logo

ҳуқуқ

МАВОДИ МУХАДДИР. АЗ БОЗДОШТИ УЗВИ ГУРӮҲИ ҶИНОЯТПЕША ТО ДАРГИРӢ БО ҚОЧОҚЧИЁН

Кормандони сохторҳои қудратӣ як узви гурӯҳи ҷиноятпешаи фаромиллиро дар шаҳри Душанбе бо миқдори зиёди маводи нашъаовар дастгир намуда, ҳамзамон, дар марз бо Афғонистон аз вуруди қочоқчиёни мусаллаҳ ба хоки Тоҷикистон пешгирӣ карданд.

Дар ин бора аз маркази матбуоти Қӯшунҳои сарҳадии Кумитаи давлатии амнияти миллӣ ба «Ҷумҳурият» хабар доданд. Ба иттилои манбаъ, дар доираи гузарондани чорабиниҳои оперативӣ – ҷустуҷӯӣ аз ҷониби хизматчиёни ҳарбии Қӯшунҳои сарҳадӣ якҷо бо кормандони КДАМ ва ВКД шаҳрванди Ҷумҳурии Исломии Афғонистон Аҳмад Абдул Фуруқ бо 70 килограмм маводи нашъаовари навъи ҳашиш ва чарс боздошт шудааст. Амалиёти боздошти ӯ ва ҷилавгирӣ аз чанд мавриди кӯшиши интиқоли маводи мухаддир дар сарҳад, дар доираи чорабиниҳои оперативӣ - ҷустуҷӯӣ аз ҷониби сохторҳои қудратӣ сурат гирфтааст, ки ба манзури пешгирии интиқоли маводи нашъаовар ба Ҷумҳурии Тоҷикистон аз 1 то 10 феврал ҷараён дошт.
Ба гуфтаи Муҳаммад Улуғхоҷаев, роҳбари маркази матбуоти Қӯшунҳои сарҳадӣ, дар ин муддат марзбонони тоҷик тавонистанд, дар ҳамдастӣ бо дигар ниҳодҳои қудративу низомӣ дар минтақаи дидбонгоҳҳои «Дарқад»,  «Панҷоб» - и Отряди сарҳадии «Ҳамадонӣ» ва «Сомон» - и Отряди сарҳадии «Панҷ» аз ҳолати марзшикании қочоқбарони мусаллаҳ пешгирӣ намоянд. Бар пояи иттилои дастрас, дар ҳар се ҳолат миёни марзбонон ва қочоқчиёни афғон даргирии мусаллаҳона ба амал омада, дар натиҷаи муқовимат марзшиканон ақибнишинӣ ва ба ҷониби Афғонистон фирор кардаанд. Кӯшиши интиқоли маводи мухаддир дар минтақаи дидбонгоҳҳои сарҳадии «Дарқад» ва «Панҷоб» - и Отряди сарҳадии «Ҳамадонӣ» дар як рӯз - 5 феврал ба мушоҳида расида, барои ҷилавгирӣ аз убури ғайриқонунии сарҳад вокуниши сареъ нишон дода шуд.
Баъд аз анҷоми амалиёт алайҳи қочоқбарон ва фирори онҳо аз ҷойи ҳодиса дар минтақаи дидбонгоҳи сарҳадии “Дарқад” 34 килограмму 500 грамм, маводи нашъаовари навъи афюн, 4 килограмму 800 грамм ҳашиш  ва  8 килограмм бангдона мусодира гардидааст. Дар ҳамин ҳол, марзбонон, зимни азназаргузаронии ҷойи ҳодиса дар минтақаи дидбонгоҳҳои сарҳадии “Панҷоб” низ 54 килограмму 165 грамм маводи нашъаовари навъи ҳашиш, 26 килограмму  590 грамм  афюн  ва 2 адад тирдон бо тирҳояш дарёфту мусодира намуданд.
Ҳодисаи дигар 8 феврали соли ҷорӣ дар минтақаи дидбонгоҳи сарҳадии “Сомон” - и Отряди сарҳадии “Панҷ” рух дода, аз қочоқчиёни фирорӣ 24 килограмм маводи нашъаовари навъи ҳашиш ва як адад яроқи оташфишони тамғаи М-16 - и истеҳсоли Амрико бо як адад тирдон ва тирҳояш боқӣ монд, ки дар робита ба ин ҳодисаҳо тафтишот идома дорад.
Пешгирии интиқоли ғайриқонунӣ, боздошти қочоқчиён ва мусодираи ин миқдор маводи нашъаовар давоми 10  рӯз, идомаи муборизаи қотеонаи  ниҳодҳои марбутаи мамлакат бо ин маводи марговар аст. Ин дар ҳолест, ки танҳо соли 2017 марзбонони тоҷик дар  ҳамкорӣ  бо дигар мақомоти қудратии кишвар аз қочоқчиён 1 740 килограмму 335 грамм маводи нашъаовар дарёфт ва мусодира намуданд, ки дар сурати пешгирӣ нашудан, метавонист ҷони ҳазорҳо нафарро дар хатар гузорад.
Фирӯзи РАҲМОНИЁН, “Ҷумҳурият”


Баёни ақида (0)    Санаи нашр: 14.02.2018    №: 34    Мутолиа карданд: 381

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт

Дар Қазоқистон хароҷоти соҳаи тандурустӣ то 5 дарсади ММД боло меравад

Ҷаҳон дар як сатр

БОКС. Ду медали тиллои варзишгарони тоҷик

20.12.2019


Дурнамои густариши ҳамкориҳо матраҳ гардид

Шиносоии Раҷаббой Аҳмадзода бо ҷараёни сохтмони муассисаҳои таълимии нав

Мулоқоти Акрамшо Фелалиев бо Эмилио Певида Пупо

19.12.2019


Шиносоии Қоҳир Расулзода бо ҷараёни сохтмони як қатор иншооти шаҳри Кӯлоб


Дар сомонаҳои дигари Тоҷикистон хонед