logo

сиёсат

САҲФАИ НАВРО БОЗ МЕКУНЕМ

«Мо дар татбиқи сиёсати хориҷӣ минбаъд мустаҳкам намудани муносибатҳои дӯстона ва ҳамкориҳои муфиди тарафайнро бо тамоми давлатҳо, пеш аз ҳама, бо кишварҳои ҳамсоя, ҳамчунин, идораҳои байналхалқӣ, аз вазифаҳои аввалиндараҷаи худ меҳисобем». Ин сатрҳо дар барномаи пешазинтихоботии Шавкат Мирзиёев таъкид гардида, тавассути расонаҳои хабарии Ӯзбекистон нашр шуданд. Баъди расонаӣ гардидани таъкиди мазкур, бовар кардан мушкил буд, ки онҳо ба  зудӣ дар самти муҳими давлатдорӣ амалӣ мешаванд ва дигаргуниҳои куллӣ ба вуҷуд меоянд.
Воқеан, аз нахустин рӯзҳои давраи ислоҳот, ба сармояи муҳимтарини замонати сулҳу субот ва мусолиҳа – мардуми сермиллати он такя зада шуд. Дар ин раванд на фақат тағйироти сохторӣ рӯйи кор омад, балки дар шууру тинати одамон таҳаввулоте ба вуқӯъ пайваст, ки аз вазидани насими тозаву бархӯрди самимӣ ба қазия мужда мерасонд.
Ҳеҷ имкон надошт, ки ин насим ҷону рӯҳи тоҷикони муқими ҷумҳуриро нанавозад. Ҳоло ному забон ва фарҳангу адабиёт ва дигар арзишҳои миллату қавмҳои мамлакат на фақат дар доираҳои расмӣ  ба забон гирифта мешаванд, балки дар фазои расонаҳои хабарӣ дар бобати онҳо маводи зиёд интишор мегарданд. Дар шабакаҳои телевизиониву радиоии давлативу хусусӣ ҳаҷму вақти чунин барномаҳо афзуда, ҳатто ба ин забонҳо бидуни тарҷума пахш мегарданд.
Яке аз ҳафт забоне, ки бо онҳо табъу нашр ва таълим ба роҳ гузошта шудаанд, тоҷикӣ мебошад. Дар ҳоле ки дар донишгоҳҳои давлатии Самарқанд ва Тирмиз гурӯҳҳои тоҷикӣ амал мекунанд, аз соли хониши ҷорӣ дар Донишгоҳи давлатии Фарғона гурӯҳи тоҷикӣ таъсис гардид, ки дар он 15 нафар аз забон ва адабиёти тоҷик сабақ меомӯзад. Бо назардошти он ки дар соли хониши ҷорӣ дар вилоятҳои Қашқадарё ва Сурхондарё чанд синфи тоҷикӣ дубора фаъол шуд, теъдоди умумии мактабҳое, ки таълимашон пурра ба забони тоҷикӣ аст ё синфҳои тоҷикӣ доранд, аз 250 - то зиёд гардид.
Ҳамзамон, кори марказҳои фарҳангӣ низ ҷоннок мегардад, зеро Кумитаи муносибатҳои байналмилалӣ ва робитаҳои дӯстона бо кишварҳои хориҷии Девони вазирон, ки дар заминаи Ҷамъияти дӯстӣ бо кишварҳои хориҷӣ ва Маркази фарҳангии байналмилалӣ тоза таъсис ёфт, аз марказҳои миллӣ - маданӣ тақозо менамояд, ки дар иҷрои рисолату вазифаи худ фаъол ва дар пайи пиёда намудани ҳадафу арзишҳои миллиашон собитқадам бошанд. Вобаста ба ин иқдом марказҳои миллӣ - фарҳангии тоҷикони ҷумҳурӣ, вилоятҳои Бухоро, Самарқанд, Сурхондарё, Қашқадарё, Ҷиззах, Намангон, Фарғона ва шаҳрҳои Тошканду Чирчиқ ташаббускоранд. Дар ин раванд, дар пойтахт ва вилоятҳо аллакай чанд маҳфил ва нишасту ҳамоишҳои адабиву фарҳангӣ рӯйи кор омаданд, ки минбаъд теъдод ва муҳтавои онҳо зиёд ва таъсирбахш хоҳанд шуд.
Ҷашни 140 - умин солгарди устод Айнӣ аз муҳимтарин рӯйдоди фарҳангии баҳори соли ҷорӣ хоҳад гардид. Ба ин муносибат, дар Хона-музейи устод дар шаҳри Самарқанд тараддуди таъмир оғоз ёфтааст. Ҳамчунин, бозсозии Хона-музейи устод дар зодгоҳаш – Соктареи Ғиждувон низ рӯйи кор хоҳад омад.
Муҷассамаҳои паҳлуи ҳам, ки бовиқор дар маркази шаҳри Самарқанд ҳамеша чун симоҳои бунёдгузори дӯстии ду адабиёту фарҳанг қад афрохта буданд, баъд аз чанд соли нопадидӣ аз нав гузошта мешаванд. Тибқи нақша пайкараҳои Абдураҳмони Ҷомӣ ва Алишер Навоӣ дар пайвандгоҳи кӯчаи ба номи Ҷомӣ ва боғи ба номи Навоӣ ҷой мегиранд ва рамзист, ки як гӯшаи хиёбон ба маҳали ҷойгузини нимтанаи устод Рӯдакӣ мечаспад.
Дар ибтидои садаи ҷорӣ аз ҷумлаи ҷавонони Ӯзбекистон беш аз яку ним ҳазор нафар дар риштаҳои гуногуни мактабҳои олии Тоҷикистон таҳсил менамуданд. Миёни макотиби олӣ дар бобати табдили донишҷӯён қарордод вуҷуд дошт.
Баргузории Рӯзҳои Ӯзбекистон дар Тоҷикистон ва Рӯзҳои Тоҷикистон дар Ӯзбекистон, ки дар тӯли бештар аз бист сол бори аввал ба вуқӯъ пайвастанд, дар партави вазъияте, ки солҳои зиёд ҳукмронӣ мекард, бидуни муболиға чун падидаҳои таърихӣ ба назар мерасанд.
Тоҷибой ИКРОМОВ,
муовини сармуҳаррири
«Овози тоҷик», муовини раиси Маркази миллӣ - фарҳангии тоҷикони Ӯзбекистон


Баёни ақида (0)    Санаи нашр: 07.02.2018    №: 49    Мутолиа карданд: 319

19.09.2018


ТОҶИКИСТОН ВА ӮЗБЕКИСТОН. Аввалин тамринҳои муштараки низомӣ

Таъсиси 57 корхонаи нав

Намоиши дастовардҳо ба муносибати Рӯзи шаҳри Хуҷанд

Зуҳро Саидова – соҳиби шоҳҷоиза

Таҳаммул аз амалҳои террористӣ норавост

Баргузории ҳамоиши маъмурони роҳи оҳани кишварҳои СҲШ дар Ӯзбекистон

Дар Ироқ 27 ҳазор нафар аз об заҳролуд гашт

Тӯли 40 соли ислоҳот дар Чин ҷои кор 346 дарсад афзуд

Остона ҳамоиши ҳаштуми глобалии туризми шаҳриро пазироӣ мекунад

Ҷаҳон дар як сатр

18.09.2018


САМБО. Дурахши варзишгари навраси тоҷик дар Аврупо

Иди асал дар Душанбе

КӮЛОБ. Боз ду меҳмонхонаи нав ба истифода дода шуд

Ҷаҳон дар як сатр

ӮЗБЕКИСТОН. Оғози машқҳои низомии муштарак

Теъдоди қурбонии тӯфони «Мангхут» аз 60 нафар гузашт

Дифои Вазорати ҳуқуқи инсони Покистон аз ҳуқуқи занҳо

Таҳсили фосилавӣ ба ҳар хонандаи ҷопонӣ дастрас шуд

Дар Остона ба хариди партов шурӯъ карданд

17.09.2018


НОҲИЯИ РӮШОН. Сарҳадбонон соҳиби бинои наву замонавӣ шуданд

Баргузории фестивали шаҳрии эҷодиёти кӯдакон

“КӮКНОР-2018”. Мусодираи беш аз 550 килограмм маводи нашъаовар дар Хатлон

ФУТБОЛ. "Хуҷанд" ба пеш баромад

11.09.2018


ДУШАНБЕ МИЗБОНИ СОҲИБКОРОНИ ҶАҲОН

ДЕВАШТИЧ. БУНЁДКОРИҲОИ НОҲИЯ НАМУНАИ ИБРАТАНД

МАРЗ. Боздошти қочоқбарон

КӮЛОБ. ИФТИТОҲИ БОҒЧАИ НАВ

05.09.2018


БӮСТОН. Бунёди чор иншооти нав

ФУТБОЛ. Дар Тоҷикистон мусобиқаҳои байналмилалӣ доир мегарданд

Ориф Алвӣ 13-умин президенти Покистон интихоб гашт

Дар Арабистони Саудӣ барои маводи тахрибӣ дар интернет зиндонӣ мекунанд

Дар Гуҷарат сохтмони баландтарин ҳайкали дунё анҷом меёбад

Ҳиндустон барномаи нави кайҳониро амалӣ месозад

04.09.2018


Боздиди Сарвазири мамлакат аз иншооти гармидиҳии шаҳри Душанбе


Дар сомонаҳои дигари Тоҷикистон хонед