logo

фарҳанг

ТАЪРИХИ ЗАМОН ДАР ЗАМОНҲО

Матбуоти собиқ вилояти Кӯлоб, ки ҷузъи ҷудонашавандаи матбуоти тоҷик аст, ҳамеша ба халқу Ватан хизмати шоиста кардааст. Солҳои 1928 - 1932 дар шаҳри Кӯлоб рӯзномаи «Маҳви бесаводӣ» чоп мешуд. Моҳи марти соли 1933 дар собиқ вилояти Кӯлоб рӯзномаҳои «Ҳақиқати Кӯлоб» ва соли 1944 «Кулябская правда» арзи вуҷуд карданд, ки ба ноҳияҳои Кӯлоб, Фархор, Восеъ, Мир Сайид Алии Ҳамадонӣ (Москва), Даштиҷум, Шамсиддини Шоҳин (Шӯрообод), Ховалинг, ноҳияи Темурмалик (Совет), Балҷувон, Сари Хосор  ва Данғара хизмат мерасонданд. Рӯзномаи «Навиди Кӯлоб» мероси ҳамон «Ҳақиқати Кӯлоб» аст.
Хонандагони рӯзномаҳои минтақаи Кӯлоб солҳои шастум - ҳафтодум ва ҳаштодуми асри XX бо номи журналистони болаёқат Абдулло Муродов, Нураҳмад Одинаев, Давлаталӣ Раҳмоналиев, Сафармуҳаммад Айюбӣ, Мисралӣ Сониев, Бобоҷон Абдулвоҳидов, Акбар Муслимов, Абдулфайз Атоев, Аслон Исломов, Карим Давлат, Мираҳмад Амиршоев, Нозирҷон Ёдгорӣ,  Ғанӣ Давлатов, Саид  Раҳмонов ва ғайра ифтихор доштанд, ки баъзе онҳо ҳоло дар қайди ҳаёт нестанд.
Баъди 19 соли барҳам хӯрдани вилоят моҳи январи соли 1974 вилояти Кӯлоб аз нав барқарор гардид. Кумитаи телевизион ва радиои вилоятӣ 2 ноябри соли 1974 таъсис дода шуда,  он 4 апрели соли 1975  ба кор шурӯъ кард. Аз 1 январи соли 1976 шумораи аввалини рӯзномаҳои вилоятии «Роҳи ленинӣ» (муҳаррираш Қ. Холов), «Кулябская правда» (муҳаррираш Г. Гановичев) ба дасти хонандагони сершумор расид. Шодию хурсандии мардум, аз ҷумла журналистон ҳадду канор надошт. Қувваҳои  эҷодии  ҳар  ду рӯзномаи вилоятӣ  аз  ҳисоби  мутахассисони  соҳаи  журналистика мустаҳакам мегардиданд. Абдулло Муродов, Раҳмат Ташрифзода, Мирзо Қосимов, Зуҳур Гадоев, Саидаброр Умаров, Мирзо Сироҷов, Раҷабалӣ Назаров, Мирзо Фирӯзов, Абдураҳмон Толибов, Ашӯр Иброҳимов, Моҳитобон Шарифова, Адолат Амирова, Файзулло Убайдуллоев, Масамӣ Абдураҳмонов аз ҷумлаи журналистоне буданд, ки ҳаётро бештар омӯхта, услубҳои нави навиштаҷотро мунтазам ҷустуҷӯ намуда, мақолаҳои публитсистӣ, очерку лавҳаҳо ва репортажҳои пурмазмуну таъсирбахш менавиштанд.
Аз рӯи талаби замон охири соли 1988 вилояти Кӯлобу Қӯрғонтеппа якҷо шуда, вилояти Хатлонро ташкил карданд. Фаъолияти рӯзномаҳои вилоятии «Роҳи ленинӣ», «Кулябская правда» қатъ гардид. Рӯзномаи шаҳрии  «Роҳи ленинӣ» таъсис ёфт.
Баъди муттаҳид карда шудани вилоятҳои Кӯлобу Қӯрғонтеппа аз моҳи феврали соли 1993 рӯзномаи «Хатлон» фаъолияташро дар шаҳри Кӯлоб қатъ намуд, рӯзномаи  «Кулябская правда» ба рӯзномаи минтақавӣ табдил ёфта, фаъолияташро дар шаҳри Кӯлоб давом дод. Ҳамзамон  рӯзномаи шаҳрӣ бо номи «Навиди Кӯлоб» ташкил карда шуд, ки ин давоми рӯзномаҳои «Ҳақиқати Кӯлоб», «Роҳи ленинӣ» ва «Хатлон» аз соли 1933 ба ҳисоб мерафт. 
Ба рӯзномаҳои бонуфузи мо «Кулябская правда» ва «Навиди Кӯлоб» журналистони минтақа  ҳамкориҳои зич доранд. Ҳар ду рӯзнома ҳам ҷаҳд доранд, ки ҳамқадами замон бошанд.
Ҳақназар  ҒОИБ,
Шоири халқии Тоҷикистон


Баёни ақида (0)    Санаи нашр: 12.03.2018    №: 51    Мутолиа карданд: 627

21.02.2019


ХУҶАНД. Оғози сохтмони бинои нави «Тоҷикстандарт»

ФУТБОЛ. Тақвими бозиҳои тими мунтахаби олимпии кишвар муайян гардид

Табибон аз Тотористон бо ҳампешаҳои тоҷики худ мубодилаи таҷриба мекунанд

Роҳандозии лоиҳаҳои инноватсионӣ дар Қазоқистон

Дар Ҳиндустон 13 иштирокдори тӯй зери чархи мошини боркаш монд

Сӯхтор сабабгори марги ҳафт кӯдак дар Канада

Ҷаҳон дар як сатр

19.02.2019


МАКТАБИ ДАВЛАТДОРИИ ЭМОМАЛӢ РАҲМОН. ЯК ҲАМОИШИ МУҲИМ

Баррасии масъалаҳои рушди сайёҳӣ

Вохӯрии Низомиддин Зоҳидӣ бо Мазен Шамия

Дурнамои рушди муносибатҳо матраҳ гардид

ҶОМИ КУШОДАИ АВРУПО. Муҳаммадризо Қувватов медали биринҷӣ ба даст овард

Авҷи ниҳолшинонӣ

Саҳми соҳибкорон дар ободии деҳот

Ҳамкории тиҷоратию иқтисодии Чин ва Россия густурдатар мегардад

Сарвар Дониш: «Музокироти сулҳ бидуни ҳукумат қурбе надорад»

«Туҳфаи шоҳона» - и Арабистони Саудӣ ба шаҳрвандони Покистон

Дар Қазоқистон маркази амнияти иттилоотӣ ифтитоҳ меёбад

Сокини навраси Шимкент ду нафарро аз сӯхтор наҷот дод

Ҷаҳон дар як сатр

18.02.2019


Боздиди Азим Иброҳим аз ҷараёни корҳои сохтмонӣ

ВКД Ҷиноятҳо 83,6 дарсад ошкор шуданд

Вазорати молия. Барои дастгирии буҷет маблағи бештар ҷалб хоҳад гашт

«BISHKEK OPEN – 2019». Дурахши каратэ-дочиёни навраси тоҷик

«МОҲИЯТ ВА ТАЪЙИНОТИ МАТБУОТИ МАҲАЛЛӢ»

РОҒУН. Ободонӣ вусъат меёбад

АНДОЗ. Нақша 100, 6 дарсад иҷро гардид

ТОҶИКИСТОНУ ӮЗБЕКИСТОН. Гардиши савдо ду баробар афзуд

Тоҷикистон миёни кишварҳои ИДМ ба афзоиши баландтарини ММД муваффақ гашт

Дар Тошканд конфронси байналмилалӣ оид ба Осиёи Марказӣ баргузор мегардад

Қасри сафед: "Музокироти тиҷоратӣ дар Пекин ба пешравӣ мусоидат кард"

Трамп мехоҳад ҷангиёни «Давлати исломӣ» - ро ба Аврупо барои суд кардан баргардонад

Кумитаи амнияти иттилоотии Қазоқистон беш аз 90 сомонаи хавфнокро ошкор сохт

Ҷаҳон дар як сатр


Дар сомонаҳои дигари Тоҷикистон хонед