logo

маориф

ҲИСОР. МАОРИФ РУШДИ СОҲАҲОИ ДИГАРРО ҲАМ ТАЪМИН МЕКУНАД

Шуъбаи маорифи шаҳри Ҳисор 158 муассисаи таълимӣ дорад.  Назорати фаъолияти ин муассисаҳо аз кормандони соҳа масъулияти баландеро тақозо менамояд. Суҳбати мо бо мудири шуъбаи маорифи шаҳри Ҳисор Наргис Муқимзода аз ҳамин нукта оғоз гардид.
Маълум гардид, ки соли гузашта таваҷҷуҳи масъулон ба пешрафти соҳаи мазкур афзуда, як қатор иқдомҳои созанда роҳандозӣ шуданд. Аз ҷумла, базаи таълимӣ мустаҳкам гардида, ба мактабҳо мувофиқи дархост омӯзгорони фаннӣ ҷалб шуданд ва роҳбарияти мактабҳо аз ҳисоби мутахассисони ҷавону кордон такмил ёфт. Дар ин росто, кори Ассотсиатсияи волидону омӯзгорон низ ҷоннок карда шуд.
- Шиносоӣ бо омӯзгорони муассисаҳои таълимӣ ва падару модарон ба мо ёрии зиёд расонд.  Дар муддати кӯтоҳ дар ҳамкорӣ бо мақомоти иҷроияи ҳокимияти давлатии шаҳр, мақомоти худидоракунии шаҳраку деҳот, фаъолони маҳаллаҳо, инчунин, бо дастгирии омӯзгорон ва роҳбарони соҳибтаҷриба шароити таълиму тарбия, вазъи таъмини таълимгоҳҳо бо кадрҳои омӯзгорӣ ва ҳамкории муассисаҳо бо падару модарон беҳтар гардид, - изҳор медорад Н. Муқимзода.
Бешубҳа, масъалаи асосии мавриди таваҷҷуҳ сатҳу сифати таҳсилот ва дараҷаи дониши хонандагон мебошад. Сараввал барои он, ки мо дониши хонандагонро баланд бардошта, дар рӯҳияи ватандӯстиву меҳанпарастӣ тарбия намоем, бояд алоқаи муассисаро бо падару модарон дар сатҳи зарурӣ ба роҳ монем. Қабули  Қонуни Ҷумҳурии Тоҷикистон «Дар бораи масъулияти падару модар дар  таълиму тарбияи фарзанд» низ инро тақозо менамояд.
Ба андешаи Наргис Муқимзода, тараққиёти техникаву технология  тақозо мекунад, ки омӯзгори муосир бо тамоми донишҳои техникӣ муҷаҳҳаз ва малакаи кор бо компютер, планшет ва интернетро дошта бошад. Зеро хонандаи синфи ибтидоӣ аллакай бо асбоби технологӣ кор карда, дар зинаҳои дигари таҳсил интернетро пурра истифода мебарад. Бинобар ин, дар моҳи январи соли ҷорӣ омӯзиши компютер  миёни омӯзгорон ба таври васеъ ба роҳ монда шуд ва алҳол тибқи маълумот зиёда аз 2354 омӯзгор бо машғулиятҳои компютерӣ фаро гирифта шуданд.
Дар байни омӯзгорону хонандагони муассисаҳои таълимии шаҳр раванди тарбияи ҳисси миллӣ ва ватанпарастӣ хуб ба роҳ монда шуда, масъулон кӯшиш доранд, ки насли наврасро тавассути саёҳатҳо ба иншооти азими аср, тамошои ҷойҳои таърихӣ, осорхона ва хона – музейҳои бузургони илму адаб, тамошои саҳнаҳои театрӣ, инчунин, обуна намудани онҳо ба матбуоти даврӣ баланд бардоранд.
- Имсол бо пешниҳоди Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Соли рушди сайёҳӣ ва ҳунарҳои мардумӣ эълон гардидааст. Дар ин маврид, нақшаҳои кории муассисаҳои таълимӣ ҷиҳати гузарондани экскурсияҳо номгӯи чорабиниҳои махсусро пешбинӣ намудаанд. Аз ин сабаб, имсол ният дорем, ки сафар - саёҳати омӯзгорони шаҳрро ба минтақаҳои сайёҳӣ ва нуқтаҳои таърихиву фарҳангӣ ба роҳ монем. Ба ин восита на танҳо ҷаҳонбинию донишҳои омӯзгоронро тавсеа бахшидан мумкин аст, балки ба рушди саёҳии дохилӣ ҳам метавон мусоидат кард, - афзуд Н. Муқимзода.
Б. САЛИМОВ,  “Ҷумҳурият”


Баёни ақида (0)    Санаи нашр: 20.02.2018    №: 38    Мутолиа карданд: 294

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед