logo

иқтисод

ДАРВОЗ. ЗАМИНҲОИ НАВ ОБЁРӢ МЕШАВАНД

Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни сафари кориашон ба ноҳияи Дарвози Вилояти Мухтори Кӯҳистони Бадахшон ба рушди соҳаҳои замбӯриасалпарварӣ, чорводорӣ ва боғдориву ситруспарварӣ таваҷҷуҳи махсус зоҳир карда, ба роҳбарон ва кишоварзон супориш доданд, ки  бо истифода аз имконият ва захираҳои мавҷуда барои рушд босамар истифода баранд.

Нурмуҳаммад Додов, сардори бахши кишоварзии ноҳия, дар ин бора иброз дошт, ки Дарвоз ба мисли дигар минтақаҳои Бадахшон аграрӣ буда, замини хеле кам дорад. Бо вуҷуди ин, заминаш ҳосилхез аст. Чарогоҳҳои доманфарох ва боғҳои мевадор барои рушди кишоварзӣ ва дигар соҳаҳои афзалиятнок шароит ва имконияти фаровон доранд.  Ҳаҷми умумии заминҳои обӣ дар ноҳия 670, боғҳо 360 ва чарогоҳҳо 21 635 гектар мебошад. 
Мутаассифона, дар солҳои бесарусомонӣ ҳазорҳо гектар замини ин минтақа поймол гардида, чорво талаф ёфт. Фермаҳои чорводорӣ ва оғилхонаҳо  қариб холӣ монданд. Ситруспарварӣ низ аз байн рафта, аз 42 лимӯхонаи дашти Роғаки Ҷамоати деҳоти Нулванд ному нишон намонд. Замбӯриасалпарварӣ ва асппарварӣ бошад, ба сифр баробар шуд.
Хушбахтона, бо дастгирии давлату Ҳукумат тайи солҳои охир ин соҳаҳо аз нав барқарор шуда, рушд карда истодаанд.  Соли гузашта дар ин минтақаи пурфайзу баракат 5262 тонна картошка, 1220 тонна сабзавот, қариб 800 тонна мева, 378 тонна гӯшт, 2350 тонна шир, 987 ҳазор дона тухм, қариб 60 тонна асал ва дигар маҳсулоти кишоварзӣ истеҳсол гардид. Ҳоло талаботи аҳолӣ ба маҳсулоти кишоварзӣ таъмин карда, қисми дигари дастранҷи деҳқонон ба бозори ҷаҳонӣ бароварда мешавад.
Дар ин фасли зимистон асал бо навиштаҷоти «Асали Дарвоз» дар зарфҳои зебои махсус бозори дохилӣ ва хориҷи кишварро фаро гирифтааст. Гиёҳҳои шифобахши зира, шираи камол, гулхорут ва ангат низ харидори зиёд доранд.
Дар хоҷагиҳои зотпарварӣ беш аз 12 ҳазор сар чорвои калони шохдор, 221 сар моли майда, 24920 сар паранда, 4 110 оилаи замбӯри асал ва 200 сар асп парвариш карда мешавад. Барои рушди соҳа беш аз 100 гектар заминҳои нав ва даҳҳо гектар боғҳои мевадиҳанда бунёд шуданд. Вале ин ҳанӯз ҳадди ниҳоӣ нест. Чунки дар ин минтақа захира ва имконияти васеъсозии заминҳои корам зиёданд. 
Мардуми шарафманди ин диёри ободу зебо, хусусан кишоварзон, боварии комил доранд, ки бо дастгирии давлату Ҳукумат ин мавзеъҳо дар оянда обёрӣ карда мешаванд. Дар ин ҳолат Дарвоз дорои қариб 800 гектар киштзор ва боғоти нав гардида, дигар онро минтақаи камзамин нахоҳанд гуфт.
Сироншоҳи ДИЛОВАР,  рӯзноманигор


Баёни ақида (0)    Санаи нашр: 09.02.2018    №: 31    Мутолиа карданд: 310

17.12.2018


Баррасии масоили густариши ҳамкориҳо

Ҷамъбасти натиҷаҳои амалиёти «Кӯкнор – 2018»

Вохӯрии Имомуддин Сатторов бо Вячеслав Павловский

ХАТЛОН. Ифтитоҳи 32 бунгоҳи тиббӣ

ШУҒНОН. 2 муассисаи таълимии нав сохта шуд

НОҲИЯИ ШАМСИДДИНИ ШОҲИН. Сифати таълим беҳтар мегардад

Қариб 200 кишвар маҷмӯи қоидаҳои созишномаи Парижро ҷонибдорӣ кард

Надя Мурод бо маблағи ҷоизаи Нобел беморхона сохтанист

Масоили марз дар маркази таваҷҷуҳи сарони ҳукуматҳои Ӯзбекистону Қирғизистон

«Зардпӯшҳо» ба Фаронса Ђ10 миллиард зиён оварданд

Дар Россия теъдоди маҳбусон ба ҳадди таърихӣ коҳиш ёфт

14.12.2018


Масъалаи густариши ҳамкориҳо матраҳ гашт

Баргузории ҷаласаи Шӯро оид ба шарикии давлат ва бахши хусусӣ

Машварати сиёсии Тоҷикистону Олмон

Лукашенко: «Бозори Россия барои Беларус якумрӣ кифоят мекунад»

Вазири олмонӣ таҳримоти нави зиддирусиро нахост

Дар Сурия беш аз 30 ҳазор манзилро барқарор намуданд

Таҷлили 90-солагии нависандаи зиндаёд Чингиз Айтматов дар Қирғизистон

Ҷаҳон дар як сатр

Як вохӯрии муҳим

13.12.2018


Иштироки Азим Иброҳим дар Форуми ҳамкории Чин ва Осиёи Марказӣ

Шаҳри Душанбе бо музофоти Хайнан бародаршаҳр гардид

Вохӯрии Заробиддин Қосимӣ бо Абдулазиз ибни Абдулкарим ал-Исӣ

Мадуро вохӯриашро бо Путин таърихӣ унвон кард

Қазоқистон 50 номгӯи маҳсулотро ба содирот баровард

Дабири кулли СММ: «Лағви шартномаи Париж «худкушист»

Голикова: «Собиқадорони Ҷанги Бузурги Ватанӣ ҳамагӣ 1,4 миллион нафар мондаанд»

Дар Қирғизистон домоди қотил 20 сол зиндонӣ шуд

Ҷаҳон дар як сатр

12.12.2018


Мулоқоти Низомиддин Зоҳидӣ бо Лю Бин

Таҳкими ҳамкориҳо бо Бонки аврупоии таҷдид ва рушд

Таъсиси шӯрои рушди маориф

Қазоқистон калонтарин дар ИДМ неругоҳи барқи офтобиро ба кор даровард

Дар Қирғизистон ба волидони кӯдакони маъюб маош таъйин мекунанд


Дар сомонаҳои дигари Тоҷикистон хонед