logo

туризм

"ШАҲРАКИ ХУРД". БУНЁДИ ОН ДАР РУШДИ САЙЁҲӢ ТАЪСИРГУЗОР ХОҲАД БУД

Дар Паёми навбатии Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии мамлакат масъалаи рушди сайёҳӣ ва ҳунарҳои мардумӣ  мавзӯи меҳварӣ буд: «Сайёҳӣ яке аз соҳаҳои муҳими бо шуғл фаро гирифтани аҳолии қобили меҳнат, баланд бардоштани сатҳи зиндагии мардум, рушди дигар соҳаҳои хизматрасониву истеҳсолӣ, инчунин, муаррификунандаи таъриху фарҳанг, табиат ва анъанаҳои миллӣ ба ҳисоб меравад».

Воқеан, даромади иқтисодии аксар кишварҳои пешрафтаи дунё, дар баробари дигар захираҳо соҳаи сайёҳӣ ё ба истилоҳ туризм ба ҳисоб меравад. Дар ин ҷода, кишвари Амороти Муттаҳидаи Араб ва Ҷумҳурии Туркияро мисол овардан ба маврид аст, ки аз ҳисоби қабули сайёҳҳон маблағи калон ба даст меоранд.
Дар кишвари бо мо дӯсти Ҷумҳурии Мардумии Чин низ масъалаи сайёҳӣ яке аз соҳаҳои сердаромад ба шумор рафта, ҷамъияти машғули соҳаро 60 миллион нафар ташкил менамоянд. Аз ин шумора 40 миллион нафар машғул ба фаъолияти сайёҳии дохилӣ мебошад. Рушди сайёҳии ин кишвар на танҳо Буҷети давлатро ғанӣ мегардонад, балки теъдоди зиёди афродро бо ҷои кор таъмин менамояд. 
Таассуроте, ки аз сафари сайёҳӣ дар кишвари Туркия бардоштем, хеле ҷолиб ва хотирмон буд. Барои қабул ва гусели меҳмонон дар ин кишвар шароитҳои сатҳи баланди хизматрасонӣ муҳайё карда шудааст. Яке аз лаҳзаҳои хотирмон ва ниҳоят муҳим тамошои «Шаҳраки хурд» ё ба истилоҳ «mini city» дар шаҳри Истанбул буд, ки дар мавзеи зебоманзаре ҷой гирифта, минтақаи сернуфуз ба шумор меравад. «Шаҳраки хурд» - и Истанбул дар майдони начандон калон ҷой гирифта, тамоми санъату тамаддуни мардуми турк аз гузаштаи дур то ба замони муосир тавассути амсила тарҳрезӣ гардидааст ва мавзеи дӯстдоштаи сайёҳҳон мебошад. Азбаски шаҳр хеле доманадор аст, сайёҳҳон дар як фурсати кӯтоҳ бо тамошои «Шаҳраки хурд» дар бораи ин кишвар маълумоти зарурӣ пайдо карда метавонанд. Илова бар ин, худи шаҳрвандони Ҷумҳурии Туркия, имконияти тамошои кишвари худро тавассути «Шаҳраки хурд» ба амал бароварда метавонанд ва бо пайдо намудани маълумот ифтихор аз  ватану миллати хеш мекунанд.
«Шаҳраки хурд» чунон сохта шудааст, ки бо гузоштани корти махсус, ки ҳар як сайёҳ дар вақти воридшавӣ харидорӣ менамояд, дар бораи ҷойҳои таърихӣ ба забони дилхоҳ тавассути тарҷумаи пешакӣ маълумот мегирад.
Ватани маҳбуби мо бо тамаддуни бостониаш шуҳрати ҷаҳонӣ дорад ва месазад, ки дар баробари бунёди иморатҳои баландошёна, қасру гулгашт ва хиёбону фароғатгоҳҳо дар пойтахт мавзееро бо исми «Шаҳраки хурд» бунёд намоем. Зеро Тоҷикистон ҷойҳои муқаддасе дорад, ки ба зиёрати он на ҳама мардуми тоҷик имконият доранд. Бунёди «Шаҳраки хурд» ин худ як осори зиндаи таърих ва тамаддуни миллат мебошад ва як роҳи даромади хуб аз ҳисоби ташрифи меҳмонони хориҷӣ ва дохилӣ гардида, садҳо нафар шаҳрвандон соҳиби ҷои корӣ мегарданд. Илова бар ин, хонандагони мактабҳои таҳсилоти миёнаи умумӣ, донишҷӯёни макотиби олӣ ва миёнаи касбӣ ва мардумони касбу кори гуногун тавассути ташриф ба «Шаҳраки хурд» маълумоти заруриро доир ба тамаддуни миллат гирифта, як лаҳзаи холигии вақти худро босамар истифода карда метавонанд. Гузашта аз ин, бунёди «Шаҳраки хурд» сатҳи худшиносии миллии мардуми моро боз ҳам баландтар мегардонад. 
Муҳсин ШАРИФОВ,
дотсенти Донишкадаи давлатии забонҳои
Тоҷикистон ба номи Сотим Улуғзода


Баёни ақида (0)    Санаи нашр: 27.02.2018    №: 44    Мутолиа карданд: 396

17.12.2018


Баррасии масоили густариши ҳамкориҳо

Ҷамъбасти натиҷаҳои амалиёти «Кӯкнор – 2018»

Вохӯрии Имомуддин Сатторов бо Вячеслав Павловский

ХАТЛОН. Ифтитоҳи 32 бунгоҳи тиббӣ

ШУҒНОН. 2 муассисаи таълимии нав сохта шуд

НОҲИЯИ ШАМСИДДИНИ ШОҲИН. Сифати таълим беҳтар мегардад

Қариб 200 кишвар маҷмӯи қоидаҳои созишномаи Парижро ҷонибдорӣ кард

Надя Мурод бо маблағи ҷоизаи Нобел беморхона сохтанист

Масоили марз дар маркази таваҷҷуҳи сарони ҳукуматҳои Ӯзбекистону Қирғизистон

«Зардпӯшҳо» ба Фаронса Ђ10 миллиард зиён оварданд

Дар Россия теъдоди маҳбусон ба ҳадди таърихӣ коҳиш ёфт

14.12.2018


Масъалаи густариши ҳамкориҳо матраҳ гашт

Баргузории ҷаласаи Шӯро оид ба шарикии давлат ва бахши хусусӣ

Машварати сиёсии Тоҷикистону Олмон

Лукашенко: «Бозори Россия барои Беларус якумрӣ кифоят мекунад»

Вазири олмонӣ таҳримоти нави зиддирусиро нахост

Дар Сурия беш аз 30 ҳазор манзилро барқарор намуданд

Таҷлили 90-солагии нависандаи зиндаёд Чингиз Айтматов дар Қирғизистон

Ҷаҳон дар як сатр

Як вохӯрии муҳим

13.12.2018


Иштироки Азим Иброҳим дар Форуми ҳамкории Чин ва Осиёи Марказӣ

Шаҳри Душанбе бо музофоти Хайнан бародаршаҳр гардид

Вохӯрии Заробиддин Қосимӣ бо Абдулазиз ибни Абдулкарим ал-Исӣ

Мадуро вохӯриашро бо Путин таърихӣ унвон кард

Қазоқистон 50 номгӯи маҳсулотро ба содирот баровард

Дабири кулли СММ: «Лағви шартномаи Париж «худкушист»

Голикова: «Собиқадорони Ҷанги Бузурги Ватанӣ ҳамагӣ 1,4 миллион нафар мондаанд»

Дар Қирғизистон домоди қотил 20 сол зиндонӣ шуд

Ҷаҳон дар як сатр

12.12.2018


Мулоқоти Низомиддин Зоҳидӣ бо Лю Бин

Таҳкими ҳамкориҳо бо Бонки аврупоии таҷдид ва рушд

Таъсиси шӯрои рушди маориф

Қазоқистон калонтарин дар ИДМ неругоҳи барқи офтобиро ба кор даровард

Дар Қирғизистон ба волидони кӯдакони маъюб маош таъйин мекунанд


Дар сомонаҳои дигари Тоҷикистон хонед