logo

иқтисод

ЛАХШ. АЗ ИСЛОҲИ КАМБУДИҲО ТО КОМЁБИҲОИ НАВ

Баротзода Файзулло,
раиси ноҳияи Лахш

Мақомоти иҷроияи маҳаллии ҳокимияти давлатӣ ва коллективҳои меҳнатии ноҳияи Лахш баҳри иҷрои пурраи дурнамои рушди иҷтимоию иқтисодӣ барои соли 2017 корҳои муайянеро ба анҷом расонданд. Дар зимн нақшаи андозҳо ва дигар пардохтҳои ҳатмии умумӣ 103 фоиз таъмин  гардид ва  ба  ҷойи   11 миллиону 817  ҳазор ба буҷет  12 миллиону 87 ҳазор сомонӣ ворид шуд, ки аз нақша  270 ҳазор  сомонӣ зиёд мебошад. 

Корхонаҳои саноатӣ ба маблағи 8,7 миллион сомонӣ маҳсулот истеҳсол намудаанд, ки нисбат ба  соли пешӣ 2,5 миллион сомонӣ зиёд аст. Музди миёнаи маоши кормандони соҳаҳои иқтисодиёти ноҳия нисбат ба соли гузашта 55 сомонӣ  афзуда, ба 680 сомонӣ баробар шуд.
Сохтмони бинои маъмурӣ барои кормандони андоз, биноҳои сехи кафшергарӣ дар назди литсейи касбии техникӣ,  биноҳои таълимӣ дар назди мактабҳои №20 - и  деҳаи Калтабулоқ ва № 9 - и  деҳаи Ҷиргатол, синфхонаҳои иловагӣ дар деҳаи Чубай, кашидани хатҳои оби нӯшокӣ ва полизӣ ба деҳаҳои Шилбилӣ (4,8 км), Пилдони Боло (5 км), Оқсойи Боло ва Оқсойи Поён (9,5 км), Ҷолборсӣ (1 км), Кушай (1,8 км) ва Қарамиқ (аз масофаи 4,5 км), таъмири канали Ҷонқирғиз – Қашқатерак ба масофаи 13 км ба итмом расида, сохтмони бинои маркази саломатии Ҷамоати деҳоти Лахш, маркази саломатӣ барои беморони сил, таъмири шоҳроҳи байналмилалии Сайрон - Қаромик  ба масофаи 89 км бо  маблағгузории Ҳукумати Тоҷикистон ва  Бонки осиёии рушд,  канали Пиёзӣ, корҳои соҳилмустаҳкамкунӣ дар деҳаҳои Янгишаҳр ва Қашқатерак идома доранд.     
22 апрели соли гузашта дар деҳаи  Шилбилии Ҷамоати  деҳоти Сурхоб бар асари офати табиӣ - сел 4 оила  пурра, 14 оила қисман ва 3 - 5 май бар асари заминларза дар ҷамоатҳои деҳоти Лахш ва  Алға 32 оила зарари пурра ва ҷузъӣ диданд. Барои сохтмони хонаҳои истиқоматӣ аз тарафи Ҳукумати Ҷумҳурии Тоҷикистон ба зарардидагони офати табиат ба маблағи 1 миллиону    405,5 ҳазор сомонӣ масолеҳи сохтмонӣ дастрас гардид. Айни замон аз 37 хоҷагии зарардидаи деҳаҳои Шилбилии Ҷамоати деҳоти  Сурхоб,  Оқсойи Ҷамоати деҳоти Лахш, Дувана, Ачиқалма, Сарғой ва Қарамиқи Ҷамоати деҳоти Алға  33 хоҷагӣ бунёди манзилҳои нави истиқоматии худро ба итмом расонда, сохтмони 4 манзили  навбунёди дигар низ дар марҳилаи анҷомёбист.
Маблағи умумии сохтмон ва таъмири   иншооти ба итмомрасида  нисбат ба соли пешӣ 5, 3 миллион сомонӣ афзуда, қариб 31 миллион сомониро ташкил дод.
Ҳаҷми истеҳсоли маҳсулоти кишоварзӣ  ба  276 миллиону  650,3 ҳазор сомонӣ расид, ки дар муқоиса ба соли пешӣ қариб 19 миллион  сомонӣ зиёд  аст. Назар ба соли қаблӣ истеҳсоли сабзавот, мева, асал, гӯшт, тухм, пашм зиёд шуда, ғаллаю картошка коҳиш ёфт.
Баҳри таъмини назорати истифодабарии оқилонаи замин ва таъмини аҳолӣ бо заминҳои таъйиноти гуногун аз ҳисоби  заминҳои хоҷагиҳои деҳқонии калонҳаҷм, фонди махсус ва заминҳои захираи давлатӣ 60 хоҷагии деҳқонии инфиродии нав таъсис ёфт. Аз тарафи нозирони кумита оид ба назорати истифодаи замин  58 ҳолати  қонуншиканӣ ошкор карда, дар робита  ба онҳо чораҳои қатъӣ андешида шуданд.
Барои рушди варзиш дар ноҳия 1 варзишгоҳ бо   5200 ҷои нишаст, мактаби варзишӣ,  9 толор ва 89 майдончаи варзишӣ дар истифодаи умум қарор доранд.
Таҳлилҳо нишон медиҳанд, ки барои пешравии соҳаҳои хоҷагии халқи ноҳия ҳанӯз на ҳамаи имкониятҳо пурсамар истифода мешаванд. Дар бахшҳои саноату сохтмон, таъсис додани корхонаю коргоҳҳои саноатӣ бо ҷалби соҳибкорони ватанӣ ва ба ин васила ташкил намудани ҷойҳои нави корӣ, ғанӣ гардондани буҷети маҳаллӣ захираҳои истифоданашуда хеле зиёданд. Аз ин рӯ, мақомоти иҷроияи маҳаллии ҳокимияти давлатии ноҳия тамоми фаъолияти худро баҳри иҷрои дастуру супоришҳои Президенти Ҷумҳурии Тоҷикистон муҳтарам Эмомалӣ Раҳмон, ислоҳи саривақтии камбудиҳо, ноил шудан ба рушди воқеии иҷтимоию иқтисодӣ ва фароҳам овардани шароит ҷиҳати зиндагии шоистаи сокинони ноҳия равона  менамояд.


Баёни ақида (0)    Санаи нашр: 07.02.2018    №: 29    Мутолиа карданд: 261

10.08.2018


Қабули нусхаи Эътимоднома аз сафири Туркманистон

Ҷаласаи Шӯрои ИДМ оид ба сайёҳӣ оғоз ёфт

Ҷаласаи Шӯрои марказии Ҷамъияти ихтиёрии мусоидат ба артиши ИДМ

Ҳамоиши тиҷоратии соҳибкорони Тоҷикистону Қазоқистон

ХАТЛОН. Нахустин форуми тиҷорати маҳсулоти боғдорӣ доир гардид

СУҒД. 90 ҳазор сомонӣ барои ғолибони озмуни "Маҳаллаи беҳтарин"

Семинари муфид

09.08.2018


Туҳфаи ФФТ ба варзишгарони Хоруғ

МАОРИФ. Имконияти нав ба як гурӯҳ довталабон

КӮЛОБ. Истеҳсоли маҳсулоти кишоварзӣ афзудааст

Ғолибони ҷоизаи Зебунисо Рустамова муайян шуданд

07.08.2018


ДУШАНБЕ. Таъсиси ҷойҳои махсус барои забҳи чорво

Шӯрои сайёҳии давлатҳои аъзои ИДМ дар Душанбе

Пресс-тури рӯзноманигорони агентиҳои иттилоотии ИДМ

«Сомон Эйр». Роҳандозии парвозҳо ба самти Бухоро

Буҷети давлатӣ 2,4 миллиард сомонӣ афзуд

ММД. Афзоиши воқеии он 7,2 дарсадро ташкил дод

ММТ. “Пешномнависӣ” кори довталабро осон кард

Роҳхати 28 варзишгари дигар ба бозиҳои Осиё

06.08.2018


Вохӯрии Абдуҷаббор Раҳмонзода бо аҳли ҷомеаи Данғара

Аввалин гурӯҳи зоирони тоҷик ба Арабистони Саудӣ сафар кард

Душанбе. Ярмаркаҳои мактабӣ ташкил мешаванд

03.08.2018


Мулоқоти Абдуҷаббор Раҳмонзода бо сокинони шаҳри Кӯлоб

Боздиди Раҷаббой Аҳмадзода аз намоиши ҳунарҳои мардумӣ ва маҳсулоти кишоварзӣ

Ҷамъбасти Намоишгоҳи якмоҳаи ҳунарҳои мардумӣ дар Душанбе

Густариши ҳамкориҳо бо Бонки исломии рушд

ҲИСОР. Кишоварзӣ дар ҳоли рушд аст

ДТТ аз аккредитатсияи байналмилалӣ мегузарад

Донишгоҳи Ломоносов Тоҷикистонро муаррифӣ мекунад

Мусобиқа барои дарёфти ҷоизаи Зебунисо Рустамова

Тими мунтахаби бонувон оид ба футбол муайян шуд

Ҳакамии доварони тоҷик дар Бозиҳои Осиё

02.08.2018


Шуъбачаи милитсияи сайёҳӣ таъсис ёфт

Ҳайати баландпояи аҳли илму фарҳанги кишвар ба Ӯзбекистон сафар намуд


Дар сомонаҳои дигари Тоҷикистон хонед