logo

сиёсат

ШИНОСОИИ ПЕШВОИ МИЛЛАТ БО РАФТИ КОРҲОИ СОХТМОНӢ ДАР ГУЛГАШТИ ХИЁБОНИ РӮДАКӢ

2 апрел Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо раиси шаҳри Душанбе Рустами Эмомалӣ дар ноҳияи Исмоили Сомонии пойтахт бо рафти корҳои сохтмонӣ дар гулгашти қисми ғарбии хиёбони Рӯдакӣ шинос шуданд.
Дар ин ҷо нахуст ба Сарвари давлат Эмомалӣ Раҳмон лоиҳаи бунёди гулгашти хиёбони Рӯдакӣ, ки дар қисми ғарбии Бӯстонсаройи шаҳрии Ҳукумати Ҷумҳурии Тоҷикистон воқеъ аст, муаррифӣ карданд. Иттилоъ дода шуд, ки майдони умумии гулгашти мазкур наздики 3 гектарро ташкил медиҳад.
Фармоишгар Корхонаи воҳиди давлатии “Роҳи оҳани Тоҷикистон” ва пудратчӣ Ҷамъияти дорои масъулияти маҳдуди “Озодӣ ва компания” мебошанд. Корҳои сохтмонӣ дар ин ҷо аз моҳи ноябри соли 2017 оғоз гардида, дар рафти бунёд то 200 нафар сокини маҳаллӣ бо кор ва маоши хуб таъмин мебошад.
Аз рӯи маълумоти мутахассисони ширкати сохтмонӣ гулгашт мутобиқ ба стандартҳои ҷаҳонӣ ва бо дизайни хеле замонавӣ бунёд карда мешавад. Майдони қариб 1 гектар замини гулгашт кабудизор карда шуда, сохтмони фаввораҳои гуногун, чароғонкунӣ, шинондани сафолакҳои ранга дар масоҳати 16 ҳазор метри мураббаи роҳравҳо, бунёди майдончаҳои бозии кӯдакона, қаҳвахонаи тобистона, гузоштани 60 адад курсӣ ва таъмини дигар инфрасохтори зарурӣ дар назар аст.
Баъди муаррифии лоиҳаи бунёди гулгашти хиёбони Рӯдакӣ Президенти мамлакат Эмомалӣ Раҳмон бо раиси шаҳри Душанбе Рустами Эмомалӣ дар ҳамин ҷо дарахти шоҳбулут шинонданд.
Иқдоми бунёди ин гулгашт, ки дар як ҷойи хеле мувофиқу маркази хиёбони Рӯдакӣ ҷойгир аст, ҳанӯз аз ҷараёни як маҷлиси Ҳукумати Ҷумҳурии Тоҷикистон оғоз гардида буд. Ҳамон вақт роҳбарони аксар вазоратҳо, кумитаҳо ва дигар ташкилоту муассисаҳои давлатӣ бо ҳисси баланди ватандорӣ уҳдадор шуданд, ки дар рушду пешрафти ҷомеа, шукуфоии диёр ва ободонии пойтахти кишвар саҳми муносиб мегузоранд.
Сарвари давлат Эмомалӣ Раҳмон зимни суҳбат бо сохт-мончиён онҳоро ба иҷрои корҳои босифат ҳидоят карданд. Бояд гуфт, ки тайи як соли охир бо бунёди иншооти гуногун, майдончаҳои бозии кӯдакона, варзишгоҳҳои муосир ва дигар корҳои ободонӣ аз тарафи роҳбарияти мақомоти иҷроияи ҳокимияи давлатии шаҳри Душанбе ва сокинони пойтахт шаҳри Душанбе хеле ободу зебо гардид. Мақсад аз бунёди гулгашт дар хиёбони Рӯдакӣ низ идомаи ҳамин корҳои созандагӣ мебошад.
Дар Соли рушди сайёҳӣ ва ҳунарҳои мардумӣ бунёд кардани чунин марказҳои фарҳангию фароғатӣ барои сокинон ва меҳмонони хориҷӣ ба манфиати кор аст.
Имсол, ҳамчунин, шаҳри Душанбе чун солҳои қаблӣ макони баргузории чорабиниҳои сатҳи ҷаҳонию минтақавӣ мегардад.
Сарвари давлат Эмомалӣ Раҳмон ба роҳбарияти шаҳри Душанбе ва дигар сохторҳои давлатӣ бо истифода аз рӯзҳои мусоиди баҳорӣ дастур доданд, ки дар боғҳои фарҳангию фароғатӣ ва маркази шаҳру ноҳияҳои пойтахт барои боз ҳам зебо шудани муҳити атроф гулу буттаҳо ва дарахтони зебои ороишӣ шинонанд.
Солҳои охир бо ҳидояти Пешвои миллат Эмомалӣ Раҳмон мутахассисони соҳа аз кишварҳои хориҷ дарахтони ақоқиё, павлония, шоҳбулут, заранг, зерфун, секвоя, пихта, ҷалғӯза, коҷ, канзан, тӯс, магнолия, зарнаб, олу, буттаҳои ёси ҳиндӣ, сарв, садбаргу лолаҳои ранга ва дигар намуди ниҳолҳои дарахтони ороишию ба саломатии инсон фоидаовар ворид кардаанд.
Ҳамаи ин гулу буттаҳо ва дарахтони ба Тоҷикистон воридгардида ба иқлиму табиати биҳиштосои Тоҷикистон мутобиқ мебошанд ва айни ҳол боғҳои фарҳангию фароғатӣ ва кӯчаву хиёбонҳои шаҳру ноҳияҳои мамлакатро зебу зиннат медиҳанд.


Баёни ақида (0)    Санаи нашр: 03.04.2018    №: 66    Мутолиа карданд: 376

03.01.2020


 БАЙНИ ТОҶИКИСТОН ВА АФҒОНИСТОН РОҲИ ОҲАН БУНЁД МЕГАРДАД

 ДАР ХОРУҒ КӮДАКИСТОН МАВРИДИ БАҲРАБАРДОРӢ ҚАРОР ГИРИФТ

 ХОВАЛИНГ. БЕМОРХОНАИ РАҚАМӢ БА ИСТИФОДА ДОДА ШУД

 AIRBUS БОРИ НАХУСТ АЗ СОЛИ 2011 АЗ BOEING ПЕШ ГУЗАШТ

 ОБХЕЗӢ ДАР ИНДОНЕЗИЯ БОИСИ ҲАЛОКАТИ 26 НАФАР ГАШТ

 НИДЕРЛАНД РАСМАН АЗ "ГОЛЛАНДИЯ" ДАСТ КАШИД

 ДАР ҚАЗОҚИСТОН МУСОФИРИ ҲАВОПАЙМОИ СУҚУТКАРДАРО МУКОФОТОНДАНД

ДАР ӮЗБЕКИСТОН ТӮЙҲОИ ПУРДАБДАБАРО МАНЪ НАМУДАНД

25.12.2019


"RIAS Ingineering" телевизору яхдонҳои тоҷикӣ месозад

Қазоқистон ҳукми қатлро пурра бекор карданист

Дар Австралия аз сӯхтори ҷангал шаҳр ба коми оташ рафт

Сарвари Индонезия тарҳи пойтахти нави кишварро интихоб намуд

Чин боҷи қариб ҳазор моли хориҷиро кам месозад

Ҷаҳон дар як сатр

24.12.2019


"ПЕШВОИ МИЛЛАТ ПОЯГУЗОРИ СУЛҲ ВА МЕЪМОРИ ВАҲДАТ"

Баррасии густариши ҳамкориҳо дар соҳаи сайёҳӣ

Қурбон Ҳакимзода ҳайати шаҳри Вэйнанро ба ҳузур пазируфт

Нуробод. Пешгирии шомилшавии ҷавонон ба ҳаракатҳои ифротгаро

Ҷаҳон дар як сатр

Арчаи солинавии Тоҷикистон рамзи Истиқлолияти давлатӣ

Лавров: Трамп ба муколама бо Россия доир ба масоили ҳалталаб омода аст

Москва ва Киев шартномаи таҳвили газро барои панҷ сол имзо мекунанд

Комиссияи Аврупо таҳримоти ИМА зидди «Маҷрои шимолӣ - 2»-ро маҳкум намуд

Дар Тошканд маркази рушди «ҳукумати электронӣ» ифтитоҳ меёбад

23.12.2019


Путин: «Соли гузашта дар Россия 33 амали террористӣ пешгирӣ гардид»

Минск ба ҳамгироӣ бо Россия дар асоси баробарӣ омода аст

Комиссияи интихоботии Афғонистон Ашраф Ғаниро президенти кишвар эълом дошт

Дар Қазоқистон хароҷоти соҳаи тандурустӣ то 5 дарсади ММД боло меравад

Ҷаҳон дар як сатр

БОКС. Ду медали тиллои варзишгарони тоҷик

20.12.2019


Дурнамои густариши ҳамкориҳо матраҳ гардид

Шиносоии Раҷаббой Аҳмадзода бо ҷараёни сохтмони муассисаҳои таълимии нав

Мулоқоти Акрамшо Фелалиев бо Эмилио Певида Пупо

19.12.2019


Шиносоии Қоҳир Расулзода бо ҷараёни сохтмони як қатор иншооти шаҳри Кӯлоб


Дар сомонаҳои дигари Тоҷикистон хонед