logo

ҳуқуқ

БЕИНСОФӢ. ҲУКМИ ЗИНДОНИ ҚАЛЛОБОНЕ, КИ АЗ МАЪЮБОН ДАРОМАД МЕГИРИФТАНД

Суди шаҳри Душанбе парвандаи ҷиноятиеро баррасӣ кард, ки бар асоси он Саёҳат Соҳибназарова, Билолиддин Муддинов, сокинони шаҳри Ҳисор ва Маҳмудҷон Носиров, истиқоматкунандаи шаҳри Душанбе, дар содир намудани ҷинояти қаллобӣ гунаҳкор дониста шуда, ба муҳлатҳои гуногун равонаи зиндон шуданд.

Тавре Зафарҷон Саидшозода, судяи суди шаҳри Душанбе, ба рӯзномаи “Ҷумҳурият" иттилоъ дод, Саёҳат Соҳибназарова ҷиҳати бо роҳи фиреб ба даст овардани маблағ бо Маҳмудҷон Носиров маслиҳат намуда, моҳи июни соли 2016 ба шаҳрванд Абдувакил Ҷалилов, сокини шаҳри Ҳисор, худро корманди СММ муаррифӣ менамоянд. Зимнан, мегӯянд, ки созмони мазкур барои оилаҳои маъюб дар шаҳри Душанбе манзили истиқоматии имтиёзнок медиҳад ва барои ба расмият даровардани ҳуҷҷатҳо маблағи муайян супурдан лозим аст. Абдувакил Ҷалилов ба ваъдаҳои онҳо бовар карда, аз маблағи пасандози оилавиаш 1600 сомонӣ бароварда медиҳад.
Такроран, моҳи июни соли 2016 Саёҳат бо Маҳмудҷон аз шаҳрванд Бибираҷаб Мухторова, сокини шаҳри Ҳисор, низ бо ваъдаи ба маъюбон додани хона ва ба расмият даровардани ҳуҷҷатҳо маблағи 19000 сомонӣ гирифта ғайб мезананд. Моҳи августи соли 2016 бошад, бо сокинони чанд деҳаи ноҳияи Нуробод мулоқот карда, ба шаҳрвандоне, ки дар оилаҳояшон фарзандони маъюб доранд, худро кормандони ширкати “Хайрия” муаррифӣ менамоянд. Зимни вохӯрӣ иброз медоранд, ки ширкати онҳо барои оилаҳои маъюб ва камбизоат кумаки моддӣ мерасонад. Барои пурра ба боварии шаҳрвандон даромадан ба онҳо як халтагӣ орд ва равған медиҳанд. Сипас, моҳи сентябри соли 2016 бо онҳо дар алоҳидагӣ вохӯрда, бо ваъдаҳои бардурӯғи худ маблағҳои пулиашонро гирифта, аз худ менамоянд.
Дар идомаи амалҳои ҷинояткорона, судшавандаҳо аз сокини шаҳри Ҳисор Собир Нурбобоев 22500 сомонӣ ва аз шаҳрванд Асоев Худойназар 18300 сомонӣ мегиранд.
Судшаванда Билолиддин Муддинов дар мурофиаи судӣ иброз дошт, ки бо Саёҳат Соҳибназарова дар шаҳри Ҳисор дар ҳамсоягӣ зиндагӣ мекард. Дар ҳамон шабу рӯз шароити зиндагияшон хуб набуд ва Саёҳат аз ҳисоби фонди “Хайрия” ба оилаи ӯ орд, равған, маблағ ва баъдтар барои таҳсил дар донишгоҳ 5100 сомонӣ ёрӣ кардааст. Дар ин муддат Билолиддин Муддинов ва шариконаш бо роҳи фиреб аз сокини дигари ноҳияи Нуробод Абдуҷаббор Тоиров маблағи 11380 сомониро бо роҳи қаллобӣ ба даст меоранд.
Тавре тафтишот маълум кардааст, ҷинояткорон бо амалҳои нопоки худ ҳамагӣ 35 нафарро фиреб дода, аз онҳо дар маҷмӯъ зиёда аз 160 ҳазор сомонӣ ба даст оварда, ба манфиати шахсии худ сарф намудаанд.
Суд баъди баррасии парванда ин се ҷинояткорро бо дастрасии моддаи 247, қисми 4, банди “б” - и Кодекси ҷиноятии Ҷумҳурии Тоҷикистон гунаҳгор донист. Бо ҳукми суд нисбат ба Соҳибназарова Саёҳат ҷазои маҳрум сохтан аз озодӣ ба муҳлати 11 сол, Носиров Маҳмудҷон 10 сол ва Муддинов Билолиддин ба муҳлати 9 сол бо адо намудани ҷазо дар колонияҳои ислоҳии дорои низоми пурзӯр, таъйин гардид. Ҳамчунин, суд ҳукм кард, ки аз ҷониби маҳкумшудаҳо зарари ба ҷабрдидаҳо расондашуда ба тариқи муштарак рӯёнда шавад.
Лашкар ШАРИФЗОДА, “Ҷумҳурият”


Баёни ақида (0)    Санаи нашр: 19.02.2018    №: 37    Мутолиа карданд: 395

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд

Китоби Президенти Тоҷикистон Эмомалӣ Раҳмон дар Теҳрон рӯнамоӣ мешавад

Мирзиёев раиси шаҳри Душанбе Рустами Эмомалиро ба ҳузур пазируфт

Департаменти давлатӣ: «ИМА Россияро маблағгузори терроризм намешуморад»

Ҳукумати Албания хисороти заминҷунбии мудҳишро ҳисоб намуд

Москва ва Киев созишномаи 10 – солаи таҳвили нафтро ба имзо расонданд

Ҷаҳон дар як сатр

03.12.2019


Дар пойтахт барӯйхатгирии аҳолӣ ва фонди манзил гузаронда мешавад

Дар майдони «Дӯстӣ» арчаи солинавӣ қомат меафрозад

«Лолаи тиллоӣ» синамогарони тоҷикро ба ҳам овард

Дар Британия намояндагии маҳфили “Ҷавонони дар хориҷи кишвар таҳсилдошта” ифтитоҳ ёфт

Россия ва Беларус қисме аз ваколатҳоро ба ҳукумати ягона медиҳанд

Олимон суду зиёни қаҳванӯширо ном бурданд

Ҷаҳон дар як сатр

САМБО. Медали биринҷии Сорбон дар Қазоқистон

02.12.2019


Дар Бишкек кишварҳои аъзои СААД 15 санад ба имзо расонданд

Эрдуғон кишварҳои арабро ба ёрии Албания даъват намуд


Дар сомонаҳои дигари Тоҷикистон хонед