logo

иқтисод

МОРАТОРИЙИ ДУСОЛА. ҲАДАФ ВА ЗАРУРАТ

Мақсад аз Фармони Президенти Ҷумҳурии Тоҷикистон «Дар бораи эълон намудани мораторий ба ҳама намуди санҷишҳои фаъолияти субъектҳои соҳибкорӣ дар соҳаҳои истеҳсолӣ», ки ба наздикӣ ба имзо расид, кам кардани санҷишҳо ва фароҳам овардани фазои шаффоф ва мусоид барои соҳибкорию сармоягузорӣ мебошад. Заминаҳои ҳуқуқии мораторий дар лоиҳаи Қонуни Ҷумҳурии Тоҷикистон «Дар бораи мораторий ба санҷишҳои фаъолияти субъектҳои соҳибкорӣ дар соҳаи истеҳсолӣ» пешбинӣ гардидаанд, ки алъон барои баррасӣ ба Маҷлиси намояндагони Маҷлиси Олии Ҷумҳурии Тоҷикистон пешниҳод шудааст.
Ҳақназарзода Комилҷон, сардори раёсати пешбурди низоми иҷозатдиҳии Кумитаи давлатии сармоягузорӣ ва идораи амволи давлатии назди Ҳукумати ҷумҳурӣ, иброз дошт, ки мувофиқи лоиҳаи қонун мораторийи дусола ба ҳама намуди санҷишҳои фаъолияти соҳибкорӣ, ба истиснои санҷишҳои нақшавии Агентии назорати давлатии молиявӣ ва мубориза бо коррупсия, Бонки миллии Тоҷикистон, Прокуратураи генералӣ, Палатаи ҳисоб ва Кумитаи андози назди Ҳукумати ҷумҳурӣ эълон шудааст. Зарурати муваққатан боздоштани санҷишҳо пеш аз ҳама, ба хотири танзими ҷараёни санҷишҳои беасосу такрорӣ мебошад, ки дар пешрафти соҳибкорӣ монеи асосианд.
Фароҳам овардани чунин фазои мусоид ба соҳибкорон имконият медиҳад, ки дар самти истеҳсолот муваффақ шуда, иқтидори саноатии кишварро таҳким бахшанд. Аз ин лиҳоз, соҳибкоронро зарур аст, то аз чунин дастгирӣ самаранок ва ба манфиати рушди истеҳсолот истифода баранд, дар кори пурмаҳсули хеш аз шаффофият ва масъулият кор гиранд.          
Ҳолатҳое ҳастанд, ки гузарондани санҷиш иҷозат аст ва ин дар моддаи 6 - и лоиҳаи қонуни болозикр дарҷ шудааст. Барои мисол, ғайр аз санҷишҳои нақшавии мақомоти ваколатдор, инчунин, агар аз ҷониби истеъмолкунандаи молу маҳсулот нисбат ба вайрон кардани ҳуқуқҳояшон аз ҷониби соҳибкор шикояти хаттӣ ирсол гардад, санҷиш гузаронда мешавад. Ё агар санҷиш ба муомилоти маводи доруворӣ, сифат ва бехатарии маҳсулоти хӯрока вобаста бошад, дар асоси пешниҳоди аризаи соҳибкорон оид ба барҳам додани фаъолият низ санҷиш доир мегардад.
- Дар ҳама ҳолат санҷишҳои гузарондашуда дар дафтари бақайдгирии санҷишҳо бо тартиби муқаррарнамудаи қонунгузории Ҷумҳурии Тоҷикистон қайд карда мешаванд, - гуфт Ҳақназарзода Комилҷон.
Дигар хусусияти мораторий аз он иборат аст, ки дар ин давра амалисозии як қатор санадҳои меъёрии ҳуқуқӣ ҳатмӣ мебошад, аз ҷумла Кодекси андози Ҷумҳурии Тоҷикистон, кодексҳои ҷангал, гумрук, шаҳрсозӣ, меҳнат, тандурустӣ ва дигар қонунҳои амалкунанда. Ба ғайр аз ин, як қатор меъёрҳое пешниҳод гардидаанд, ки метавонанд ба манфиати андозсупоранда хидмат кунанд. Масалан, санҷиши нақшавии ҳуҷҷатии аввалини фаъолияти соҳибкории хурд, ки супорандаи андози низоми содакардашуда мебошад, танҳо баъди сипарӣ шудани 36 моҳ аз рӯзи бақайдгирии давлатӣ, мумкин аст. Ин муҳлат қаблан 24 моҳро ташкил медод. Дар шаш моҳ гузарондани беш аз як санҷиш манъ карда мешавад. Санадҳо ва қарорҳои мақомоти андоз, ки бар хилофи талаботи Кодекси андоз ҳисоб ва таҳия гардидаанд ва ҳуқуқу манфиатҳои андозсупорандаро маҳдуд ё манъ мекунанд, эътибори ҳуқуқӣ надоранд.
Бояд қайд намуд, ки тамоми санадҳои меъёрии ҳуқуқии пешниҳодгардида, новобаста аз вақти қабул ва эътибори ҳуқуқӣ пайдо намуданашон, аз 1 январи соли 2018 мавриди амал қарор мегиранд.
О. Вафобек,
«Ҷумҳурият»


Баёни ақида (0)    Санаи нашр: 06.02.2018    №: 28    Мутолиа карданд: 327

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар

РӮШОН. Ифтитоҳи маркази дуошёнаи савдо

Муҳаммад Салоҳ – беҳтарин футболбози Африқо

ҶАҲОН ДАР ЯК САТР

Самарқанд мизбони нахустмулоқоти «Ҳиндустон – Осиёи Марказӣ»

Баргардондани 47 шаҳрванди Қазоқистон аз Сурия

Остона ба гузарондани Ҳамоиши ҷаҳонии туризми шаҳрӣ омодагӣ мегирад

Дар Беларус бори нахуст ҳукми қатл содир шуд

09.01.2019


Таҷлили 110 - солагии аллома Бобоҷон Ғафуров


Дар сомонаҳои дигари Тоҷикистон хонед