logo

иқтисод

МЕВАЮ САБЗАВОТ. ҲОСИЛ ФАРОВОНУ ДАРОМАД КАМ, ЧАРО?

Дар Паёми навбатӣ Пешвои миллат муҳтарам Эмомалӣ Раҳмон таъкид намуданд: «Пешрафти ояндаи Тоҷикистон дар шакли  индустриалӣ ва инноватсионӣ пешбинӣ гардида, ҷиҳати татбиқи ин ҳадаф бо истифода  аз технологияҳои муосир баланд бардоштани самаранокии саноати коркард ва қобилияти рақобати маҳсулоти ватанӣ бисёр муҳим мебошад».
Кишвари мо сарзамини пур аз ганҷ буда, ба роҳ мондани коркарди сарватҳои зеризаминӣ ба иқтисодиёти мамлакат даромади зиёд хоҳад овард. Ду - се  соли охир истеҳсоли ангишту семент дар ҷумҳурӣ зиёд шуд, ки манфиати онро эҳсос мекунем. Дар пайи ғамхории Сарвари давлат ҷиҳати ба кор андохтани иқтидорҳои нави энергетикӣ маҳдудияти неруи барқ дар  мамлакат аз байн рафт. Сементи ватанӣ ба кишварҳои ҳамсоя содир мешавад. Дар қаъри замини Тоҷикистон  конҳои канданиҳои фоиданок зиёданд. Агар онҳо босамар истифода шаванд ҳам ҷойи корӣ фаровон ва ҳам маҷмӯи маҳсулоти дохилӣ зиёд мегардад.
Президенти мамлакат дар хусуси захираҳои истифоданашудаи соҳаи кишоварзӣ сухан ронда, таъкид намуданд, ки  сарфи назар аз  талаботи зиёди шарикони асосии тиҷоратиамон ба меваю сабзавоти аз ҷиҳати экологӣ  тозаи мо, имкониятҳои мавҷуда дар самти коркард, бандубаст ва содироти онҳо таври зарурӣ истифода нашудаанд ва сохтору мақомоти марбута дар ҳалли ин масъала бояд  мунтазам чораҷӯӣ намоянд.
Таҷрибаи бунёди гармхонаҳо нишон дод, ки дар Тоҷикистон, алалхусус вилояти Хатлон, бо андак маблағгузорӣ дар зимистон парвариши сабзавотро  ба роҳ мондан мумкин аст. Мутаассифона, қисми зиёди соҳибкорон ҳанӯз моҳияти бунёди гармхонаро пурра  дарк накардаанд. Бунёди гармхона хароҷоташро зуд ҷуброн менамояд. Маҳсулоти тайёрро бе миёнарав метавон ба бозори дохилӣ ворид намуд  ё ба Қазоқистону Федератсияи Русия содир кард.
Зимистони ҷануби Тоҷикистон офтобию камбориш буда, бо андак гармидиҳии шабона ҳароратро дар гармхона муътадил нигоҳ доштан мумкин аст. Барои бунёди гармхона ноҳияҳои Шаҳритузу Носири Хусрав, Қубодиён, Дӯстӣ, Панҷ, Ҷайҳун ва Фархор  ояндадоранд.
Бисёр хоҷагиҳо дар мавсими гармӣ ҳосили баланди меваю сабзавот мерӯёнанд, вале аз сабаби набудани  сардхонаҳо як қисми ҳосил талаф меёбад. Пешвои миллат дар ин хусус таъкид намуданд: «Бо ҷалби сармояи дохиливу хориҷӣ бунёд намудани корхонаҳои коркарди маҳсулоти кишоварзӣ, марказҳои логистикӣ ва сардхонаҳо, инчунин, беҳтар намудани  корҳои  бозорёбӣ (маркетинг) низ аз ҷумлаи вазифаҳои муҳим мебошанд».
Амалишавии ин ҳадафҳо боиси фаровонии меваю сабзавот дар чор фасли сол ва беҳтар шудани сатҳи некуаҳволии сокинони мамлакат хоҳад гашт.
Бахтовар ДАВЛАТОВ,
устоди Донишкадаи молия ва иқтисод


Баёни ақида (0)    Санаи нашр: 05.02.2018    №: 27    Мутолиа карданд: 276

22.10.2018


МАҲСУЛОТИ БЕҲТАРИН - муаррифии кишвар дар ҷаҳон

Ба муҳоҷирати меҳнатӣ рафтани тоҷикистониён кам шуд

Россия ва Ӯзбекистон ба маблағи $27 миллиард созишнома имзо карданд

Беш аз 2100 нафар қурбони заминларза дар Индонезия гашт

Конфронси Мюнхен оид ба амният бори нахуст дар Минск доир мегардад

Масири нави ҳавоӣ ҳафт шаҳри Туркияро бо Қирғизистон мепайвандад

Ҷаҳон дар як сатр

ЧЕМПИОНАТИ ОСИЁ. Тоҷикистон онро бо пирӯзӣ оғоз кард

20.10.2018


 ИДМ. Нозирони навраси тоҷик дар мақоми аввал

 Болоравии тавлидоти маҳсулоти саноатӣ

Рушди чорводорӣ

КАРТОШКАПАРВАРӢ. Талошҳо самар медиҳанд

 "Подоши амал" дар фестивали байналмилалӣ

 Дар ноҳияи Восеъ беш аз 200 иншоот месозанд

ҶОМИ ТОҶИКИСТОН. Ғалабаҳои "Истиқлол" ва "Хуҷанд"

17.10.2018


РАШТ. Гусели 40 нафар ба хизмати ҳарбӣ

ТОҶИКОБОД. Ду коргоҳи нав дар хизмати сокинон

Вусъати омодагиҳо дар ноҳияи Спитамен

НОҲИЯИ РӮДАКӢ. 414 иншоот бунёд меёбад

ВАРЗИШГАРОНИ ТОҶИК ДАР ҚУВВАОЗМОИИ ҶАҲОНӢ

Бозиҳои олимпии наврасон. МЕДАЛИ НУҚРАИ БЕЖАН

16.10.2018


Тасдиқи нақшаи чорабиниҳо оид ба шинондани ниҳолҳо

Мунтахаби Тоҷикистон дар мусобиқаи "Bangabandhu Gold Cup" ҷои дувумро гирифт

БОЗИҲОИ ОЛИМПИИ НАВРАСОН. Мо соҳиби медал шудем

10.10.2018


Ҷаласаи Шӯрои вазирони мудофиаи кишварҳои узви ИДМ баргузор мешавад

Таҳкими ҳамкориҳои Бонки миллии Тоҷикистон ва БАТР

Дар Душанбе Фестивали байналмилалии «Чакан» доир мегардад

СУҒД. Бунёд ва таъмири 110 иншооти фарҳангӣ

РАШТ. Сохтмони 140 иншоот

РОШТҚАЛЪА. Вусъати созандагӣ

“SLOW FOOD”. Муаррифии гулмоҳии амударёӣ ва оши палов

МУНТАХАБИ ТОҶИКИСТОН ДАР ФИНАЛИ МУСОБИҚАИ "BANGABANDHU GOLD CUP"

09.10.2018


БАЛҶУВОН. Рӯ ба рушд

РАШТ. Авлавият ба ҳифзи муҳити зист


Дар сомонаҳои дигари Тоҷикистон хонед