logo

иқтисод

ПОЙГОҲҲОИ ОБКАШӢ. МУШКИЛОТ ДАР АШТ

Мутахассисони идораи хоҷагии об ва беҳдошти замини ноҳияи Ашт ҷиҳати омодагӣ ба мавсими нави киштукори баҳорӣ ба мушкилӣ рӯ ба рӯанд ва ба кумаки саривақтӣ ниёз доранд, зеро рушди соҳаи кишоварзӣ ва обёрии 25 ҳазор гектар замини зироату боғҳо дар ноҳия ба кори муътадили пойгоҳҳои обкашӣ вобастагии қавӣ дорад.
- Дастгоҳҳои пойгоҳҳои обкашии ноҳия куллан фарсуда ва қариб корношоям шудаанд. Муҳлати кори ин дастгоҳу техникаҳои обкашӣ кайҳо гузаштааст ва ҳар замон таъмирро тақозо мекунанд. Акнун онҳоро таъмир не, балки куллан иваз бояд кард, - мегӯяд Иброҳимҷон Воҳидов, сардори идораи хоҷагии об ва беҳдошти замини ноҳия.
Охири солҳои 70-уми асри гузашта ба хотири обёрии зиёда аз 61,5 ҳазор гектар даштҳои асрҳои аср бекорхобидаи  ноҳия лоиҳаи «Азхуд кардани Ашти Калон» тарҳрезӣ гашта, 20 пойгоҳ бо 82 агрегати барои ҳамон давр боиқтидор бо кашидани об аз дарёи Сир ин даштҳои лабташнаро обшор мегардонданд. Бешубҳа, ба шарофати кори бенуқсону босамари ин пойгоҳҳо дар ноҳия ҳазорҳо гектар заминҳои нав бо об таъмин ва чандин шаҳракҳои замонавӣ, коргоҳҳо пайдо шуданд. Вале имрӯз замон тақозо дорад, ки ба хотири таъмини муътадили заминҳои азхудшуда бо оби полизӣ, техника ва дастгоҳҳои нав дастрас шаванд. Соли гузашта тавассути кори муътадили пойгоҳҳои обкашӣ наздики 10 ҳазор тонна ғалладона, 3 ҳазору 478 тонна картошка, 9,5 ҳазор тонна сабзавот, 3,7 ҳазор тонна полизӣ, 20 ҳазору 242 тонна мева, 1 ҳазору 286 тонна ангур  истеҳсол шуд. Садҳо муҳоҷири меҳнатӣ соҳиби қитъаи замин шуда, хоҷагиҳои деҳқонӣ таъсис доданд.
Имрӯз Ашт миёни дигар навоҳии тавассути пойгоҳҳои обкашӣ обёришаванда дорои таҷрибаи нодирест: деҳқонон ҷиҳати пурра таъмин гаштан бо об дар тамоми фаслҳои кишту кор маблағи истифодаи обро пешпардохт мекунанд.
Зимистони имсолаи камбориш ва мушкилии пешомадаи пойгоҳҳои обкашӣ масъулини мақомоти иҷроияи маҳаллии ҳокимияти давлатии ноҳия ва идораи хоҷагии об ва беҳдошти замини вилояти Суғдро водор месозад, ки баҳри ҳаллу фасли саривақтии масъала тадбирҳои мушаххас ва муассир роҳандозӣ кунанд.
Дар мавзеи обкашии пойгоҳҳо - соҳили дарёи Сир дар маҷмӯъ зиёда аз 95 ҳазор метри мукааб лойқа ҷамъ шудааст. Барои кори муназзами муҳаррикҳо мавзеъҳои обкашӣ бояд дар муҳлати кӯтоҳтарин - то оғози кишту кор тоза карда шаванд. Бино ба иттилои Иброҳимҷон Воҳидов, то моҳи феврал қариб 24 ҳазор метри мукааб лойқаи пойгоҳи обкашии АНС-1-и ноҳия тавассути техникаҳои пуриқтидор тоза карда шуд, вале мушкили асосӣ ҳанӯз дар пеш аст: пойгоҳҳо бояд ба мавсим омода бошанд.
Ҷовиди АШТӢ,  «Ҷумҳурият»  


Баёни ақида (0)    Санаи нашр: 13.02.2018    №: 33    Мутолиа карданд: 47

17.02.2018


Сироҷиддин Аслов бо Ясмин Гуедар мулоқот намуд

Баррасии рушди муносибатҳои Тоҷикистону Озарбойҷон

Густариши ҳамкориҳо дар соҳаи сайёҳӣ

Ванҷ. Корҳои ободонӣ вусъат меёбанд

ХАТЛОН. Ба ҳунар арҷ мегузоранд

ИШКОШИМ. Беморон таҳти назорат қарор доранд

Хадамот ба буҷети мамлакат 92799, 26 сомонӣ ворид намуд

"ТОҶИК – ЭЙР". Камбудиҳо бартараф мешаванд

АГЕНТИИ ОМОР. Пешниҳоди шакли нави ҳисоботи ҷойҳои кории навтаъсис

Шералӣ Сиддиқзода: "Шароити муосири таҳсилро фароҳам меорем"

Агентӣ 1980 ҷинояти коррупсиониро ошкор кард

Бекоршавии ақди никоҳ аз мушкилоти мубрам боқӣ мемонад

14.02.2018


ҲИСОР. Аз таъмини дурнамои пахта то иҷрои барзиёди даромади буҷет

КБА яхбандиро сабаби садамаи ҳавопаймои Ан-148 номид

СММ: «Гурезаҳои Мянмаро фоҷиаи нав дар пеш аст»

Ҳиҷрат ба Аврупо тавассути баҳри Миёназамин коҳиш ёфт

Дар Қирғизистон мубориза бо коррупсия миёни қудратиён сахттар мешавад

Қатар барои дучархаронҳо роҳҳои нав месозад

13.02.2018


Баргузории ҷаласаи Шӯро оид ба шарикии давлат ва бахши хусусӣ

Тоҷикистону Қазоқистон Масоили мубрами ҳамкориҳо матраҳ гаштанд

Рушди муносибатҳои Тоҷикистону Қатар

Ширкати "Хитойатом" "Аргус"-ро маблағгузорӣ хоҳад кард

33 миллион доллар барои рушди кишоварзӣ

Агентии миллии иттилоотии Тоҷикистон «Ховар»-и назди Ҳукумати Ҷумҳурии Тоҷикистон бо мақсади дарёфти журналистони касбӣ барои сомона ва ровиёну барандаҳои боистеъдод барои радио ОЗМУН эълон мекунад.

КТР: «Ҳавопаймои Ан-148 пас аз афтидан таркид»

Барқарорсозии роҳи оҳани Амузанг - Хатлон оғоз ёфт

Дар ҷануби Сурия ҷабҳаи нав кушода шуд

Сарвари ифротиёни «Давлати исломӣ» дар дами марг аст?

Чин дар рушди Сурияи баъдиҷангӣ нақши калон бозиданист

12.02.2018


Мулоқоти Сироҷиддин Аслов ва Шоқосим Шоисломов

Тақвияти муносибатҳо бо Бонки ҷаҳонӣ

Баррасии масоили густариши ҳамкориҳо дар соҳаи сайёҳӣ

Омодагиҳо ба ҷашни 25 - солагии Қувваҳои Мусаллаҳ

Ифтитоҳи мағозаи «Армуғон»


Дар сомонаҳои дигари Тоҷикистон хонед