logo

фарҳанг

САДА. ТАҶЛИЛИ БОШАҲОМАТИ ИН ҶАШНИ БОСТОНӢ ДАР ДУШАНБЕ

Бо ибтикори Дастгоҳи иҷроияи Президенти Ҷумҳурии Тоҷикистон ва  мақомоти иҷроияи ҳокимияти давлатии шаҳри Душанбе дар Боғи фарҳангию фароғатии «Дӯстии халқҳо» - и пойтахт  Ҷашни миллии Сада бо шукӯҳу шаҳомати хосса баргузор гардид. Ҳунармандону кишоварзон ва кадбонуҳои маъруфи шаҳру ноҳияҳои кишвар маҳсули дасти хешро дар раванди баргузории ҷашн манзури меҳмонону сокинони пойтахт намуданд. Санъаткорони варзидаи шаҳру ноҳияҳо ва муассисаҳои фарҳангӣ бо ҳунари зебо хотири ҳозиронро болида сохтанд. 
Абдуҷаббор Раҳмонзода, Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа, ба маҳсули заҳмати ҳунармандону кишоварзон ва кадбонуҳо баҳои баланд дода, сокинони мамлакатро бо фарорасии ин иди ниёгон табрик  гуфт ва барои оростани ҷашни зебо ба пешкорону ҳозирон изҳори сипос  намуд. Абдуҷаббор Раҳмонзода изҳор дошт, ки Сада оини меҳрпарастӣ  ва ҷашни бостонии ниёгони тамаддунпарвари мо буда, ба  зиндагии инсон ва робитаи ӯ бо табиат вобастагии ногусастанӣ дорад. Ба шарофати Истиқлолияти давлатӣ ва ташаббуси  Президенти Ҷумҳурии Тоҷикистон,  шахсияти ватанхоҳу ватандӯст ва худогоҳу худшинос муҳтарам Эмомалӣ Раҳмон Сада дар радифи ҷашну оинҳои дигари таърихию фарҳангӣ, назири Наврӯзу Меҳргон аз нав эҳё гардид.
Намоиши дастоварду навовариҳо дар соҳаи кишоварзии мамлакат яке аз қисматҳои муҳими чорабинӣ буд. Кормандону мутахассисони соҳаи  кишоварзӣ, олимону устодони Донишгоҳи аграрии Тоҷикистон ба номи Шириншоҳ Шоҳтемур ва Академияи илмҳои кишоварзии ҷумҳурӣ номгӯйи тухмиҳои нави серҳосили зироатҳо, ниҳолҳои мевадиҳандаю ҳамешасабз, гулбуттаҳо, техникаю олоти кишоварзӣ ва дастгоҳҳои истеҳсолиро муаррифӣ намуданд. Намунаи олии сардхона барои нигоҳдории картошка дар шароити кӯҳистон ба сокинону меҳмонони пойтахт намоиш дода шуд.
Ҳикматулло Назиров, директори Институти боғпарварию сабзавоткории АИК, изҳор дошт, ки Ҷашни бошукӯҳи Сада дар кишвар боз як бори дигар кишоварзони гӯшаю канори ҷумҳуриро ба ҳам овард. Ин ҷамъомади ботантана шароит фароҳам овард, ки дастовардҳои соҳа ба таври васеъ муаррифӣ шаванд ва кишоварзон бо усулҳои нави парвариши зироатҳо ошно гарданд. Сардхонае, ки ба намоиш гузошта шуд, дар шароити кӯҳистон бе ягон воситаи иловагӣ 400 – 500 тонна картошкаро муддати дароз нигоҳ медорад. Ин дастоварди олимони соҳа, пеш аз ҳама, самари ғамхориҳои Пешвои миллат муҳтарам Эмомалӣ Раҳмон нисбат ба кори олимону мутахассисони соҳа мебошад. 
Бо дастгирии Сарвари давлат олимони соҳаи  кишоварзии мамлакат солҳои охир қариб 12 ҳазор навъи зироатҳои ватаниро ҷамъоварӣ намуда, дар ин ҳамоиши идона намунаи онҳоро ба намоиш гузоштанд.
Дар намоиши идона баробари  кишоварзон ҳунармандони пойтахт ва шаҳру ноҳияҳои дигари кишвар номгӯйи зиёди маҳсулоти ҳунарҳои мардумӣ, аз ҷумла  тоқию гулдӯзиҳо, ҷӯробҳои гуногунранг, атласу адрас, қолин, сабад, инчунин, навъҳои зиёди нону шириниҳои тоҷикиро пешкаши тамошобинон намуданд.
Ташрифулло САЪДУЛЛОЕВ,
«Ҷумҳурият»


Баёни ақида (0)    Санаи нашр: 01.02.2018    №: 25    Мутолиа карданд: 291

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров

GLOBE SOCCER AWARDS. Беҳтаринҳоро муайян кард

ҶАҲОН ДАР ЯК САТР

Дар Пекин музокироти тиҷоратии ИМА ва Чин мегузарад

Эрдуғон пирӯзӣ бар террористони «Давлати исломӣ» - ро эълом дошт

Разведкаи Сурия дар ҳафт сол 80 саркардаи исломиро нест кард

Сарвари ҶХД Корея ба Чин бо ташрифи серӯза омад

Танзими нархи дорудар Қазоқистон


Дар сомонаҳои дигари Тоҷикистон хонед