logo

сиёсат

ТОҶИКИСТОН ВА ҚАЗОҚИСТОН. САҲИФАИ НАВ ДАР ТАҲКИМИ МУНОСИБОТИ ДӮСТОНА

Шаҳрвандони Ҷумҳурии Тоҷикистон ва Ҷумҳурии Қазоқистон минбаъд имкон доранд, ки ҳангоми ворид гардидан ба қаламрави давлатҳои якдигар аз сабти ном дар маҳали иқомат то 30 рӯз озод бошанд. Дар ҳамин ҳол, муҳлати будубоши онҳо аз рӯзи убури сарҳади давлатӣ то 90 рӯзи тақвимӣ муайян шудааст. Заминаи меъёрии ҳуқуқии ин муқарраротро имзои Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Қазоқистон оид ба тартиби будубоши шаҳрвандони Ҷумҳурии Тоҷикистон дар ҳудуди Ҷумҳурии Қазоқистон ва шаҳрвандони Ҷумҳурии Қазоқистон дар ҳудуди Ҷумҳурии Тоҷикистон фароҳам намуд.
Ин ҳуҷҷати муҳим, дар баробари дигар санадҳои ҳамкорӣ байни ду кишвари ба ҳам дӯст, зимни сафари расмии Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Қазоқистон дар таърихи 14 - 15 марти соли ҷорӣ ба тасвиб расид. Татбиқи ин санад дар рушди муносибатҳои дуҷонибаи Тоҷикистону Қазоқистон, бахусус дар бахши танзими муҳоҷират, таъмини ҷойи кор, гардишгариву тиҷорати шаҳрвандони ҳар ду кишвар дорои аҳамияти вижа арзёбӣ мешавад.
Нурулло Маҳмадуллозода, муовини вазири меҳнат, муҳоҷират ва шуғли аҳолии Ҷумҳурии Тоҷикистон, вобаста ба ҷузъиёти ин созишнома дар суҳбат бо хабарнигори «Ҷумҳурият» изҳор дошт, ки масоили меҳварии онро шароити будубош, танзими муҳоҷирати меҳнатӣ ва ҳифзи ҳуқуқу манфиатҳои шаҳрвандони тарафҳо ташкил медиҳад. Имзои созишномаи мавриди назар ва дигар санадҳои муҳими ҳамкорӣ, ки дар ҳузури сарони ду давлат, зимни сафари расмии Асосгузори сулҳу ваҳдати миллӣ -Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шаҳри Остона сурат гирифтанд, муносиботи ҳасанаи Тоҷикистону Қазоқистонро вусъати нав мебахшанд.
Ба бовари Нурулло Маҳмадуллозода, дар ҳоле ки Тоҷикистон дорои захираи неруи кор ва талабот дар бозори меҳнати Қазоқистон ба коргарону мутахассисон, аз ҷумла шаҳрвандони Тоҷикистон зиёд аст, имкон дорад, бар пояи муқаррароти созишнома ҳамкориҳоро дар бахши муҳоҷират бо ин кишвари ба мо дӯст тавсеа бахшад.
- Қазоқистон аз ҷумлаи кишварҳоест, ки шаҳрвандони мо дар ин давлат аз шароити хуби кору вазъи ҳуқуқӣ бархӯрдоранд. Мутобиқи маълумоти рафтуомади шаҳрвандон тавассути гузаргоҳҳои сарҳади давлатии Ҷумҳурии Тоҷикистон дар соли 2017 - ум 12 ҳазору 336 нафар шаҳрванди кишварамон ба Ҷумҳурии  Қазоқистон ба муҳоҷирати меҳнатӣ сафар намуданд, ки онҳо дар соҳаи сохтмон, кишоварзӣ ва тиҷорат шуғл меварзанд. Дар ҳамин ҳол, теъдоди зиёди шаҳрвандони Ҷумҳурии Қазоқистон низ ҳамасола тибқи квота дар Тоҷикистон ба кор ҷалб гардида, дар бахшҳои гуногун фаъолият менамоянд. Дар гузашта бинобар маҳдуд будани муҳлати будубош барои ҳар ду ҷониб мушкилоти гуногун ба миён меомад. Ҳамакнун муқаррароти созишнома барои расмикунонии  будубоши шаҳрвандони тарафҳо шароити мусоид фароҳам меорад. Зеро қаблан муҳлати бақайдгузорӣ барои муҳоҷирон, аз ҷумла шаҳрвандони кишвари мо дар Қазоқистон 5 рӯз ва муҳлати умумии будубош бошад, 1 моҳ  муқаррар гардида буд. Дар ин муҳлати кӯтоҳ аксари шаҳрвандон, бинобар надонистани қонунгузорӣ ё рост омадани сафарашон ба рӯзҳои истироҳатӣ ва дигар монеаҳои объективию субъективӣ имкони бақайдгузорӣ дар ҷои иқоматро надоштанд. Ҳамин омил боиси ҳуқуқвайронкуниҳои маъмурӣ ва дар ниҳоят ихроҷи шаҳрвандон мегардид. Ҳоло мавриди амал қарор гирифтани санади мазкур мушкилоти зикршударо аз байн хоҳад бурд. Яъне минбаъд шаҳрвандони мо дар муҳлати 30 рӯзи муайяншуда аз бақайдгирӣ озод буда, дар сурати будубоши онҳо зиёда аз ин муҳлат дар маҳали иқоматашон ба қайд гирифта мешаванд, ки 90 рӯзро ташкил медиҳад. Дар сурати машғул шудан ба фаъолияти меҳнатӣ бошад, метавонанд дар ин давлат бо гирифтани иҷозати кор муҳлати будубошашонро то ба 1 сол тамдид намоянд, - гуфт Нурулло Маҳмадуллозода.
Ҳамчунин, тибқи созишнома  мақомоти ваколатдори тарафҳо ҳуқуқ пайдо менамоянд, ки мубодилаи иттилоотро доир ба масъалаҳои муҳоҷират, бахусус   оид ба теъдоди шаҳрвандоне, ки муваққатан дар ҳудуди давлатҳои якдигар будубош ва фаъолияти меҳнатӣ  доранд, ба роҳ монанд.  Мубодилаи иттилои мазкур ба фаъолияти самараноки мақомоти ваколатдор ҷиҳати танзими равандҳои муҳоҷират ва ҳифзи ҳуқуқу манфиатҳои шаҳрвандон мусоидат мекунад.
Қобили зикр аст, ки дар ҷараёни сафари Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Ҷумҳурии Қазоқистон, ҳамчунин, Ёддошти тафоҳум байни Вазорати меҳнат, муҳоҷират ва шуғли аҳолии Ҷумҳурии Тоҷикистон ва Вазорати меҳнат ва ҳифзи иҷтимоии аҳолии Ҷумҳурии Қазоқистон оид ба нияти ҳамкорӣ дар соҳаи меҳнат ва шуғли аҳолӣ ба имзо расид, ки ба ҳамкориҳо дар ин бахш боз ҳам такон мебахшад. Ба гуфтаи муовини вазири меҳнат, муҳоҷират ва шуғли аҳолии ҷумҳурӣ, ин санад аз он ҷиҳат муҳим аст, ки ба мақомоти ваколатдори тарафҳо имкон медиҳад, ҷиҳати татбиқи таҷрибаи пешрафта дар самти меҳнат ва шуғли аҳолӣ, лоиҳаҳои муштараки соҳавӣ ва мубодилаи маълумот оид ба талаботи бозори меҳнати якдигар даст ёбанд.
Айни ҳол тоҷикони муқимиро дар Қазоқистон 8 диаспора - марказҳои фарҳангӣ ва созмонҳои ҷамъиятӣ ба ҳам муттаҳид месозад. Диаспораҳои тоҷикон дар Ҷумҳурии Қазоқистон созмонҳои ҷамъиятӣ буда, дар корҳои ҷамъиятию сиёсӣ иштироки фаъол доранд. Фаъолияти диаспораҳо бо сафорат ва консулгариҳои Тоҷикистон дар Қазоқистон ҳамоҳанг шуда, ҳамзамон, дар таъмини муҳоҷирон бо ҷойи кор ва ҳали мушкилоти пешомада саҳми назаррас доранд.
- Таҷриба нишон медиҳад, ки фаъолияти диаспораҳои тоҷикон дар Қазоқистон ва ҳамчунин, дигар давлатҳои хориҷӣ ба муаррифии забону фарҳанг ва баланд бардоштани ҳувияти миллӣ нигаронда шудааст. Мо ҳар сол дар шаҳри Душанбе бо иштироки ҳамаи диаспораҳо форуму конфронсҳо доир намуда, намояндагони онҳоро дар таҳияи механизми танзими муҳоҷират ҷалб менамоем. Кор тавре ба роҳ монда шудааст, ки ҷамъиятҳои тоҷикони бурунмарзӣ бо ватани аҷдодии худ ҳамеша дар робита бошанд, - изҳор дошт Нурулло Маҳмадуллозода.
Фирӯзи РАҲМОНИЁН, «Ҷумҳурият»


Баёни ақида (0)    Санаи нашр: 09.04.2018    №: 70    Мутолиа карданд: 483
04.06.2020


ОБОДКОРИҲОИ БЕҚИЁС ДАР ТОҶИКОБОД

ЁРИИ ХАЙРИЯВӢ БАҲРИ ПЕШГИРИИ КОРОНАВИРУС

ФУТБОЛ. ҶАЛИЛОВҲО МЕХОҲАНД ҲАМЕША ДАР САФИ ПЕШ БОШАНД

КОРОНАВИРУС ДАР ИТАЛИЯ: БЕШ АЗ ЯК МОҲ ИНҶОНИБ СИРОЯТЁБӢ КАМ МЕШАВАД

ДАР КРЕМЛ БА ХОҲИШИ БО РОССИЯ СОЗИШНОМАИ ЯДРОӢ БАСТАНИ ТРАМП БАҲО ДОДАНД

ТРАМП ҶОНИБДОРИ ҲУЗУРИ ПУТИН ДАР G7

ҶАҲОН ДАР ЯК САТР

02.06.2020


ХАБАРИ ФАВРӢ. БОЗ БЕШ АЗ 200 БЕМОР АЗ КОРОНАВИРУС ШИФО ЁФТ

МУБОРИЗА БО COVID-19. КОРМАНДОНИ АНМН БА СУРАТҲИСОБИ МАХСУС 50 000 ГУЗАРОНДАНД

ХУҶАНД. ТАШХИСГОҲИ НАВИ ВИРУСОЛОГӢ БУНЁД ГАРДИД

ХАТЛОН. СОҲИБКОРОН ТАДБИРҲОИ МУҲИМРО ТАТБИҚ МЕСОЗАНД

ВАРЗОБ. 112 ИНШООТИ ҶАШНӢ МАВРИДИ ИСТИФОДА ҚАРОР ГИРИФТ

КФО АВВАЛИН ОНЛАЙН-КОНФРОНСРО ДОИР МЕКУНАД

ДОРУИ ЗИДДИ COVID-19 ДАР БЕМОРХОНАҲОИ РОССИЯ 11 ИЮН ПАЙДО МЕШАВАД

ҶАҲОН ДАР ЯК САТР

01.06.2020


ХУШХАБАР. ДАР ТОҶИКИСТОН БЕШ АЗ 2000 СИРОЯТЁФТА ШИФО ЁФТ

РОҶЕР ФЕДЕРЕР. ГАРОНАРЗИШТАРИН ВАРЗИШГАРИ САЙЁРА

29.05.2020


ТОҶИКИСТОН. АЗ COVID - 19 БОЗ 423 НАФАРИ ДИГАР ШИФО ЁФТ

28.05.2020


ТОҶИКИСТОН. БОЗ 385 НАФАР АЗ КОРОНАВИРУС ШИФО ЁФТ

ВМКБ. ҲАМОВОЗӢ БА ИҚДОМИ НЕКИ ПЕШВОИ МУАЗЗАМИ МИЛЛАТ

ХИЗМАТИ ҲАРБӢ. НАҚШАИ ДАЪВАТ ПЕШ АЗ МУҲЛАТ ИҶРО ШУД

ВАРЗОБ. ҶОЙҲОИ КОРӢ БЕШТАР МЕГАРДАНД

БУНДЕСЛИГА. РАҚОБАТИ "БАВАРИЯ" БО "БОРУССИЯ" БАРОИ ПОЙГАИ ҚАҲРАМОНӢ

ШАҲРВАНДОНИ ТОҶИКИСТОН БО ПАРВОЗИ МАХСУС АЗ ДЕҲЛӢ ВА ДУБАЙ БА ВАТАН БАРМЕГАРДАНД

ҶАҲОН ДАР ЯК САТР

27.05.2020


436 НАФАРИ ДИГАР АЗ БЕМОРИИ COVID – 19 ШИФО ЁФТ

ҶАЛАСАИ ШӮРОИ ВАЗИРОНИ КОРҲОИ ХОРИҶИИ СААД

ТАҚВИЯТИ ҲАМКОРИҲОИ ТОҶИКИСТОНУ ӮЗБЕКИСТОН ДАР МУБОРИЗА АЛАЙҲИ COVID – 19

ДАР РӮИ ҒИЗО ЗАРРАҲОИ COVID-19 НЕСТ!

НОҲИЯИ САНГВОР. МУБОРИЗА АЛАЙҲИ COVID-19 БО УСУЛИ “ХОНА БА ХОНА”

ТАШВИҚОТИ ҲИЗБИ ПЕШОҲАНГ ДАР ПАРТАВИ ҲИДОЯТИ ПЕШВОИ МИЛЛАТ

ЛИГАИ ЧЕМПИОНҲО. МУАЛЛИФИ БЕҲТАРИН ГОЛ БЕҲТАРИН МУРАББӢ ШИНОХТА ШУД

ГАРМО МЕТАВОНАД СИРОЯТИ COVID-19-РО ДАР ӮЗБЕКИСТОН КОҲИШ ДИҲАД

ҶАҲОН ДАР ЯК САТР

26.05.2020


ТОҶИКИСТОН. АЗ БЕМОРИИ COVID – 19 1395 НАФАР ШИФО ЁФТ


Дар сомонаҳои дигари Тоҷикистон хонед