logo

сиёсат

АФЗАЛИЯТИ ТАЪРИХӢ Ё ТАВСЕАИ РОБИТАҲОИ ДӮСТОНАИ ДУ ХАЛҚИ БАРОДАР

Дар таърихи халқу миллатҳо ва муносибатҳои байнидавлатии онҳо рӯйдоду воқеаҳои  муҳиме ба вуқӯъ мепайванданд, ки дар равобити минбаъда тақдирсоз, муайянкунанда ва калидӣ арзёбӣ мегарданд. Ин воқеаву рӯйдодҳо ҳолати мавҷудаи муносибатҳоро сифатан дигар карда, бо андеша, диди нав ва амалу рафтори наҷибона пойдевори наверо дар муносибатҳои байниҳамдигарӣ рӯйи кор меоранд.
Ҷавҳари чунин рӯйдоду воқеиятро на шаклпарастӣ ва этикет дар муносибати байнидавлатӣ, балки мазмуну мундариҷаи ҳастии таърихии ин ё он давлату миллат, ҷудонопазирии гузаштаи ягона, фарҳангу анъана, урфу одат, моил будан ба ҳамдигар ва майл кардан ба наздикшавӣ ташкил медиҳад. Вале ин равандро бе шахсиятҳои бузурги таърихӣ ва нақши онҳо дар эҳёи андешаи солими давлатдорӣ ва муносибатҳои байнидавлатӣ тасаввур кардан ғайриимкон аст.
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев аз зумраи чунин сарсупурдагони миллати худ мебошанд, ки ба нақш ва ҷойгоҳи таърихи халқҳояшон дар ҳаёти сиёсиву иҷтимоӣ ва фарҳанги ҳамдигарӣ, дӯстию рафоқати дахлнопазирӣ аз  санҷиши замонҳо гузашта назар карда тавонистанд. Моҳияти иҷтимоии ҳамбастагии ду миллати бо ҳам дӯсту бародарро аз сари нав эҳё карда, барои ба нафъи минбаъдаи ҳамдигарӣ ривоҷ додан пешниҳод намуданд.
Президенти маҳбуби Тоҷикистон аз зумраи сарвароне мебошанд, ки муносибатҳои неку судманди ҳамсоягиро яке аз муҳимтарин ва асоситарин афзалиятҳои фаъолияти худ арзёбӣ кардаанд: «Минтақаи дигаре, ки мо ба он талаллуқ  ва ҳамкорӣ дорем, Осиёи Марказист, ки аз лиҳози ҳар гуна қаробат ба мо наздиктарин аст. Мардумони ҳамаи кишварҳои моро умумиятҳои зиёди гуногун, аз қабили таърихи  муштарак, зиндагии монанд, анъанаҳои таърихиву фарҳангу омилҳои мухталифи иҷтимоиву инсонӣ ба ҳам меоранд. Ҳама нияту ҳадафҳои мо на танҳо ба нафъи кишвари худамон, балки ба манфиати ҳамаи ҳамсоягон мебошанд».
Сарвари давлати мо бо такя ба дӯстии шикастнопазири ду халқи як минтақаи ҷуғрофӣ ва анъанаҳои неки хешутабории онҳо, ба ояндаи нек ва дурахшони муносибатҳои байнидавлатӣ  боварии  комил доштанд. Бо таҳаммул барои оянда пайроҳа ва роҳи васеи ҳамдигарфаҳмию ҳамкориро кушода, дар ҳама ҳолат дурандешӣ ва хирадмандии сиёсӣ нишон медоданд, ки натиҷаи тиллоӣ ба бор овард.
Сафари давлатии Президенти Ҷумҳурии Ӯзбекистон муҳтарам Шавкат Мирзиёев ба Ҷумҳурии Тоҷикистон, ки рӯзҳои 9 -10 марти соли равон ба вуқӯъ пайваст, бо натиҷаҳои хубу бобарор ба анҷом расид. Ҷараёни ин сафар ва натиҷаҳои бадастомада бори дигар шахси таърихии нотакрор, дурандеш, хирадманд, таҳаммулпазир, ба ояндаи нек боварӣ доштани Пешвои миллати мо муҳтарам Эмомалӣ Раҳмонро исбот карданд.
Муҳимият ва аҳамияти таърихию сиёсии сафари давлатии Президенти Ҷумҳурии Ӯзбекистон ва гуфтушунидҳои ду кишвари бо  ҳам дӯсту ҳамсоя, натиҷаи талошҳои роҳбари ду давлат: Пешвои миллат, Президенти Ҷумҳурии  Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон муҳтарам Шавкат Мирзиёев дар роҳи на танҳо муътадил гардондани муносибатҳои байнидавлатӣ, балки ба сатҳи сифатан нав баровардан ва рушду таҳкими минбаъдаи онҳо ба нафъи халқҳои тоҷику ӯзбек арзёбӣ мегардад.
Ин сафари давлатӣ ва натиҷаҳои он дар баробари оғози марҳилаи сифатан нави равобити ду кишвари бо ҳам дӯст, ҳамчунин, метавонад дар таҳкими муносибатҳои сифатан нави минтақаи  Осиёи Марказӣ нақши арзанда бозад, зеро мардумони минтақа ба чунин муносибати одилонаи байнидавлатӣ ниёз ва боварӣ доранд.
Карим КАРИМЗОДА,
муовини раиси Суди конститутсионии
Ҷумҳурии Тоҷикистон


Баёни ақида (0)    Санаи нашр: 19.03.2018    №: 57-58    Мутолиа карданд: 440
09.07.2020


ТОҶИКИСТОН. ШУМОРАИ ШИФОЁФТАГОН АЗ COVID – 19 АЗ 5000 ГУЗАШТ

«ОИЛА, КӮЧА, МАҲАЛЛА, ДЕҲА, ДЕҲОТ ВА ШАҲРАКИ БЕҲТАРИН». ОЗМУНЕ, КИ СОКИНОНИ СУҒДРО БА ОБОДОНӢ ТАЛҚИН МЕКУНАД

ДУШАНБЕ. ТАҲТИ РАЁСАТИ АЗИМ ИБРОҲИМ ҶАЛАСАИ КОРӢ БАРГУЗОР ШУД

ШАҲРИ ТУРСУНЗОДА. КОРҲОИ ФАҲМОНДАДИҲӢ САМАР ДОРАНД

«ОВОЗИ САМАРҚАНД» КИТОБҲОИ ХУДРО РӮНАМОӢ КАРД

ВАНҶ. ОБ АСТ, КИ ОБОДИСТ

ТАБИБОНИ ЛАХШ: «ҒАМХОРИҲОИ ПЕШВОИ МИЛЛАТ БА МО НЕРУ МЕБАХШАД»

ФУТЗАЛ. БОЗИИ СУПЕРҶОМИ ТОҶИКИСТОН – 2020 КАЙ БАРГУЗОР МЕГАРДАД?

ТАЪКИДИ СИ ҶИНПИН АЗ ЗАРУРАТИ ҲАМКОРИИ ГУСТУРДАИ ЧИНУ РОССИЯ

ҶАҲОН ДАР ЯК САТР

08.07.2020


ИСФАРА. КОРХОНАИ ПОЙАФЗОЛДӮЗИИ «САМАНД» БА ФАЪОЛИЯТ ШУРӮЪ НАМУД

ДАР ТОҶИКИСТОН АЗ КОРОНАВИРУС 4965 БЕМОР ШИФО ЁФТ

Сафари гурӯҳи ҳукуматӣ ба ВМКБ

«МАЪРИФАТ. ВАҚТЕ КИ КИТОБХОНА ҲОЛИ ТАБОҲ ДОРАД»

ВМКБ. ВАЗИР АЗ ҶАРАЁНИ СОХТМОНҲО ДИДАН КАРД

“СОМОН ЭЙР” БА ДУБАЙ ВА МИНСК ПАРВОЗҲОИ МАХСУС АНҶОМ МЕДИҲАД

САДОҚАТИ «САДОҚАТ»

ЛИГАИ ОЛӢ. КОРШИНОСИ ВАРЗИДА САРМУРАББИИ ДАСТАИ "КӮКТОШ" ТАЪЙИН ГАРДИД

ДАР ОЛМОН БА ТАҲКИМИ МУНОСИБАТ БО РОССИЯ АВЛАВИЯТ МЕДИҲАНД

ҶАҲОН ДАР ЯК САТР

07.07.2020


ТОҶИКИСТОН. 4914 ГИРИФТОРИ БЕМОРИИ COVID – 19 ШИФО ЁФТ

БОЗГАШТИ ШАҲРВАНДОНИ ТОҶИКИСТОН АЗ ҚАЗОҚИСТОН ВА ӮЗБЕКИСТОН

FINA МЕХОҲАД МАВҚЕАШРО ДАР БО МУСТАҲКАМ НАМОЯД

СУТ БА ВАКСИНАИ РОССИЯ АЛАЙҲИ COVID - 19 ЭЪТИМОД ДОРАД ВА ДАР ИН САМТ ХОСТОРИ ҲАМКОРИСТ

ҶАҲОН ДАР ЯК САТР

06.07.2020


ТОҶИКИСТОН. ШУМОРАИ СИҲАТШУДАГОН АЗ КОРОНАВИРУС БА 4858 НАФАР РАСИД

НОҲИЯИ ДАРВОЗ. СОҲАИ ФАРҲАНГ БА ДАСТГИРӢ НИЁЗ ДОРАД

РАШТ. КИШТИ КАРТОШКА ДАР 3047 ГЕКТАР

КӮЛОБ. БА МАҲАЛЛАИ ЛОҲУТӢ ОБИ ТОЗА ОМАД

ЧЕМПИОНАТИ ТОҶИКИСТОН – 2020. ҒАЛАБАИ НАВБАТИИ "ИСТИҚЛОЛ"

ПУТИН: «РОССИЯ БАРОИ РУШДИ ИҚТИСОД НИЁЗ БА МУҲОҶИРОН ДОРАД»

ҶАҲОН ДАР ЯК САТР

03.07.2020


ХУҶАНД. ИФТИТОҲИ ГУЗАРГОҲИ ЗЕРИЗАМИНӢ

ЗАРУРАТИ ТАВСЕАИ ҲАМКОРИҲО ТАЪКИД ГАРДИД

ДАР ТОҶИКИСТОН АЗ КОРОНАВИРУС 4690 БЕМОР ШИФО ЁФТ


Дар сомонаҳои дигари Тоҷикистон хонед