logo

сиёсат

ХОВАРИ МИЁНА. ВАЗЪ ҶИДДИТАР АЗ ОН АСТ, КИ МЕПИНДОРЕМ

Вазъи мураккаби сиёсию иҷтимоӣ ва идомаи раванди буҳронӣ дар минтақаҳои даргири Ховари Миёна аз оғози соли 2018 собит намуд, ки ҳанӯз дар бораи оромӣ ва расидан ба сулҳу субот муҳокимаронӣ намудан бармаҳал аст. Дар Паёми навбатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон таъкид гардид: «Воқеият чунин аст, ки ҷуғрофияи нооромиҳо торафт доман паҳн намуда, таҳдиду хатарҳои глобалӣ имрӯз ба асосҳои бунёдии тартибу низоми ҷаҳонӣ ва усулҳои муносиботи байналмилалӣ таъсиргузор мебошанд. Идомаи минбаъдаи ин ҳолат метавонад боиси амиқ гардидани таҳдиду хатарҳои сиёсиву иқтисодӣ  амниятӣ ва башариву фарҳангӣ дар минтақаҳои гуногуни олам гардад».
Тибқи таҳлилҳои коршиносон, баъд аз маҳви марказҳои асосии идоракунӣ ва зерсохтори умумии созмони террористии ДИИШ доир ба дурнамои муътадил намудани вазъият дар минтақаҳои ҷангзадаи Ироқ ва тамоми қаламрави Сурия гуфтушунидҳо бисёр бо мушкилӣ, бархӯрди манфиатҳо бо номуайянии том сурат мегиранд. Сабаби асосӣ дар он аст, ки байни кишварҳои манфиатдори минтақавӣ ва ҷаҳонӣ доир ба ҳалли ин масъала на танҳо мавқеи ягона вуҷуд надорад, балки ба ҳам наздик омадани манфиати тарафҳо низ ҳанӯз дар назар гирифта нашудааст. Конфронсе, ки рӯзҳои 30 - 31 январи соли 2018 зери унвони «Конгресси муколамаи миллӣ» дар шаҳри Сочии Федератсияи Русия баргузор гардид, як ҳайати 1500 нафараро аз намояндагони табақаҳои гуногуни мақомоти ҳукуматӣ ва сарварони гурӯҳҳои мухолифини Сурия ба ҳам овард. Ҳадафи асосӣ хотима бахшидан ба ҳама гуна низоъҳо ва ҷангҳои дохилӣ дар ин кишвар, барқарор намудани зерсохторҳои харобшуда ва шурӯъ намудани муҳокимаи лоиҳаи Конститутсияи нави Сурия эълон гардид. Албатта, ин иқдом ҳанӯз оғози кор аст, зеро даргириҳо ва муқовиматҳои гурӯҳҳои мусаллаҳ дар шаҳру ноҳияҳои ин кишвари ҷангзада идома доранд.
Гузашта аз ин, торумор шудани зерсохторҳои соз- мони террористии ДИИШ ва андаруни кишварҳои гуногун фирор кардани як теъдоди муайяни ҷангиёни он боиси пайдоиши таҳдиду хатарҳои глобалии нав гардида, ҳамакнун ба амнияти минтақаи Осиёи Марказӣ ва марзҳои ҷанубии ИДМ бо Афғонистон таъсиргузор шудааст. Хусусияти буҳронӣ касб намудани ин равандро 26 декабри соли 2017 Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни мулоқоти ғайрирасмии сарони давлатҳои иштирокчии Иттиҳоди Давлатҳои Мустақил дар шаҳри Маскав ба таври махсус таъкид намуданд. Дар рафти мубодилаи афкори озоди сарони давлатҳо Пешвои миллат тамоюлҳои хатарноки  соли 2017 - ро дар арсаи байналмилалӣ арзёбӣ намуда, таваҷҷуҳи иштирокчиёни вохӯриро ба яке аз мавзӯъҳои асосии рӯзномаи байналмилалӣ ва минтақавӣ, яъне ҷараёни рушди вазъият дар Афғонистон ҷалб намуданд ва зарурати тақвияти минбаъдаи ҳамдастӣ дар мубориза бо хатару таҳдидҳои глобалиро таъкид карданд. Вобаста ба ин масъала ва дигар вазифаҳои дарпешистодаи ИДМ Пешвои миллат Эмомалӣ Раҳмон муқаррароти асосии Консепсияи раисӣ намудани Ҷумҳурии Тоҷикистонро дар соли 2018 шарҳ доданд. Суханронии Сарвари давлат идомаи ҳамон дастуру супоришҳое буданд, ки дар Паёмашон таъкид гардида буд: «Хатарҳои замони муосир, вазъият дар Ховари Миёна, бахусус вазъи Афғонистони ҳамсоя моро водор месозанд, ки ба масъалаи таъмини амният диққати аввалиндараҷа диҳем. Бахусус, дар қаламрави Афғонистон пайдо шудани террористони ба ном «Давлати исломӣ», ки баъзе шаҳрвандони кишварҳои аъзои Иттиҳоди Давлатҳои Мустақил низ ба он шомиланд, вазъро боз ҳам ноором намуда, боиси ташвиши давлатҳои ҳамсоя гардидааст. Тоҷикистон, ки бо Афғонистон сарҳади тӯлонӣ дорад, ба ин масъала бетафовут буда наметавонад».
Амалан мавқеи Ҷумҳурии Тоҷикистон оид ба таъмини бехатарӣ дар сарҳадҳои берунӣ, аз ҷумла дар марзҳои ҷанубии ИДМ, иҷрои пайгиронаи барномаву нақшаҳо ва бунёди минтақаи амниятиро дар ин самт пайгирона роҳандозӣ менамояд, то ки фазои сулҳу субот ва истиқрор дар минтақа ҳифз шавад. Аз ҷониби дигар, вазъияти зуд тағйирёбандаи байналмилалӣ ва минтақавӣ аз ҳар як шаҳрванди ҷумҳурии мо тақозо менамояд, ки ба масъалаи ҳушёрӣ ва зиракии сиёсӣ таваҷҷуҳи ҷиддӣ зоҳир намоянд. 
Ф. БАРОТЗОДА


Баёни ақида (0)    Санаи нашр: 15.02.2018    №: 35    Мутолиа карданд: 422

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед