logo

туризм

НАҚЛИЁТ. ИНФРАСОХТОР РУШД МЕЁБАД

Ҳукумати кишвар ба рушди нақлиёт чун қисми таркибии инфрасохтори сайёҳӣ диққати махсус зоҳир намуда, дар ин самт чораҳои муассир меандешад. Ин аст, ки солҳои охир дар шаҳри Душанбе, пойтахти мамлакати азизамон - Тоҷикистон хизматрасонии нақлиёти умум рӯ ба беҳбудӣ ниҳод. Ба сокинон ва меҳмонон 4 корхонаи воҳиди давлатӣ ва 20 ҷамъияти шаклҳои гуногун хизмат мерасонанд. Таваққуфгоҳҳои замонавӣ мавриди истифода қарор гирифтанд. Ҳисоббаробаркунӣ дар автобусу троллейбусҳо тавассути кортҳои пластикӣ роҳандозӣ шуд.

Алҳол меҳмонон ва сокинон аз хизматрасонии муосири таксӣ бархӯрдоранд. «Рахш таксӣ», «Олуча таксӣ», «Asian Express» аз фаъолтарини онҳо буда, дар бозори нақлиёти кишвар рақобати  солимро ба вуҷуд овардаанд.
Коршиносон иброз медоранд, ки рушди соҳаи сайёҳӣ аз пешниҳоди хизматрасониҳои гуногун вобастагӣ дорад. Ва нақлиёт яке аз шаклҳои асосии он ба шумор меравад. Яъне, маҳз нақлиёт сайёҳиро аз хона ба минтақаи дар назар буда мерасонад. Нақлиёт асосан автомобилӣ, роҳи оҳан, баҳрию дарёӣ ва ҳавоӣ буда, ҳар яки он хусусиятҳои ба худ хосро дорад. Дар кишвари мо қариб ҳама навъҳои нақлиёт, ба истиснои баҳрӣ, баробар пеш мераванд.
- «Рахш таксӣ» нисбат ба дигар ширкатҳо дар бозори нақлиётии Тоҷикистон то кунун фаъолияти яксола дошта бошад ҳам, дар ин муддат тавонист тамоми Тоҷикистонро сайр намояд,- гуфт Фирдавс Гулмадов, директори ҶДММ «Сайёҳон» («Рахш таксӣ»), дар ҳамоиши ҷумҳуриявӣ таҳти унвони «Қадамҳои устувор дар хизматрасониҳои сайёҳӣ».
- Мо бо тамоми роҳҳо ва мушкилиҳо шинос ҳастем, - мегӯяд Ф. Гулмадов. - Ва дилхоҳ мушкилиҳои логистикии ҷумҳуриро ҳал намуда метавонем. Ба ҳар муштарӣ ба таври инфиродӣ муносибат карда, омодаи ҳамкорӣ бо ширкатҳои сайёҳӣ ҳастем.
Масъулони соҳа иброз медоранд, ки аҳамияти умдаи ширкати мазкур дар он аст, ки сайёҳон аз истифодаи сифатноки хизматрасониҳои нақлиётӣ бархӯрдор мегарданд. Инчунин, имконият ва захираҳои сайёҳии мамлакат тавассути аксҳои мавзеъҳои ҷолиб, ки дар қисми берунии автомобилҳо ҷой дода шудаанд, таблиғ карда мешаванд.
Ширкати «Asian Express» барои қонеъ гардондани талаботи сайёҳони хориҷӣ бо ширкати «Сари арка автопром» - и Ҷумҳурии Қазоқистон шартномаи ҳамкорӣ баст. Тибқи нақша бояд 2000 автомобили сабукрав ба терминали шаҳри Душанбе ворид шавад. Дар Фурудгоҳи байналмилалии шаҳр аз ҷониби ширкат барои сайёҳон махсус нуқтаи хизматрасонӣ ташкил шудааст. 
Султон Камолов, муовини директори генералии «Осиё гурӯҳ Тоҷикистон», мегӯяд, ки терминали мусофиркашонии шаҳри Душанбе барои 24 хатсайри минтақаҳои гуногуни Тоҷикистон автобусҳои замонавӣ ворид намудааст. Инчунин, 150 мошини сабукрави тамғаи «Тайёта кемри» дар хизмати сокинони пойтахт вогузоранд. Барои гурӯҳҳои 8 – 10 нафараи сайёҳон 4 микроавтобус пешниҳод шудааст.
Тибқи маълумоти Вазорати нақлиёти ҷумҳурӣ аз Фурудгоҳи байналмилалии Душанбе тавассути ширкатҳои ватании «Тоҷик Эйр» ва «Сомон Эйр»  алҳол ба 34 самти 8 кишвар, аз қабили Чин, Русия, Қазоқистон, Қирғизистон, Эрон, Амороти Муттаҳидаи Араб, Туркия, Ҳиндустон ва Олмон парвозҳо иҷро мешаванд.
Соли 2017 аз ҷониби «Сомон Эйр» ба самтҳои Душанбе – Сочӣ, Душанбе – Кобул, Душанбе – Новосибирск ва Кӯлоб – Москва  парвозҳо сурат гирифта, дар самти Душанбе – Тошканд  ва Душанбе – Сеул  парвози техникӣ анҷом ёфтанд. «Тоҷик Эйр» ба самти Душанбе – Пекин – Душанбе  парвози техникӣ иҷро намуд.
Тибқи банди 41 – и Нақша – чорабиниҳои ҳукуматӣ бахшида ба Соли рушди сайёҳӣ ва ҳунарҳои мардумӣ, ки аз ҷониби Президенти мамлакат тасдиқ шудааст, ташкили хатсайри сайёҳӣ тавассути роҳи оҳани Душанбе – Кӯлоб – Душанбе  ва Душанбе – Хуҷанд – Душанбе дар назар аст. Дар ин самт аз ҷониби масъулон тадбирҳои зарурӣ андешида шуда истодаанд. 
Созишномаҳои байниҳукуматии ҷумҳуриҳои Тоҷикистону Ӯзбекистон дар бораи алоқаи автомобилии байналмилалӣ, алоқаи ҳавоӣ, оид ба сафарҳои мутақобилаи шаҳрвандон ва ҳамкорӣ дар соҳаи сайёҳӣ, ки чанде қабл ҳамгоми сафари кории Президенти Ҷумҳурии Ӯзбекистон Шавкат Мирзиёев ба Ҷумҳурии Тоҷикистон  ба имзо расиданд, барои рушди соҳаҳои ба ҳам алоқамандӣ нақлиёт ва сайёҳӣ заминаҳои мусоид фароҳам оварданд. Аз ҷумла, дар заминаи Созишнома байни ҳукуматҳои Тоҷикистону Ӯзбекистон оид ба мусофирати мутақобилаи шаҳрвандон ва Созишномаи байниҳукуматӣ оид ба ҳамкорӣ дар соҳаи сайёҳӣ гурӯҳи аввалини сайёҳони Ӯзбекистон ба Тоҷикистон ташриф оварданд. Ғайр аз ин, ширкати «Рахш таксӣ» ва намояндагони ширкати «Скай тур» - и Тоҷикистон аз аввалинҳо буданд, ки ба ин васила ба кишвари ҳамсоя сафар карданд.
Ба андешаи коршиносон, соҳаи нақлиёт дар рушди саноати сайёҳӣ таъсири назаррас дорад. Онҳо иброз медоранд, ки сайёҳӣ пурра аз нақлиёт, бехатарии он, суръат ва роҳати ба сайёҳ дар давраи саёҳати вай пешниҳодшаванда вобаста мебошад. Мушоҳидаҳо нишон медиҳанд, ки ҳамаи ин омилҳо имрӯзҳо дар соҳаи нақлиёти кишвар дида мешаванд. Пас бо итминон метавон гуфт, ки дар ояндаи наздик сайёҳӣ дар Тоҷикистон ба сатҳи сифатан нав ворид мешавад.
Шаҳноз ҚУРБОН,
Қурбон АҲМАДЗОД,
«Ҷумҳурият»


Баёни ақида (0)    Санаи нашр: 05.04.2018    №: 68    Мутолиа карданд: 568

18.09.2019


Харбузаҳои 25 - килограмма

Суиқасд ба ҷони Президенти Афғонистон Ашраф Ғанӣ

Дар Душанбе ба ифтитоҳи масҷиди калонтарин дар Осиёи Марказӣ омодагӣ мебинанд

Вохӯрии нахустини Путин ва Зеленский мумкин аст моҳи октябр баргузор шавад

Медведев давраи нави муносиботи Москва ва Пекинро эълом дошт

Низомиёни Ироқ ба марҳилаи нави мубориза алайҳи «Давлати исломӣ» шурӯъ карданд

17.09.2019


“ДУШАНБЕ – ҚАЛБИ ТОҶИКИСТОН”. САЗОВОРИ ҶОЙИ АВВАЛ

16.09.2019


Мулоқоти Маҳмадсаид Убайдуллоев бо Муҳаммадтақии Собирӣ

Ҳамкориҳо бо Созмони ҷаҳонии гумрук густариш меёбанд

Дар шаҳри Хоруғ маркази нави хизматрасонии ширкати Тсеll кушода шуд

ЧЕМПИОНАТИ ҶАҲОН

ҚАЛЪАИ ҲУЛБУК. Бозёфти таърихии мансуб ба асрҳои IX – X

Ҷаҳон дар як сатр

Тоҷикистону Британия Палатаи савдо таъсис доданд

Сарвазири Шӯрои давлатии Чин Россияро барои кишвараш шарики калидӣ хонд

Пристайко: «Дар муносиботи Киев ва Москва «ях об мешавад»

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ


Дар сомонаҳои дигари Тоҷикистон хонед