logo

иҷтимоиёт

ПАЁМ ҚУТБНАМО БА СӮИ ЗИНДАГИИ ШОИСТА АСТ

ЛОИҚЗОДА Қаноатшо,
раиси ноҳияи Рашт, узви Маҷлиси миллии Маҷлиси Олии Ҷумҳурии Тоҷикистон

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатӣ ба Маҷлиси Олӣ муҳимтарин самтҳои сиёсати дохилӣ ва хориҷии кишварро дар давраи кунунии пуртазод, тағйирёбии босуръати вазъи сиёсиву иқтисодӣ ва амниятии ҷаҳон мавриди баррасӣ қарор дода, дар робита дурнамои пешрафти бемайлони иқтисодӣ, расидан ба ҳадафҳои стратегӣ ва таъмин намудани зиндагии шоистаи аҳолиро муайян намуд.

Дар ноҳияи Рашт баҳри амалисозии дастуру супоришҳои Пешвои миллат доир ба ҳифзи манфиатҳои иқтисодӣ, истифодаи самараноку оқилонаи имконияту захираҳои мавҷуда ва дарёфти сарчашмаҳои нави рушди иқтисодӣ, баланд бардоштани қобилияти рақобати истеҳсолоти ватанӣ ва татбиқи технологияи инноватсионӣ тадбирҳои мушаххас роҳандозӣ мегарданд.
Ноҳия дорои имкониятҳои васеи рушди соҳаҳои иқтисодӣ, табиати рангин ва ёдгориҳои таърихию фарҳангии зиёд буда, обу ҳавои он барои рушди соҳаҳои кишоварзӣ (картошкапарварӣ, боғдорӣ, занбӯриасалпарварӣ) ва сайёҳию ҳунарҳои мардумӣ мусоид аст.
Тайи солҳои охир бо дастгирии Роҳбари муаззами миллат дар ноҳия, хусусан дар маркази он – шаҳраки Ғарм, биноҳои наву замонавӣ қомат афрохта, симои ноҳия ба куллӣ дигаргун гардид. Меҳмонхонаҳо ва ошхонаҳои замонавии ҷавобгӯ ба талаботи сайёҳони дохилию хориҷӣ мавриди баҳрабардорӣ қарор гирифта, шоҳроҳ ва роҳҳои байни ҷамоатҳои деҳоту маҳалҳои аҳолинишин аз таъмири асосӣ ва ҷорӣ бароварда шуданд. Ҳамасола беш аз 300 сайёҳи хориҷӣ ва 1000 сайёҳи дохилӣ ба тамошои ноҳияи мо меоянду аз дараҳои хушманзару овозадори Камароб, Ясман, Қалъанак, Ҳоит ва мавзеи таърихии Фолума дидан мекунанд. 
Доир ба татбиқи нуктаҳои Паём нақшаи чорабиниҳои мақомоти иҷроияи ҳокимияти давлатии ноҳия ба тасвиб расида, масъулон баҳри татбиқи он фаъолияташонро ба роҳ мондаанд. Тибқи ин нақшаи чорабиниҳо фароҳам овардани фазои мусоид ва ҷорӣ намудани усулҳои ҳавасмандгардонии фаъолияти соҳибкорию сармоягузорӣ дар маҳалҳо, таҳия ва амалисозии лоиҳаҳои гуногуни сармоягузорӣ вобаста ба таҳлили хусусиятҳои хоси ҳар як маҳал, ташкили марказҳо ва курсҳои баланд бардоштани маърифати ҳуқуқию молиявии соҳибкорону тоҷирон, тақвият бахшидан ба фаъолияти корхонаҳои саноатӣ ва бо кадрҳои баландихтисос таъмин намудани онҳо, густариш додани ҳамкории муассисаҳои таҳсилоти миёна ва Донишкадаи омӯзгории ноҳия бо корхонаҳои саноатӣ дар самти омода кардани кадрҳои дорои ихтисосҳои техникӣ ва технологӣ аз самтҳои афзалиятноки фаъолият дар як соли оянда маҳсуб меёбанд. Ҳамчунин, ба масъалаи боло бурдани сатҳу сифати омӯзиши илмҳои муосир ва забонҳои хориҷӣ, баланд бардоштани ҳисси худшиносии миллӣ, ватандӯстӣ, дар рӯҳияи инсонпарварӣ тарбия намудани насли наврас, таблиғи тарзи ҳаёти солим, интихоб ва ҷобаҷогузории кадрҳо тавассути озмун, сари вақт ошкор ва пешгирӣ намудани ҳуқуқвайронкуниҳо оид ба замин, хусусан ҷиноятҳои коррупсионӣ дар ин самт, беш аз пеш таваҷҷуҳ зоҳир хоҳад шуд.
Ташкил ва баргузор кардани чорабиниҳо вобаста ба амалисозии ташаббуси глобалии Тоҷикистон - Даҳсолаи байналмилалии амал «Об барои рушди устувор, 2018 - 2028», баланд бардоштани самаранокӣ ва қобилияти рақобати иқтидорҳо, таҳлили натиҷаи амалишавии «Барномаи рушди иқтисодию иҷтимоии ноҳия барои солҳои 2017 - 2020» ва андешидани чораҳо ба хотири таҷлили сазовори Ҷашни 30 - солагии Истиқлолияти давлатии Ҷумҳурии Тоҷикистон ва ба ин муносибат бунёди иншооти иҷтимоӣ, роҳҳо, корхонаву коргоҳҳои истеҳсолӣ, ободу зебо гардондани маҳали зист, гулгашту майдонҳо ва анҷом додани дигар корҳои созандагӣ аз самтҳои муҳими фаъолияти мақомот арзёбӣ мегарданд.
Натиҷаҳои омӯзиши иқтидори туристӣ нишон доданд, ки ноҳия вобаста ба хусусиятҳои ҷуғрофии худ дорои имкониятҳои зиёди рушди туризми экологӣ мебошад. Асоси онро шароити нодири табиӣ, манзараҳои дилфиреб ва фарҳанги этникии мардуми маҳал дар давраҳои мухталифи таърихӣ ташкил медиҳад. Бо мақсади бештар ҷалб намудани сайёҳон ба ноҳия дар мавзеъҳои таърихӣ ва тамошобоб бунёди истироҳатгоҳҳоро низ ба назар гирифта, дар самти рушди ҳунарҳои мардумӣ тадбирҳои иловагӣ роҳандозӣ намудем.
Сокинони ноҳияи Рашт азалан меҳнатдӯстанд. Бо итминони комил гуфта метавонам, ки онҳо аз шароити мусоиди маҳал ва дастгириҳои ҳамаҷонибаи Пешвои муаззами миллатамон муҳтарам Эмомалӣ Раҳмон самаранок истифода бурда, дар ҷодаи рушди соҳаҳои иқтисодию иҷтимоии ин гӯшаи Тоҷикистони биҳиштосо саҳми назаррас мегузоранд. 


Баёни ақида (0)    Санаи нашр: 19.02.2018    №: 37    Мутолиа карданд: 289

10.12.2018


Вохӯрии Сироҷиддин Муҳриддин бо Томас Гремингер

Ҷамъомади тантанавӣ бахшида ба таъсиси воҳидҳои таъйиноти махсуси ВКД

Ба ифтихори солгарди Сайидои Насафӣ Конфронси байналмилалӣ доир мегардад

Вориси Ангела Меркел дар мақоми сарвари ҲНД Аннегрет Крамп-Карренбауэр шуд

Дар ОПЕК+доир ба маҳдудсозии истихроҷи нафт ба мувофиқа расиданд

Боздошти беш аз 1700 нафар дар намоишҳои эътирозӣ дар Фаронса

Беш аз нисфи аҳолии сайёра ба интернет дастрасӣ ёфт

Ҷаҳон дар як сатр

МАСТЧОҲ. Деҳаҳо симои нав мегиранд

Путин: «Дар ИИАО бозори ягонаи газ, нафт ва маҳсулоти нафтӣ мешавад»

Нахустин ҳамоиши сарони манотиқи кишварҳои СҲШ дар Челябинск гузашт

Медведев: «Россия мушкили амнияти озуқавориро ҳал намуд»

Дар Олмон кӣ Ангела Меркелро иваз мекунад?

Нақлиёти ройгони ҷамъиятӣ дар Люксембург

Ҷаҳон дар як сатр

Кишоварзӣ бахши муҳим дар ноҳияи Деваштич

06.12.2018


74 варзишгар ба Ҷоизаи Президенти Ҷумҳурии Тоҷикистон пешниҳод шуд

Иштироки муовини вазири рушди иқтисод ва савдо дар мулоқоти сатҳи баланд

Баррасии масъалаи содироти маҳсулот ба бозорҳои Аврупо

ПАНҶАКЕНТ. Ифтитоҳи 63 иншоот

Бунёди роҳи танобӣ дар шаҳри Хуҷанд

“ГАНҶИ ҲИЛОЛ”. Тадбирҳо самар медиҳанд

05.12.2018


Баррасии масоили сиёсати хориҷии кишвар

Мулоқоти Шамсиддин Орумбекзода бо Мерилин Йосефсон

Баргузории конференсияи «Нақши сайёҳӣ дар ташаккули тарзи ҳаёти солим»

Путин ва Назарбоев ҳамкориро дар доираи Иттиҳоди иқтисодии АвруОсиё баррасӣ карданд

Куртс ҳамкорӣ бо Россияро шарти сулҳу субот дар Аврупо номид

Вашингтон дар Покистон муколамаи Кобул бо "Толибон"-ро муҳокима мекунад

Трамп дар фикри баррасии мушкили мусаллаҳшавии бошитоб бо Путин ва Си Ҷинпин шуд

Ҳонконгро матлубтарин кишвари дидании сайёҳон дар соли равон хонданд

Ҷаҳон дар як сатр

ЛУКА МОДРИЧ - барандаи "Тӯби тиллоӣ"

5 медали теннисбозони тоҷик

04.12.2018


Ҳамоиш оид ба татбиқи самтҳои асосии сиёсати хориҷии Тоҷикистон


Дар сомонаҳои дигари Тоҷикистон хонед