logo

иҷтимоиёт

НИЗОРАМОҲ ЗАРИФОВА – ЧЕҲРАИ МОНДАГОР

Дар Донишгоҳи тиҷорати Тоҷикистон ба ифтихори Рӯзи Модар вохӯрии яке аз ходимони барҷастаи давлатӣ Низорамоҳ Зарифова бо устодону донишҷӯён  баргузор гардид. Ин бонуи матиниродаи навадупанҷсола аз наврасӣ ба хидмати халқу Ватан камар баста, дар роҳи озодии занон, ташкили нахустин ҷамъиятҳои бонувон, ҳимояи ҳуқуқ ва саводнокии онҳо талошҳо кардааст.
Дар чорабинӣ муовини ректори донишгоҳ Файзалӣ Акрамов сухан гуфта, таъкид намуд, ки рӯзгору фаъолияти чунин шахсиятҳои бузург барои ҷавонони мо оини ватандорӣ, садоқату самимият ва диловариро меомӯзад.
- Солҳои 1941-1945, дар замони Ҷанги Бузурги Ватанӣ Низорамоҳро мебоист ҳамчун котиби Созмони ҷавонони шаҳри Кӯлоб мушкилоти ҷавонони ин минтақаро ҳал намояд, ба фронт ёрӣ расонад, на танҳо ҷавонписаронро, балки духтарони болаёқату шуҷоъро ҷисману рӯҳан ба ҷанги зидди фашизм омода кунад, онҳоро ҳар рӯз аз вазъи майдонҳои муҳориба огоҳ созад ва дар баробари ин садҳо супоришҳои дигари давлативу ҷамъиятиро ба сомон расонад, - изҳор дошт Ф. Акрамов.
Бо садоқат ва масъул-иятшиносӣ Низорамоҳ Зарифова ба вазифаҳои пурмасъулияттар таъйин мешуд. Бино ба гуфтаи қаҳрамони мо, яке аз воқеаҳои таърихии рӯзгори ӯ иштирокаш дар Шӯрои Олии Иттиҳоди Шӯравӣ дар Маскав буд. Ин зани дурандеш ҳарчанд қабл аз ин аз минбарҳои баланд сухан гуфта бошад ҳам, ин бор суханронии ӯ тамоман рангу бӯи дигар дошт. Мебоист масъалаи бунёди Неругоҳи  барқи обии Норакро ба миён гузошта, назди намояндагони кишварҳои дигари шӯравӣ аз ҳар ҷиҳат манфиатбахш ва зарур будани ин сохтмони бузургро собит месохт.
Ҳамон рӯзи таърихиро Низорамоҳ чунин ба ёд овард: «Бо тамоми кӯшишу ғайрат ҳаяҷони ботиниву зоҳирии худро пахш карда, бо лаҳни каме сактадори русӣ ҳарф мезадам ва вобаста ба тобиши маъноии ҷумлаҳо баъзе аз онҳоро бо қатъият ва хитобдор мегуфтам, то бовару эътимоди ҳозиронро ба даст оварда бошам. Чун суханам поён ёфт, шурӯъ аз раиси вақти Ҳукумати Иттиҳоди Шӯравӣ А. Н. Косигин то вакилони халқ ҳамагӣ кафкӯбӣ карда, ҳамовозии худро барои сохтмони НБО Норак баён доштанд».
Ин мардонагии Низорамоҳ Зарифова ҳанӯз вирди забонҳо буда, роҳи дуру дарози тайкардаи чунин шахсиятҳои идеалӣ омӯзиш ва ҷустуҷӯҳои зиёдро мехоҳад. Бавижа, ташкил ва рушди Шӯрои занон ва дар заминаи он шакл гирифтани Кумитаи кор бо занон ва оилаи назди Ҳукумати Ҷумҳурии Тоҷикистон аз мавзӯъҳоест, ки бояд омӯхта шавад ва хидматҳои Низорамоҳ барин бонувони ҷасуру фидоӣ дар ин ҷода пурра инъикос ёбад.
Б. САЛИМОВ,
«Ҷумҳурият»


Баёни ақида (0)    Санаи нашр: 07.02.2018    №: 49    Мутолиа карданд: 442

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр


Дар сомонаҳои дигари Тоҷикистон хонед