logo

фарҳанг

ДАР МОВАРОИ ҲУНАР

Файзулло  Неъматов,  хонандаи синфи 11 – и муассисаи таҳсилоти миёнаи умумии  №2 – и ноҳияи Муъминобод, бо беш аз шаст намуди ашё ва сабадҳои бофтааш маъруф  ва, ба қавле, ангуштнамои мардуми атроф  гаштааст.
Ӯ бо маҳсули дастиаш дар чандин чорабинӣ  ва намоишҳои ҳунарҳои мардумӣ дар ноҳия ва пойтахти кишварамон иштирок карда, сазовори баҳои баланд гардидааст. Аз ҷумла, дар арафаи Наврӯзи хуҷастапай  дар чорабинии Вазорати корҳои дохилии кишвар  бахшида ба Соли рушди сайёҳӣ ва ҳунарҳои мардумӣ, намоиши ҳунарҳои мардумӣ дар ноҳияи Мир Сайид Алии Ҳамадонӣ бо маҳсули ҳунари худ иштирок ва мавриди таваҷҷуҳу ситоиш қарор гирифтааст.
Воқеан, тахайюлоти ин ҳунарманди наврас хеле бою рангин аст. Дар як гӯшаи  меҳмонхона сабадҳои гуногун ва ашёҳои бофтааш ба шакли мизу курсӣ, табақу кӯзаҳои гуногунғунҷоиш барои меваю ҳар гуна шириниҳо, кафшу кулоҳ ба намоиш гузошта шудааст. Хусусан товуси бофтааш таваҷҷуҳи ҳар бинандаро ба худ ҷалб мекунад.
- Ман чор сол пеш ба сабади қадима зеҳн монда тарзи бофтанро омӯхтам. Дар оғоз бофтан ба назарам хеле мушкил буд. Вале шавқу завқам  рӯз то рӯз меафзуд. Минбаъд сабадҳои  бофтаам ба падару модарам, ҳамсояҳо ва омӯзгоронам маъқул шуданд, ки ба онҳо туҳфа кардам. Сабадҳоро асосан аз навдаҳои шулашу зардбед мебофам. Аз ҷониби Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон  эълон гардидани  соли 2018 – Соли рушди сайёҳӣ ва ҳунарҳои мардумӣ маро рӯҳбаланд сохт ва бароям  нерую илҳоми тоза бахшид, - мегӯяд Файзулло  Неъматов.
Падару модари навраси ҳунарманд Неъмат  ва Гулнигор зимни суҳбат иброз доштанд, ки аз рӯзҳои аввали ба ҳунар шуғл варзидани Файзулло ӯро ҳамаҷониба дастгирӣ  карданд. Онҳо хеле хурсанданд, ки маҳсули дасти фарзандашон то ба пойтахти кишвар ба маърази тамошо гузошта шудааст.
Шодиҷон  Махкамов, директори муассисаи таҳсилоти миёнаи умумии  №2 – и ноҳияи Муъминобод, ба он бовар аст, ки имсол ташрифи сайёҳони дохиливу хориҷӣ  ба кишвар, аз ҷумла  ба ноҳияи Муъминобод меафзояд.   Бинобар ин, дар мактаб гӯшаи ҳунарҳои мардумӣ ташкил карда шудааст, ки хонандагон маҳсули дасти худро ба маърази тамошо гузоштаанд. Дар он сабаду ашёҳои бофтаи Файзулло  Неъматов  хеле ҷолибанд. Назар ба гуфтаи ӯ Файзулло бо баҳои хубу аъло мехонаду орзуи табиб шуданро дорад. Дар баробари ин, майли беандозаи ӯ ба ҳунарҳои дастиву мардумӣ моро бовар мекунонад, ки ҳаргиз шуғли  дӯстдоштаашро тарк нахоҳад кард. Мо ба ин навраси ҳунарманд комёбӣ ва муваффақият хоҳонем.
Мунаввари САФАР,  «Ҷумҳурият»


Баёни ақида (0)    Санаи нашр: 09.04.2018    №: 70    Мутолиа карданд: 348

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед