонон ғолиби мусобиқа

Баргузории фестивали “Оши палов”

ТАНДУРУСТӢ. Назорат пурзӯр мешавад

Як мулоқоти муҳим


Дар сомонаҳои дигари Тоҷикистон хонед