logo

туризм

ТУРИЗМ. ЧАНД ПЕШНИҲОДИ МУҲИМ

Сайёҳӣ ё ба ибораи нисбатан маъмули академӣ – туризм яке аз соҳаҳои тараққиёфтаи замони муосир ба шумор рафта, дар баъзе мамлакатҳои ҷаҳон, ба монанди Фаронса, Испания, Австрия, Кипр, Малайзия, Туркия, Чин манбаи асосии даромади иқтисодиёти миллӣ гардидааст.
Аз таҷрибаи кишварҳои мутараққии сайёҳӣ бармеояд, ки барои рушди устувори туризм бар замми мавҷудияти иқтидори бузурги сайёҳӣ, инчунин, дастгириву таваҷҷуҳи доимии давлат ва ҳукумат ниҳоят зарур мебошад.
Боиси хушнудист, ки давлат ва Ҳукумати Ҷумҳурии Тоҷикистон, бахусус Пешвои миллат, бо дарназардошти иқтидори бузурги сайёҳӣ барои рушди он дар кишвар зина ба зина корҳои созандагию бунёдкориро амалӣ намуда истодаанд. Аз ҷумла, бо Фармони Президенти Ҷумҳурии Тоҷикистон (22 декабри соли 2017) соли 2018 Соли рушди сайёҳӣ ва ҳунарҳои мардум» эълон гардид, ки ин далели равшани таваҷҷуҳ ва ғамхории доимии роҳбарияти олии мамлакат нисбат ба ин соҳаи барои иқтисодиёти кишвар ҳаётан муҳим маҳсуб меёбад.
Тоҷикистон ҳамчун кишвари дорои мероси бойи таърихию фарҳангӣ, қуллаҳои осмонбӯс, чашмаҳои шифобахш, табиати зебову ҷолиб ва иқлими офтобӣ, диққати ҳар як бинандаро ба худ ҷалб менамояд. Ҳудуди Тоҷикистони имрӯза аз замонҳои қадим дар саргаҳи роҳҳои бузурги тиҷоративу сайёҳӣ, аз ҷумла шоҳроҳи Абрешим воқеъ буд ва бешак дар раванди тиҷорату сафарҳои фарҳангии халқу миллатҳои гуногун нақши муҳим бозидааст.
Таъкид кардан ҷоиз аст, ки афзалияти рушди туризм дар он зоҳир мегардад, ки бо ҷалби сармояи нисбатан кам (дар қиёс ба соҳаи кишоварзӣ, саноат ва ғайра) ба Буҷети давлатӣ маблағҳои ҳангуфт ворид гардида, шумораи зиёди мардум бо ҷойҳои нави корӣ таъмин мегарданд ва, дар ин замина, барои боз ҳам баланд бардоштани сатҳи иҷтимоиву иқтисодии аҳолӣ қадами устувор гузошта мешавад.
Аз ин лиҳоз, бо назардошти муҳимияти масъала, ибрози чанд пешниҳоди зеринро зарур мешуморем:
- бо мақсади ҳамоҳангсозии корҳои илмӣ-таҳқиқотӣ оид ба масъалаҳои сайёҳӣ ва меҳмондорӣ таъсис додани Пажӯҳишгоҳи илмӣ-таҳқиқотии туризм;
- ташкил ва баргузор намудани ҳамоишҳои гуногуни илмӣ дар мавзӯъҳои «Вазъият ва пешомадҳои татбиқи «Консепсияи рушди туризм дар Ҷумҳурии Тоҷикистон дар давраи солҳои 2009-2019», «Сайёҳӣ ҳамчун омили рушди минтақа», «Мушкилоти иҷтимоии рушди туризм» ва ғайра;
- таҳия ва ба Ҳукумати Ҷумҳурии Тоҷикистон пешниҳод намудани лоиҳаи барномаҳои давлатии рушди сайёҳӣ дар минтақаҳои гуногуни Тоҷикистон барои солҳои 2019-2023;
- бо ҷалби коршиносон ва мутахассисон таҳия ва чоп намудани қомуси миллии сайёҳӣ ба забонҳои давлатӣ, русӣ ва англисӣ;
- таҳияи хатсайрҳои нави сайёҳӣ бо тафсирот ва тавзеҳоти таърихию фарҳангӣ ба забонҳои гуногун.
Фаридун Миракзода, 
омӯзгори Донишкадаи давлатии
забонҳои Тоҷикистон ба номи Сотим Улуғзода 


Баёни ақида (0)    Санаи нашр: 07.02.2018    №: 29    Мутолиа карданд: 1090

15.02.2019


ШАМШЕРБОЗӢ. ИШТИРОКИ ВАРЗИШГАРОНИ МО ДАР ЧЕМПИОНАТИ КУШОДИ ОСИЁИ МАРКАЗӢ

ҶАҲОН ДАР ЯК САТР

Дар Душанбе ташкили низоми муттаҳидаи мудофиаи зиддиҳавоӣ баррасӣ шуд

Дар чор сол муомилоти мол байни Тоҷикистону Ӯзбекистон 19 маротиба афзуд

Медведев: «Таҳримоти ИМА ба иқтисоди Россия таъсири чандон бузург расонда наметавонад»

Пентагон. ИМА аз Афғонистон ҳамроҳи иттифоқчиёнаш меравад

13.02.2019


2018. Сиёсати хориҷии Тоҷикистон пурбарор буд

КОРРУПСИЯ. 2047 ҷиноят ошкор гардид

САНОАТ. Беш аз 10 миллиард сомонӣ маҳсулот содирот шуд

САРМОЯИ МУСТАҚИМ. Воридот дар ҳоли афзоиш аст

ОБ. Таъминоти аҳолӣ рӯ ба беҳбудӣ дорад

АВҶИ ОБОДКОРИҲО ДАР ШАҲРИ ТУРСУНЗОДА

12.02.2019


АКАДЕМИЯИ ИЛМҲО АЗ КАШФИЁТИ НАВ ТО САНОАТИ ДОРУСОЗӢ

КӮЛОБ. Содироти 825 тонна маҳсулоти кишоварзӣ

ДАНҒАРА. Саноатикунонӣ вусъат мегирад

ФУРУДГОҲҲОИ БАЙНАЛМИЛАЛӢ. Сатҳи хизматрасонӣ рӯ ба беҳбудӣ дорад

ДДК. Авлавият ба сатҳи касбият ва таълим

САДА. Тантанаи ҷашни миллӣ дар ноҳияи Шамсиддини Шоҳин

11.02.2019


ВАЗОРАТИ ФАРҲАНГ. 2018 - соли муваффақиятҳо буд

КУМИТАИ РУШДИ САЙЁҲӢ. Беш аз 1 миллион сайёҳ ба Тоҷикистон омад

МТС. Ҳамкориҳо бо Ӯзбекистон густариш меёбанд

ВМКБ. Гумрукчиён ба буҷет 16,9 миллион сомонӣ ворид карданд

ҲИСОР. Саҳми назарраси соҳибкорон дар ободонии шаҳр

НОҲИЯИ РӮДАКӢ. Ҳаҷми истеҳсоли маҳсулот ба 1 миллиард сомонӣ расид

ВАРЗОБ. Таваҷҷуҳи сайёҳон ба нуқтаҳои истироҳатӣ афзудааст

08.02.2019


Вазорати меҳнат, муҳоҷират ва шуғли аҳолӣ. Музди миёнаи меҳнат - 1220 сомонӣ

КУМИТАИ ТЕЛЕВИЗИОН ВА РАДИО. Сифати кори шабакаҳо беҳтар мешавад

КҲФМГ. Офатҳои табиат 34 миллион самонӣ хисорот овард

Саноатикунонӣ дар Шаҳринав

Меъёри бозтамвил ба 14 дарсад поён фаромад

ШАҲРИ ВАҲДАТ. Иҷрои барзиёди андози иҷтимоӣ

ТАНЗИМ. Қонуншиканӣ коҳиш ёфтааст

СОҲИЛ. Корҳои мустаҳкамсозӣ вусъат меёбанд

ДДСТДТ. Авлавият ба рушди ҳунарҳои мардумӣ


Дар сомонаҳои дигари Тоҷикистон хонед