logo

номаҳо

ЧАРО ҲОҶӢ ҚАРОРИ СУДРО ИҶРО НАМЕКУНАД?

Ҳамчун як шаҳрванди Ҷумҳурии Тоҷикистон ифтихор аз ин Ватани ободу озод ва шукуфо менамоям, шукр мекунам, ки дар даврони соҳибистиқлолии кишвар ва фазои орому осоишта умр ба сар мебарам, аз имконияту шароитҳои фароҳамовардаи давлату Ҳукумат баҳрамандам. Аммо рафтори ноҷавонмардонаи баъзе одамон маро сахт нигарон ва саргардон кардааст.
11 августи соли 2016 тахминан соати 13 доду фарёди занамро шунида, ҷаҳида аз хона баромадам. Дидам, ки анҷомхонаам дар алангаи оташ қарор дорад. Аз беэҳтиётии зани ҳамсоя Гулаева Хайринисо Ҷумаевна ошхонааш оташ гирифта, алангаи он ба анҷомхонаи мо часпидааст. То омадани мошини оташнишонӣ анҷомхона ва каҳдону дигар чизу чораамон ба коми оташ рафт. Маблағи умумии зарар 30 ҳазор сомониро ташкил дод.
Бо розигии тарафайн намояндагони оташнишонӣ ва мақомоти интизомӣ ҳалли масъаларо миёни мо - ҳамсояҳо вогузор намуда рафтанд. Вале ҳамсоя Маматқул Гулаев, ки он вақт раиси маҳалла низ буд, якбора аз пардохти зарари расонда даст кашид. Аз ноилоҷӣ ба суд муроҷиат намудам. Суд аз 10 майи соли 2017 ҳалнома бароварда, Маматқул Гулаевро уҳдадор намуд, ки барои зарари расондааш ҷамъ 25154 сомонӣ ба ман пардохт намояд. 27 сентябри соли 2017 суди болоӣ шикояти касатсионии М. Гулаевро рад карда, ҳукмро бетағйир мононд. Аммо ҳамсояам то ҳол маблағи зарари расондаашро кашол дода мегардад, ҳарчанд имконияти зиёди пардохти онро дорад.
Маматқул Гулаев, ки роҳбари дастаи футболи «Кӯктош», директори варзишгоҳи марказии ноҳия ва соҳибкор низ мебошад, дидаю дониста аз пардохти товони зарари ба ман ва оилаам расонда, ки онро ҳалномаҳои суд низ тасдиқ мекунад, саркашӣ карда истодааст. Ман бошам, барои сохтани бинои сӯхта ва барқарор кардани дигар зарарҳо ба маблағи мазкур эҳтиёҷ дорам. Ӯ имкони дар як рӯз пардохт кардани ин маблағро дорад, вале нисбат ба қонун, ба ҳукми суд нописандӣ мекунад ва касе нест, ки лаҷоми ӯро кашад.
Ман маъюби гурӯҳи 2 ва фарзандам маъюби гурӯҳи сеюм аст. Аммо ҳоҷӣ Маматқул мегӯяд, ки «ман ҳар моҳ 150 сомонӣ медиҳаму халос». Аз соли 2016 тасаввур кунед, ки ин ҳоҷӣ дар ду марҳила, 300 ва 150 сомонӣ пардохтаасту тамом. Ӯ бо ин роҳ пардохти товонро тӯли 14 сол давом додан мехоҳад. Магар ин аз рӯи инсофу адолат аст? Анҷомхонаи ман бояд 14 сол зери барфу борон монад? Бигзор хонандаи муҳтарам андеша кунад, ки рафтори ҳоҷӣ Маматқул нисбат ба як маъюби зарардида ба кадом роҳи инсонӣ ва мусулмонӣ рост меояд.
Азбаски Маматқул Гулаев иҷрои қарори суд ва пардохти маблағи зарари ба ман расондаашро кашол медиҳад, зарур шумурдам, ки ин бор ба гӯшаи «Шаҳрванд» - и рӯзномаи «Ҷумҳурият» муроҷиат намоям. Ба умеде, ки пас аз он масъулон ҳақро ба ҳақдор расонанд.
Сафар САФАРОВ,
сокини ноҳияи Рӯдакӣ, шаҳраки Сомониён,
кӯчаи Қарахон Сардоров, хонаи 9


Баёни ақида (0)    Санаи нашр: 16.02.2018    №: 36    Мутолиа карданд: 590

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр

07.10.2019


ВМКБ. Нақшаи даъват иҷро шуд

ҲИСОР. Ташкили аввалин бозори минтақавии ҳунармандӣ

Ихтирои доруи заъфи дилу раг дар Канада

Сарвари Ӯзбекистон санҷиши фаъолияти сомонаҳои мақомоти давлатиро дархост намуд

ҶХД-и Корея музокирот бо ИМА - ро то охири сол қатъ кард

Дар чор шаҳри калони Россия амали террористӣ пешгирӣ гардид

Ҷаҳон дар як сатр

03.10.2019


Путин: «ИИАО бояд бо СҲШ ва АСЕАН иртиботи қавӣ дошта бошад»


Дар сомонаҳои дигари Тоҷикистон хонед