logo

сиёсат

ШАҲРАМОНРО ДӮСТ ДОРЕМ! ГУРӮҲИ ТАБЛИҒОТӢ БА ФАЪОЛИЯТ ОҒОЗ КАРД

Гурӯҳи корӣ, ки бо мақсади иҷрои дастуру супоришҳои Асосгузори сулҳу ваҳдати миллӣ -  Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати ободу зебо намудани пойтахти мамлакат, боло бурдани сатҳи фарҳанги шаҳрнишинӣ, татбиқи  қонунҳои Ҷумҳурии Тоҷикистон «Дар бораи танзими анъана ва ҷашну маросим дар Ҷумҳурии Тоҷикистон», «Дар бораи масъулияти падару модар дар таълиму тарбияи фарзанд» ва дигар асноди меъёрии ҳуқуқӣ бо қарори раиси шаҳри Душанбе Рустами Эмомалӣ таъсис дода шуд, ба фаъолият оғоз намуд.

Ба ҳайати гурӯҳи таблиғотӣ намояндагони сохторҳои мақомоти иҷроияи маҳаллии ҳокимияти давлатӣ, вакилони маҳаллаҳо, арбобони фарҳанг  ва фаъолони пойтахт дохил буда, онро Мавсума Муинӣ, муовини соҳавии раиси шаҳр, роҳбарӣ менамояд.
Тавре Мавсума Муинӣ, роҳбари гурӯҳ, ба хабарнигори «Ҷумҳурият» иттилоъ дод, дар вохӯрии нахустин, ки дар мактаби таҳсилоти миёнаи умумии  № 28 бо омӯзгорон ва истиқоматкунандагони маҳаллаи 23 – юми ноҳияи Фирдавсии   пойтахт доир гардид, сокинон аз ғамхорию дастгириҳои Пешвои миллат ҷиҳати ободонии бесобиқаи шаҳри Душанбе сипосгузорӣ намуда, изҳор доштанд, ки барои сарсабзу зебо, тозаю озода нигоҳ доштани шаҳр ва ҳифзи арзишҳои волои он талош хоҳанд варзид. Танҳо давоми соли гузашта дар Душанбе садҳо биноҳои истиқоматӣ ва таъйиноти иҷтимоӣ, боғҳои фарҳангию фароғатӣ, марказҳои истироҳатӣ ва 80 майдончаи варзишӣ бунёд ёфт. Ҷиҳати беҳбудӣ бахшидан ба вазъи хизматрасонии нақлиётӣ автобус, микроавтобус ва мошинҳои сабукрави нав харидорӣ шуда, истгоҳҳо ва таваққуфгоҳҳои нави нақлиётӣ ва терминалҳои мусофирбарӣ  мавриди баҳрабардорӣ қарор гирифтанд. Вазъи таъминот бо оби нӯшокӣ ва гармӣ беҳтар шуд. Айни ҳол наврасону ҷавонон дар майдончаҳо ба варзиш машғуланд ва ин ҳол боиси ба куллӣ коҳиш ёфтани гаравиши ҷавонон ба ҳизбу созмонҳои тундгаро ва террористӣ гардидааст.
Дар баробари ин, ҳолатҳои зиёди беэҳтиромӣ ба арзишҳои миллӣ, ифлос кардани кӯчаю хиёбон ва майдонҳо, халал расондан ба ҳаракати нақлиёт, дағалию бадмуомилагӣ дар нақлиёти мусофирбар ва ҷойҳои дигари ҷамъиятӣ, шикастану вайрон кардани таҷҳизоти иншооти навбунёди варзишӣ низ табъро хира месозанд. Рафторҳои дигари барои сокинони пойтахт нолоиқ низ ба мушоҳида мерасанд.
Тавре роҳбари гурӯҳи таблиғотӣ гуфт, вохӯриҳо аз рӯи нақшаи чорабиниҳо ҳафтае ду – се  бор бо сокинони шаҳраку маҳаллаҳо ва кормандони идораю корхонаҳои шаҳр баргузор мегарданд. Тарғиби одоби шаҳрнишинӣ мутобиқ ба «Маромномаи сокини пойтахт», либосу фарҳанг ва арзишҳои дигари миллӣ, пешгирии бегонапарастӣ ва гаравиши ҷавонон ба созмонҳои ифротгарою террористӣ, ҳифзи аҳли оила аз нашъамандӣ ва бемориҳои сироятӣ низ аз ҳадафҳои муҳими фаъолияти гурӯҳи тарғиботианд.
Тибқи қарор, раисони ноҳияҳо ва роҳбарони идораю корхонаҳои шаҳр ҷиҳати мусоидат намудан барои дар сатҳи баланд ва босамару ҳадафрас баргузор кардани вохӯриҳо муваззаф шудаанд.
С. АЗИЗӢ, «Ҷумҳурият»


Баёни ақида (0)    Санаи нашр: 12.02.2018    №: 32    Мутолиа карданд: 464

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед