logo

иҷтимоиёт

Фарзон Салимов: «ИН ҚАРЗИ ИНСОНИИ МАН БУД». ДАР РУСИЯ КОРНАМОИИ ТОҶИКПИСАРРО ҚАДР НАМУДАНД

Кумитаи тафтишоти Русия қаҳрамонии тоҷикписар Фарзон Салимовро, ки ҳангоми сӯхтори маркази тиҷоратии «Зимняя вишня»-и шаҳри Кемерово ҷони худро зери хатар гузошта, даҳҳо нафарро аз марг наҷот дод, бо медал қадрдонӣ кард. Сардори Кумитаи тафтишот Александр Бастрикин ҳангоми супурдани мукофот ба ӯ ва се ҳамкораш аз МТ «Зимняя вишня» таъкид дошт, ки ин медалҳо ҷангиянд ва нафароне бо онҳо сарфароз мегарданд, ки воқеан ҷасорат нишон додаанд.
Фарзон Салимов мегӯяд, ки ин қадрдонӣ барояш ғайричашмдошт буд: «Ростӣ, ҳеҷ гумон надоштам. Чунки одамонро дар хатари марговар дида, бе дудилагӣ аз пайи наҷоташон шудам. Ин қарзи инсонии ман буд, на корнамоӣ. Бояд ҳатман гӯям, ки дигар бачаҳои тоҷик ҳам бисёр одамонро аз коми оташ халос карданд».
Дар сомонаи Кумитаи тафтишотии Русия доир ба рафтори фидокоронаи Фарзон Салимов навиштаанд, ки "Ҳангоми сӯхтор дар бораи худ фикр накард ва барои наҷоти одамон шитофт".
Тавре ин ҷавонмарди тоҷик нақл мекунад, аз сӯхтор ба ӯ ҷиянаш, ки дар маркази тиҷоратӣ ба ҳайси муҳофиз кор мекунад, хабар дод. Аз мағоза берун шуда, Фарзон одамони бисёреро дид, ки аз тарси ҷон худро ба чор тараф мезаданд. Чун рӯзи истироҳат буд, аксарият бо кӯдаконашон омада буданд. Аз ошёнаи боло низ волидон бо фарзандони хурдсол саросема мефаромаданд. Дар назди эскалатор мардуми бисёре ҷамъ шуда, намедонистанд куҷо раванд. Ҳаёҳуй, доду фарёд. Бӯйи ғализи дуд нафаскаширо торафт душвор месохт. Фарзон фаҳмид, ки зӯри эскалатор ба кашондани ин миқдор одам намерасад. Ҳамроҳи Маҳмуд Хоҷаев онҳоро бо роҳи эҳтиётии мағозаашон ба ошёнаи якум фароварда, боз ба ошёнаи дуюм давиданд. Охирин одами дар ошёнаашон бударо ба ҷои амн бурда, бори дигар боло баромаданд. Ду муҳофиз наздашон омада гуфтанд, ки дигар касе дар хавф нест ва бояд онҳо низ раванд, зеро бинои оташ-гирифта метавонад фурӯ равад. Танҳо баъди эътимод ҳосил намудан, ки дигар ҷони касе дар хатар нест, ҷавонмардони тоҷик ҳамроҳи муҳофизон маҳали фоҷиаро тарк карданд.
Тавре қаблан «Ҷумҳурият» иттилоъ дода буд, панҷ зодаи Тоҷикистон, кормандони мағозаи либосу пойафзоли МТ «Зимняя вишня», бо вуҷуди хатари марговар ҳамон рӯз беш аз 50 нафарро наҷот доданд.
Аз корнамоии онҳо дар расонаҳои Русия бо арзи сипос мақолаҳо дарҷ гаштанд, дар шабакаҳои иҷтимоӣ на танҳо мардуми Кемерово, балки тамоми кишвар изҳори миннатдории самимӣ мекарданд. Владимир Соловёв, ровии маъруфи телевизиони "Россия 1” дар барномаи "Вечер с Владимиром Соловьевым” бошад, аз қаҳрамонии ин ҷавонмардон ситоиш карда гуфт: "Ана онҳо қаҳрамонанд! Ба онҳо бояд мукофот диҳанд!”
Хотиррасон мекунем, ки сӯхтори дар ин маркази тиҷоратии шаҳри Кемерово 25 март рӯйдода сабаби марги 64 нафар гашт, ки 41 нафарашон кӯдаконанд. Дар ин фоҷиа ҷасорату ҷоннисории Фарзон Салимов ва ҳамватанонаш  теъдоди қурбониёнро ба маротиб кам кард. Воқеаи мазкур бори дигар собит месозад, ки дар лаҳзаҳои душвору ҳалкунанда, сарфи назар аз хавфу хатар ҷавонони тоҷик дар фикри на ҷони худ, балки ҷони дигарон мешаванд. Тоҷикистон бо чунин фарзандони диловараш ифтихор мекунад.
Хуршеди ҶОВИД, “Ҷумҳурият”


Баёни ақида (0)    Санаи нашр: 03.04.2018    №: 66    Мутолиа карданд: 480
28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ

НОҲИЯИ ЛАХШ. МУБОРИЗА АЛАЙҲИ COVID-19 ТАҲКИМ МЕЁБАД

КУМАКИ ЧИН БАРОИ ПЕШГИРӢ АЗ ПАҲНШАВИИ COVID – 19

БЕЭҲТИЁТИИ МУХЛИСОН - МӮҶИБИ ГИРИФТОРӢ БА КОРОНАВИРУС

ОЛИМОНИ РУС ВАКСИНАИ ЗИДДИ КОРОНАВИРУСРО МУВАФФАҚОНА ОЗМУДАНД

ҶАҲОН ДАР ЯК САТР

22.05.2020


ЁРИИ БАШАРДӮСТОНАИ ТОҶИКИСТОН БА ӮЗБЕКИСТОН

КУМАКИ ПРЕЗИДЕНТ БА ВИЛОЯТИ СУҒД

1008 НАФАР АЗ БЕМОРИИ COVID – 19 ШИФО ЁФТ

ВМКБ. ЁРИИ САРВАРИ ДАВЛАТ ФАЪОЛИЯТИ МУАССИСАҲОИ ТАБОБАТИРО БОЗ ҲАМ БЕҲТАР НАМУД

21.05.2020


ОЛИМИ ТОҶИК БОБОҶОН НАЗАРОВ ДАР БРИТАНИЯ ДОРУИ COVID-19 МЕСОЗАД

МИШУСТИН: «АФЗОИШИ ПАҲНШАВИИ КОРОНАВИРУС ДАР РОССИЯ БОЗДОШТА ШУД»

ЧИН БА КИШВАРҲОИ АЗ КОРОНАВИРУС ЗАРАРДИДА $2 МИЛЛИАРД МЕДИҲАД

МЕРКЕЛ: «ЯГОН ДАВЛАТ БА ТАНҲОӢ ИН ЭПИДЕМИЯРО УҲДА КАРДА НАМЕТАВОНАД»

МУЗОКИРОТИ БРИТАНИЯ ВА ФРАНСИЯ ОИД БА ЛАҒВИ КАРАНТИНИ МУСОФИРОНИ ВОРИДШУДА

ТАЙСОН ВА ҲОЛИФИЛД БА РИНГ БАРМЕГАРДАНД

ҶАҲОН ДАР ЯК САТР

19.05.2020


407 НАФАРИ ДИГАР АЗ КОРОНАВИРУС ШИФО ЁФТ

ВМКБ. ИСТИФОДАИ САМАРАНОКИ ЗАМИН ДАР МАДДИ АВВАЛ


Дар сомонаҳои дигари Тоҷикистон хонед