logo

ҳуқуқ

ХАТЛОН. НИКОҲИ ХЕШУТАБОРӢ АЗ БАЙН МЕРАВАД

Сабти асноди ҳолати шаҳрвандӣ як тадбири муҳимест, ки тавассути он Ҳукумати мамлакат метавонад таҳлилҳои созанда анҷом дода, бисёр мушкилоти ҷомеаро огоҳмандона рафъ созад. Таваҷҷуҳ ба ин тадбир ҳам аз мутасаддиёни соҳа ва ҳам аз шаҳрвандони одӣ масъулият тақозо мекунад. Зинатгул Сафарзода, сардори раёсати асноди ҳолати шаҳрвандии Вазорати адлияи Ҷумҳурии Тоҷикистон дар вилояти Хатлон, дар суҳбат бо хабарнигори  “Ҷумҳурият” андешаҳояшро дар ин бора чунин иброз намуд: 

– Яке аз вазифаҳои умдаи кормандони шуъбаю бахшҳои сабти асноди ҳолати шаҳрвандӣ ва ҷамоатҳои шаҳраку деҳот ин сари вақт ба қайд гирифтани ҳолати таваллуд мебошад. Муҳимияти ин тадбир дар он аст, ки имрӯзҳо дар ҷумҳурӣ даҳҳо барномаҳои давлатӣ оид ба беҳбудии рӯзгори мардум, паст кардани сатҳи камбизоатӣ, зиёд кардани ҷойҳои корӣ амалӣ гашта истодаанд ва албатта, барои сари вақт амалӣ гардондани онҳо доир ба афзоиши табиии аҳолӣ маълумоти дақиқ зарур аст.
Тавре ки аз фаъолияти кори шуъба ва бахшҳо бармеояд, соли гузашта дар вилояти Хатлон дар маҷмӯъ 91 ҳазору 985 ҳолати  таваллуд аз қайди давлатӣ гузаронда шудааст, ки назар ба ҳамин давраи соли 2016-ум 1 ҳазору 158 ҳолат кам аст. Сари вақт ва дар муҳлати муқарраргардида ба қайд гирифтани таваллуд  заҳмати кормандони соҳаи тиб ва мақомоти сабти асноди ҳолати шаҳрвандиро тақозо мекунад. Вале, мутаассифона, дар аксари ҳолатҳо аз тарафи мутасаддиёни соҳаи тандурустӣ рӯйхати навзодон сари вақт ба шуъба ва бахшҳои асноди ҳолати  шаҳрвандӣ ва ҷамоатҳо пешниҳод намешавад.
Масъалаи дигаре, ки ба таври  ҷиддӣ риоя кардани талаботи қонунро дар бораи ақди никоҳ тақозо мекунад, ин аз қайди давлатӣ гузарондани ақди никоҳи шаҳрвандони ҷумҳурии мо ва шаҳрвандони хориҷӣ мебошад. Аз ҷумла, шаҳрвандони хориҷие, ки дар лаҳзаи аз қайди никоҳ гузаштан камтар аз як сол дар қаламрави Ҷумҳурии Тоҷикистон истиқомат кардаанд, ҳуқуқи бо шаҳрвандони Тоҷикистон оила барпо кардан надоранд. Соли 2017 дар  шуъба ва бахшҳои  САҲШ-и шаҳру ноҳияҳои вилояти Хатлон 7 никоҳи хориҷӣ ба қайди давлатӣ гирифта шуд. Инчунин, дар асоси ҳалномаи суд оид ба кам кардани синни никоҳӣ 217 сабти бақайдгирии давлатии ақди никоҳ гузаронда шуд. Тамоюли аз нигоҳи тиб нораво, ки солҳои пеш ҷой дошт, яъне никоҳи байни хешовандон, дар натиҷаи дуруст ба роҳ мондани суҳбату вохӯриҳо бо шаҳрвандон, хушбахтона, рӯй надодааст ва ба қайди давлатӣ гирифта нашудааст.
Бинобар сабабҳои субъективию объективӣ соли гузашта бекоркунии ақди никоҳ нисбат ба соли  2016-ум 134 адад бештар сурат гирифт. Яъне, дар вилоят маҷмӯан 1 ҳазору 822 ақди никоҳ бекор шуд. Аз ин рақам 1 ҳазору 357 сабт дар асоси ҳалномаи суд, 462 сабт ба тариқи аризаи якҷояи зану шавҳар ва 3 сабт дар асоси аризаи яке аз ҳамсарон бекор карда шудааст. Тибқи таҳлилҳои мо, сабаби асосии фурӯпошии оилаҳо асосан аз муносибати беэътидоли занушавҳарӣ иборат аст. Боиси нигаронист, ки дар натиҷаи бекор кардани ақди никоҳ тибқи ҳисобҳои мо, 1 ҳазору 444 кӯдак аз падар ё модар зиндаҷудо гардиданд. Дақиқтараш, аз ин шумора 1 ҳазору 392 нафарашон дар тарбияи модар ва 52 нафари дигар дар тарбияи падар монданд. Таҳлилҳо нишон доданд, ки чунин раванди номақбул дар як қатор навоҳии вилоят ҳукмфармост. 
Ҳамзамон, барои пешгирӣ ва кам намудани шумораи бекор кардани ақди никоҳ мудирони шуъба ва бахшҳои САҲШ-и шаҳру ноҳияҳои вилоят вазифадор карда шуданд, ки ҷамъомаду вохӯриҳоро бо иштироки кормандони соҳа ва пирони рӯзгордидаи дар ҷамъият дорои мақоми хосса бештар ба роҳ монда, ҳаёти намунавии оилаҳои солимро тариқи баргузории ҷамъомаду озмунҳо ва семинару конференсияҳо миёни ҷавонон ташвиқу тарғиб кунанд.
Зокир ҲАСАН, “Ҷумҳурият”


Баёни ақида (0)    Санаи нашр: 02.04.2018    №: 65    Мутолиа карданд: 548
10.08.2020


КОРОНАВИРУС. ШУМОРАИ ШИФОЁФТАГОН БА 6 ҲАЗОРУ 573 КАС РАСИД

ЁРИИ НАВБАТИИ ПЕШВОИ МИЛЛАТ БА СОКИНОНИ ЭҲТИЁҶМАНДИ БАДАХШОН

САФАРИ МУОВИНИ САРВАЗИРИ МАМЛАКАТ ШИРИН ИСМАТУЛЛОЗОДА БА ШАҲРУ НОҲИЯҲОИ ҶУМҲУРӢ

«СУҒД ТЕКСТАЙЛЗ» ФАЪОЛИЯТАШРО ТАВСЕА МЕБАХШАД

ЛИГАИ ОЛӢ. "ИСТИҚЛОЛ", "ХУҶАНД" ВА "ХАТЛОН" ДАВРИ ДУЮМРО БО ПИРӮЗӢ ОҒОЗ КАРДАНД

БАДАХШОН. АВЛАВИЯТ БА ТАВСЕАИ МАЙДОНИ КИШТ

АГЕНТИИ НАШЪАОВАР. МУСОДИРАИ БЕШ АЗ 1 ТОННА МАВОДИ НАШЪАОВАР ВА МАҲВИ 26 ГУРӮҲИ ҶИНОЯТӢ

07.08.2020


ТОҶИКИСТОН. 6 ҲАЗОРУ 443 БЕМОРИ COVID-19 ШИФО ЁФТ

ВМКБ. ШИНОСОИИ АЗИМ ИБРОҲИМ БО ҶАРАЁНИ КОР ДАР ИНШООТИ ҶАШНӢ

КМИР. НАҚШАИ ТАҚВИМИИ ЧОРАБИНИҲОИ ИНТИХОБОТИ ПРЕЗИДЕНТИ ҶУМҲУРИИ ТОҶИКИСТОНРО ТАСДИҚ КАРД

ЛИГАИ БОНУВОН. «ХАТЛОН» ҒОЛИБИ МАРҲИЛАИ АВВАЛ

ҶАҲОН ДАР ЯК САТР

06.08.2020


ТОҶИКИСТОН. 6 ҲАЗОРУ 399 ГИРИФТОРИ БЕМОРИИ COVID-19 ШИФО ЁФТ

СУҒД. МАҲСУЛОТИ АРЗОН ЗИНДАГИРО БАРАКАТ МЕБАХШАД

АГЕНТӢ. ШУМОРАИ ХИЗМАТЧИЁНИ ДАВЛАТӢ АЗ ҲИСОБИ ЗАНОН КОҲИШ ЁФТААСТ. ЧАРО?

СЕРИЯ ПРО. МУБОРИЗАИ "СОРО - КОМПАНИЯ" ВА "СИПАР" ШИДДАТ МЕГИРАД

05.08.2020


ТОҶИКИСТОН. 6 ҲАЗОРУ 356 ГИРИФТОРИ БЕМОРИИ COVID – 19 ШИФО ЁФТ

АЗ «АМОНАТБОНК» СИПОСГУЗОРЕМ

ЛИГАИ ОЛӢ. МАРҲИЛАИ ДУЮМ 8 АВГУСТ ОҒОЗ МЕЁБАД

04.08.2020


ТОҶИКИСТОН. 6 ҲАЗОРУ 317 БЕМОРИ COVID – 19 ШИФО ЁФТ

ОМОДАГИҲО ҶИҲАТИ БАРӮЙХАТГИРИИ АҲОЛӢ ВА ФОНДИ МАНЗИЛ ИДОМА ДОРАНД

АГЕНТИИ СОДИРОТ. СОДИРОТИ МАҲСУЛОТИ КИШОВАРЗӢ АФЗУД

83 КОРХОНАИ НАВИ САНОАТӢ МАВРИДИ БАҲРАБАРДОРӢ ҚАРОР ГИРИФТ

ВКД. САТҲИ ҶИНОЯТ КОҲИШ ЁФТ

SARS – CoV – 2. ТАДҚИҚОТИ ОЛИМОН ХАТАРИ НАВИ ОНРО ОШКОР СОХТ

ФАЙЗРЕЗ Ё СЕСАД ХАРБУЗА АЗ ЯК КАФ ЗАМИН

ҶОМИ ТОҶИКИСТОН – 2020. ҶУФТҲОИ ДАВРИ 1/4 - ФИНАЛӢ МУАЙЯН ГАРДИДАНД

03.08.2020


ТОҶИКИСТОН. АЗ КОРОНАВИРУС 83,7 ДАРСАДИ СИРОЯТЁФТАГОН СИҲАТ ШУДАНД

АКАДЕМИЯИ ИДОРАКУНИИ ДАВЛАТӢ ДОНИШҶӮЁНИ ХОРИҶИРО БА ТАҲСИЛ ҶАЛБ КАРДАНИСТ

ҲИСОР. БУНЁДИ ИНШООТИ ҶАШНӢ ИДОМА ДОРАД

ГУМРУК. СОДИРОТИ МОЛУ МАҲСУЛОТИ ВАТАНӢ 19,1 ДАРСАД АФЗУД

КУМИТАИ АНДОЗ. ПАНДЕМИЯ БА ИҶРОИ НАҚША БЕТАЪСИР НАМОНД

ТОҶИКИСТОН. 6 ҲАЗОРУ 103 БЕМОРИ COVID - 19 СИҲАТ ШУД

СУҒД. РӮНАМОИИ КИТОБНОМАИ ҲАШТҶИЛДАИ “ПЕШВОИ МИЛЛАТ - ЭМОМАЛӢ РАҲМОН”

САРҲАД. ДАР НОҲИЯИ МИР САЙИД АЛИИ ҲАМАДОНӢ 127 ҶИНОЯТ БА ҚАЙД ГИРИФТА ШУД


Дар сомонаҳои дигари Тоҷикистон хонед