logo

иқтисод

ГУЛИСТОН. ИМКОНОТИ ФАРОХ БАРОИ РУШДИ САЙЁҲӢ

Бино ба маълумоти Созмони ҷаҳонии туристӣ ва дигар институтҳои байналмилалии молиявӣ, туризм, хусусан тайи 20 соли охир, дар содироти мол ва хизматрасонӣ аз саноати мошинсозӣ, тавлиди маҳсулоти кимиёӣ, хӯрокворӣ, сӯзишворию компютерӣ пеш гузашт. Даромади умумии туризми байналмилалӣ тақрибан ба 10 дарсади маҷмӯи маҳсулоти дохилии ҷаҳонӣ баробар шудааст. Тоҷикистон бошад, аз ҷиҳати захираҳо, арзишҳои табиӣ, таърихӣ ва фарҳангӣ дорои имконоти бузурги сайёҳист. Ва боиси ифтихори ҳар фарди кишвар аст, ки Тоҷикистон соли гузашта аз ҷониби созмонҳои маъруфи байналмилалӣ ба қатори кишварҳои барои сайёҳӣ ҷолиб дохил шуд.
Чун тамоми қаламрави Тоҷикистони биҳиштосо вилояти Суғд низ минтақаҳои зиёди сайёҳӣ дорад, ки яке аз онҳо мавзеи «Баҳри тоҷик», воқеъ дар ҳудуди шаҳри Гулистон маҳсуб меёбад. Дар ин ҷо осоишгоҳҳои «Баҳористон», «Шифо», «Соҳил», «Усмонҷон» фаъолият доранд. Гулистон чун шаҳри қолинбофон, геологҳо, энергетикҳо ва моҳидорон таваҷҷуҳи сокинони мамлакат ва хориҷи кишварро зиёд ҷалб месозад.
Дар даврони соҳибистиқлолӣ дар Гулистон соҳаи туризм рушд ёфта, барои истироҳату табобат имкониятҳои мусоид фароҳам оварда шуданд.  Осоишгоҳи «Баҳористон» дорои 802,  «Шифо» 146, «Соҳил» 78 ҷой буда, 3 меҳмонхонаи ҳозиразамон  «Наврӯз-2000»  15, «Далер 777»  12, «Соҳил» 27 ва маркази солимгардонии «Усмонҷон» 30 ҷой доранд ва дар як шабонарӯз метавонанд ба зиёда аз 1100 нафар меҳмон ва сайёҳони дохиливу хориҷӣ хизмат расонанд.
Дар шаҳр тибқи талаботи “Барномаи давлатии рушди туризм” шӯрои байниидоравӣ оид ба ҳамоҳангсозии фаъолият дар соҳаи туризм амал мекунад, ки дар он бо иштироки роҳбарони муассисаҳои минтақаи истироҳатӣ ва меҳмонхонаҳо, марказҳои савдову нуқтаҳои хизматрасонӣ ва масъулини дигари соҳа масъалаҳои одоби муошират бо сайёҳон, сатҳи хизматрасонӣ, баргузории чорабиниҳои гуногуни тарғиботӣ - ташвиқотӣ ва монанди инҳо мавриди баррасӣ қарор дода мешаванд.
 Ҳамасола бо мақсади тарғиби имкониятҳои сайёҳии минтақа аз ҷониби муассисаҳои сайёҳии шаҳр тариқи васоити ахбори омма, шабакаҳои иҷтимоӣ намоиши маводи гуногуни тарғиботӣ - роликҳои рекламавӣ, буклетҳои иттилоотӣ ва тахфифҳо ба таври васеъ манзури муштариён карда мешаванд. Масалан, ба хотири ҷалби сайёҳони хориҷӣ ва хизматрасонии тиббӣ дар сатҳи ҷавобгӯй ба меъёрҳои байналмилалӣ аз ҷониби ширкати ”Ал - Шафар” - и Амороти Муттаҳидаи Араб маркази ташхисию табобатии Закариёи Розӣ дар масоҳати умумии 536 метри мураббаъ сохта ба истифода дода шуд. Марказ бо таҷҳизоти замонавии ташхис ва табобатии ширкатҳои Олмон, Италия ва Чин муҷаҳҳаз, дорои 14 ҳуҷра ва 21 дастгоҳи муосири муоинаю ташхисию табобатӣ мебошад. Дар маркази мазкур қариб 40 нафар бо ҷои кори доимӣ таъминанд. Дар шаҳр марказҳои нави савдо ва хизматрасонии “Ирам”, “Сарват”, “Дурахшон”, “Кабир” ва қаҳвахонаи “Дурахшон” сохта ба истифода дода шуданд.  
Барои аз наздик ошно намудани сайёҳону истироҳаткунандагон аз ҷониби осоишгоҳи “Баҳористон” экскурсияи сайёр ба ҷойҳои фарҳангию таърихӣ, мавзеъҳои зебои вилояти Суғд ба роҳ монда шудааст.
Ҳоло дар осоишгоҳҳои шаҳр ҷиҳати тарғибу ташвиқи анъанаҳои миллӣ дуконҳои фурӯши маҳсулоти  ҳунарҳои миллӣ, аз қабили атласу адрас, тоқию ҷома, табақу коса, маснуоти ороишӣ ва дигар маводи туҳфаӣ  фаъолият доранд.
Дар осоишгоҳҳо ва марказҳои солимгардонии шаҳр барои қабули меҳмонон биноҳои истиқоматӣ бо ҳуҷраҳои се намуди дараҷаи сифат, системаи ягонаи муътадилкунандаи ҳарорати дохили бино, се бор хӯроки гарм, муолиҷа бо усулҳои физеотерапевтӣ, гиёҳдармонӣ, сӯзандармонӣ, табобати маҳсӣ, муолиҷаи бемориҳои системаи асаб, буғумдард, роҳи нафас ва меъдаю рӯда ва дигар намуди табобатҳо ба роҳ монда шудааст. Инчунин, сайёҳон ва истироҳаткунандагон метавонанд аз ҳавзҳои шиноварӣ, майдончаҳои варзишӣ оид ба теннис ва баскетболу волейбол, майдони бозии футбол истифода намоянд.
Дар маҷмӯъ соли гузашта дар осоишгоҳҳои шаҳри Гулистон ба 21 ҳазору 209 нафар сайёҳону истироҳаткунандагон аз Тоҷикистон ва 97 давлати хориҷӣ хизмат расонда шудааст, ки нисбат ба ҳамин давраи соли пешӣ 24,4 дарсад зиёд аст.
Дар ҳамин ҳол, бояд иқрор шуд, ки дар минтақаҳои истироҳатии мамлакат, аз ҷумла вилояти Суғд, имконоти фарохи сайёҳӣ ҳанӯз нокифоя истифода мешаванд. Дар самти рушди соҳаи туризм ҳанӯз камбудиву мушкилиҳо ҷой доранд. Тарбияи кадрҳои баландихтисосу забондони соҳа, ташкили хатсайрҳои мувофиқ, роҳандозии инфрасохтори сайёҳии ҷавобгӯ ба талаботи сайёҳии муосир, такмили омори соҳа аз омилҳоеанд, ки дар оянда бояд дар мадди назар қарор гиранд.
Бо талошу ҳамдастӣ ва рафъи зудтари нуқсонҳои ҷойдошта Гулистон имкон дорад, ки воқеан ҳам, ба минтақаи тавонои сайёҳиву солимгардонии Тоҷикистон табдил ёбад.
Ҷовиди АШТӢ, “Ҷумҳурият”


Баёни ақида (0)    Санаи нашр: 08.02.2018    №: 30    Мутолиа карданд: 253

16.08.2018


Рӯзноманигорони ӯзбек меҳмони Тоҷикистон

15.08.2018


ЛЕВАКАНТ. Пастравии сатҳи ҷинояткорӣ дар байни ноболиғон

БАЛҶУВОН. Бунёди 14 иншоот

САНОАТ ДАР НОҲИЯИ МИР САЙИД АЛИИ ҲАМАДОНӢ КОҲИШ МЕЁБАД,ЧАРО?

КИШОВАРЗӢ ДАР НОҲИЯИ ТЕМУРМАЛИК АФЗАЛИЯТ ДОРАД

14.08.2018


ТОҶИКИСТОН – ҚАЗОҚИСТОН. Нахустҷаласаи Шӯрои корӣ ва ҳамоиши соҳибкорон

МАҚОМОТИ СУДӢ ВА ВАО. Иқдоме барои таҳкими ҳамкориҳо

"ЗЕБОНИСО". Аввалин чемпиони Тоҷикистон оид ба футбол миёни бонувон

ММТ: "Беш аз 50 ҳазор довталаб донишҷӯ шуд"

10.08.2018


Қабули нусхаи Эътимоднома аз сафири Туркманистон

Ҷаласаи Шӯрои ИДМ оид ба сайёҳӣ оғоз ёфт

Ҷаласаи Шӯрои марказии Ҷамъияти ихтиёрии мусоидат ба артиши ИДМ

Ҳамоиши тиҷоратии соҳибкорони Тоҷикистону Қазоқистон

ХАТЛОН. Нахустин форуми тиҷорати маҳсулоти боғдорӣ доир гардид

СУҒД. 90 ҳазор сомонӣ барои ғолибони озмуни "Маҳаллаи беҳтарин"

Семинари муфид

09.08.2018


Туҳфаи ФФТ ба варзишгарони Хоруғ

МАОРИФ. Имконияти нав ба як гурӯҳ довталабон

КӮЛОБ. Истеҳсоли маҳсулоти кишоварзӣ афзудааст

Ғолибони ҷоизаи Зебунисо Рустамова муайян шуданд

07.08.2018


ДУШАНБЕ. Таъсиси ҷойҳои махсус барои забҳи чорво

Шӯрои сайёҳии давлатҳои аъзои ИДМ дар Душанбе

Пресс-тури рӯзноманигорони агентиҳои иттилоотии ИДМ

«Сомон Эйр». Роҳандозии парвозҳо ба самти Бухоро

Буҷети давлатӣ 2,4 миллиард сомонӣ афзуд

ММД. Афзоиши воқеии он 7,2 дарсадро ташкил дод

ММТ. “Пешномнависӣ” кори довталабро осон кард

Роҳхати 28 варзишгари дигар ба бозиҳои Осиё

06.08.2018


Вохӯрии Абдуҷаббор Раҳмонзода бо аҳли ҷомеаи Данғара

Аввалин гурӯҳи зоирони тоҷик ба Арабистони Саудӣ сафар кард

Душанбе. Ярмаркаҳои мактабӣ ташкил мешаванд

03.08.2018


Мулоқоти Абдуҷаббор Раҳмонзода бо сокинони шаҳри Кӯлоб

Боздиди Раҷаббой Аҳмадзода аз намоиши ҳунарҳои мардумӣ ва маҳсулоти кишоварзӣ

Ҷамъбасти Намоишгоҳи якмоҳаи ҳунарҳои мардумӣ дар Душанбе


Дар сомонаҳои дигари Тоҷикистон хонед