logo

иҷтимоиёт

МАСЪУЛИЯТШИНОС БУДАН МУҲАББАТ ДОШТАН АСТ

Фарзанд меваи умр ва идомабахши ҳаёти инсон аст. Агар дарахт бенуқсон нашъу намо ёбад, пас меваи он ҳам судбахшу самаровар хоҳад буд, зеро ғизои таркиби он аз сарчашмаи қобили эътимод мебошад. Фарзанд ва муносибати волидон низ айнан чунин мафҳумро дорад.

Дар ҳолате ки волидон худ неруи зеҳниву ақлонии рушдёфта ва масъулиятшинос бошанд, пас фарзандони онҳо низ дар чунин муҳит рушд хоҳанд кард. Аммо, агар волидон бепарво бошанду нисбати ҳаёти фарзандон камтаваҷҷуҳӣ зоҳир намоянд, пас фарзандон низ дар оянда чунин муносибатро бо онҳо раво хоҳанд дид. Дар урфият низ мегӯянд: “Гандум аз гандум бирӯяд, ҷав зи ҷав”, ё “Ҳар чи корӣ - ҳамон медаравӣ”. Бинобар ин, волидонро лозим меояд, ки нисбати ҳаёти имрӯзу фардои фарзандони худ бемасъулиятӣ нишон надиҳанд. Вале сухан сари мафҳумҳое чун “масъулият чист ва масъулиятшинос будан чӣ маънӣ дорад?” меравад. Шояд мо боре наандешидаем, ки ин ибораҳо ҳама дар зери як мафҳуми асосӣ - муҳаббат доштан ҷамъбаст мегардад.
Бубинед, вақте мо ба таърихи шахсиятҳои маъруфи олам менигарем, дармеёбем, ки онҳо ба касбу кору шахсияти хеш зиёд таваҷҷуҳ намуда, кор кардаанд, ки ин ҳамон муҳаббат доштан нисбати худу хостаҳои хеш аст. Самари нахлистони боғбон ҳам аз заҳматҳои содиқона анҷомдодааш аст.
Аҳмади Дониш дар асари хеш “Наводирулвақоеъ” оид ба ин масъала чунин ибрози андеша намудааст: “...ва ин муҳим дар мобайни заношавҳарӣ аст, ки бо ҳамдигар мувофиқ бошанд. Ва, агар носозгор бошанд, ҳама ғавғо дар сари бом бошад ва асрор дар миёнаи роҳи омм”.
Дар боби 2, моддаи 5 Қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд” низ омадааст, ки “Падару модар дар таълиму тарбияи фарзанд ҳуқуқ ва уҳдадориҳои баробар доранд”, аммо вақте ба меъёрҳои ахлоқӣ менигарем, вазифаи маънавии модарон дар ин самт бештар аст.
Ботину ҷавҳари фарзандон аз сиришти поки модар сарчашма мегирад.
Биёед ба як лаҳзаи ҳаёти ибратбахши шахсияти  шинохтаи дунёи илм - Томас Эдисон нигарем.
Рӯзе Томас аз мактаб баргашту модарашро бо чеҳраи ғайриодиву пурҳаяҷон дарёфт. Модар ӯро истиқбол гирифту гуфт:
- Бароят аз мактаб номае омадааст, онро мехонам: “Писари шумо доҳӣ аст. Мо дар мактаб ба қадри лаёқату истеъдоди ӯ таълим дода наметавонем. Ӯро ба ягон мактаби дигар монед”. Бо хондани ин ҷумлаҳо аз чи бошад, ки дар чашмони модар ашк ҳалқа зад. Солҳо сипарӣ шуданду модар ҳам аз дунё гузашт. Томас олими маъруфи замон шуд. Рӯзе ӯ дар хона нишасту ҷевони китобҳои куҳнаашро кушод ва аз даруни китобе варақае ёфт, ки дар он чунин навишта шуда буд: “Писари шумо камақл аст. Дигар ӯро ба мактабамон роҳ намедиҳем. Худатон тарбият кунед”. Ихтироъкори маъруф Томас Эдисон гирист ва дар дафтари хотироташ навишт: “ Томас Элвар Эдисон кӯдаки беақл буд, ки ба шарофати модари қаҳрамонаш доҳии аср шуд”.
Пас ба хулосае меоем, ки омили асосии ягонагиву сарҷамъӣ, осудагиву ободӣ ва муҳимтар аз ҳама ҳамдигарфаҳмиву масъулиятшиносӣ нисбати ҳаёти худу дигарон муҳаббат доштан аст.
Ашӯрбибӣ ШУКУРОВА,
омӯзгори мактаби № 49,
ноҳияи Фирдавсии шаҳри Душанбе


Баёни ақида (0)    Санаи нашр: 15.03.2018    №: 55    Мутолиа карданд: 611

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр

07.10.2019


ВМКБ. Нақшаи даъват иҷро шуд

ҲИСОР. Ташкили аввалин бозори минтақавии ҳунармандӣ

Ихтирои доруи заъфи дилу раг дар Канада

Сарвари Ӯзбекистон санҷиши фаъолияти сомонаҳои мақомоти давлатиро дархост намуд

ҶХД-и Корея музокирот бо ИМА - ро то охири сол қатъ кард

Дар чор шаҳри калони Россия амали террористӣ пешгирӣ гардид

Ҷаҳон дар як сатр

03.10.2019


Путин: «ИИАО бояд бо СҲШ ва АСЕАН иртиботи қавӣ дошта бошад»


Дар сомонаҳои дигари Тоҷикистон хонед