logo

ҳуқуқ

НАШЪАМАНДӢ. БЕМОРИРО ПЕШГИРӢ МЕБОЯД

Бемории нашъамандӣ яке аз мушкилоти умдаи ҷаҳони муосир ба шумор рафта, ба ҷони одамон ва солимии ҷомеа таҳдид мекунад. Ин аст, ки дар тамоми ҷаҳон, аз ҷумла дар кишвари мо низ ҷиҳати пешгирӣ аз нашъамандӣ муборизаи шадид мебаранд. Барои табобати беморони гирифтори нашъамандӣ ва майзадагӣ дар тибби наркологии тоҷик кадом усулҳои хос истифода мешаванд? Вобаста ба ин ва дигар паҳлуҳои масъалаи мавриди назар Рустам Шарипов, муовини директор оид ба корҳои муолиҷавии Маркази ҷумҳуриявии клиникии наркологии ба номи профессор М.Ғ. Ғуломов, дар суҳбат чунин гуфт:
- Муассисаи давлатии Маркази ҷумҳуриявии клиникӣ - наркологии ба номи профессор М.Ғ.Ғуломов, ки муассисаи пешбари сохтори соҳаи хизматрасонии наркологии Вазорати тандурустӣ ва ҳифзи иҷтимоии аҳолӣ мебошад, дар якҷоягӣ бо марказҳои наркологии ВМКБ ва вилоятҳои Суғду Хатлон барои ташхис, пешгирӣ, табобат ва барқароркунии (реабилитатсияи) беморони мубталои нашъамандӣ, майзадагӣ ва заҳрмандӣ ба аҳолӣ хизмати махсуси наркологӣ мерасонанд.
Тибқи маълумот нишондодҳои беморшавӣ ва дардмандӣ дар шаҳри Душанбе ва ВМКБ нисбат ба дигар минтақаҳои ҷумҳурӣ баланд мебошад. Омӯзиши истеъмоли маводи нашъаовар дар миқёси ҷумҳурӣ нишон дод, ки аз шумораи умумии беморони дар қайд буда, 71,4 дарсадро истеъмолкунандагони ҳероин, 14,5 дарсад афюн, 6,2 дарсад банг ва 7,9 дарсадро беморони бисёрнашъамандӣ ташкил медиҳанд.
Мо дар самти муолиҷаи шахсони гирифтори бемории нашъамандӣ ғайр аз табобат тавассути доруҳо, боз миёни аҳолӣ корҳои тарғиботиву ташвиқотӣ оид ба оқибатҳои ин беморӣ пайваста вохӯриву семинарҳои омӯзишӣ ва машваратҳо мегузаронем. Ҳамзамон, усули дигари коҳишёбии нашъамандони ба қайдгирифташуда, ин бо мурури замон аз қайди наркологӣ баровардани онҳо мебошад.
Баъд аз гузарондани табобат дар сохторҳои наркологӣ,  нашъамандонро тавассути меҳнат табобат менамоянд, яъне бо кор машғул медоранд. Ин усул дар давраи табобати офиятбахшӣ дар муассисаи давлатии Маркази ҷумҳуриявии офиятбахши тиббӣ - иҷтимоии “Тангаӣ” истифода мешавад. Дар муассисаи мо бошад, усули махсуси табобати “безаҳролудгардонии зудамал” истифода мегардад, ки дар хориҷи кишвар ин усул ба роҳ монда нашудааст. Ҳамзамон, бо усули гиёҳдармонӣ низ табобат мекунанд. Беморони нашъаманд зиёда аз 30 дарсадро ташкил медиҳанд. Мутаассифона, дар байни истеъмолкунандагони маводи нашъаовар занону духтарон ҳам ҳастанд.
Табобати бемории нашъамандӣ мушкил ва тӯлонӣ буда, аз 1 то 5 сол давом меёбад. Баъди гузаштани табобати пурра, бештари беморон аз истеъмоли маводи нашъаовар даст мекашанд, вале баъзеи онҳо бо таъсири шахсони бемори дар атрофашонбуда, боз ба истеъмоли он шурӯъ мекунанд. Гузаштан аз муоинаи тиббии ташхиси нашъамандӣ, мисли дигар намудҳои муоинаи тиббии пеш аз ақди никоҳ хеле зарурӣ мебошад. Зеро бармаҳал муайян намудани шахси нашъаманд - ин пешгирӣ аз дигар бемориҳои сироятӣ ва вайроншавии оилаҳои навбунёд низ мебошад.
Сафаргул АЛИМОВА,  “Ҷумҳурият”


Баёни ақида (0)    Санаи нашр: 01.03.2018    №: 46    Мутолиа карданд: 510

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр

05.12.2019


Беш аз ду тонна доруворӣ ба коми оташ рафт

Фестивали филм ва мусиқии Руминия дар Тоҷикистон

Боздиди Рустами Эмомалӣ аз шаҳри Самарқанд

Дар Афғонистон шоҳасари Бобоҷон Ғафуров “Тоҷикон” чоп шуд

Макрон изҳороти НАТО оид ба «таҳдиди русӣ» - ро зери шубҳа гузошт

Боздошти муовини собиқ сарвари «ДИ» Ал - Бағдодӣ дар Ироқ

Андрей шевченко дар мураббигӣ низ муваффақ аст

Ҷаҳон дар як сатр

04.12.2019


Тақвияти ҳамкориҳо дар мубориза бар зидди терроризму экстремизм матраҳ гардид

Ҷаласаи гурӯҳи корӣ оид ба таҳияи намоишгоҳ бахшида ба мероси муштараки фарҳангии Роҳи абрешим баргузор шуд


Дар сомонаҳои дигари Тоҷикистон хонед