logo

фарҳанг

ТАБАҚ – БЕҲТАРИН АРМУҒОН

Валӣ Исматов, сокини Ҷамоати деҳоти Сангтӯдаи ноҳияи Данғара, аз зумраи устоҳои чирадастест, ки аз 9 – солагӣ ба сохтани ашёи рӯзгор, аз қабили табақ, қошуқ, дару тиреза, сандуқ, мизу курсӣ, гаҳвора, ҷевон, корд ва асбобҳои мусиқӣ машғул аст. Аввалин чизи сохтааш табақчаи хурд ва қошуқ буд. Ӯ интизор надошт, ки табақтарош мешаваду навҳои гуногуни онро меофарад. Пас аз талошҳои пайваста нозукиҳои ҳунарро аз бобояш омӯхт ва чун ҳунарманди ҷавон шуҳрат пайдо кард. Ин касб барои онҳо меросист. Вай шод аз он аст, ки фарзандону наздиконаш дар ин ҷода ёвараш гардидаанд.
- Табақтарошӣ дар Тоҷикистон ҳунари маъмул буда, дар ҳар минтақа онро ба таври гуногун омода месозанд. Нахуст чӯбро интихоб карда, дар дастгоҳҳои махсус ё бо олоти чӯбтарошӣ метарошанд. Барои тарошидани табақ бештар чӯби дарахтони чормағз, тӯт, зардолу, бед, чанор ва ғайраро истифода мекунанд, - мегӯяд В. Исматов. - Ҳоло коргоҳҳои махсус табақҳои сафолӣ, чинӣ, фулузин истеҳсол мекунанд. Онро бо нақшҳои каҷак, гули бодом, товус, чашми булбул зеб дода, ба рӯяш сир медавонанд. Аммо табақи чӯбин танҳо бо заҳмати дасти инсони ҳунарманд пайдо мегардад.
Дар аввал омӯхтани дилхоҳ ҳунар душвориҳо дорад, ки инро ҳамсуҳбати мо усто Валӣ низ таъкид дошт. Вале ба гуфтаи ӯ то кадом андоза ва дар кадом муддат аз бар намудани пешаи мавриди назар танҳо ба худи шахс вобаста аст. Ҳар ҳунарманд бояд дар ҳифзи ин пеша худро масъул донад, то ҳунарҳои мардумӣ аз вартаи нестшавӣ эмин монанд.
Кӯшишҳои пайвастаи Валӣ Исматов буд, ки ӯ дар озмуну намоишгоҳҳои ноҳиявию вилоятӣ ва ҷумҳуриявӣ бо маҳсули дастони хеш ширкат варзида, баҳои сазовор гирифтааст. Инчунин, дар чунин намоишҳо маҳсули дасти ӯ таваҷҷуҳи сайёҳонро низ ҷалб намудааст.
- Маҳсули дастони маро сайёҳҳони хориҷӣ аз Русия, Қирғизистон, Туркманистон, Ӯзбекистон, Арабистони Саудӣ ва дигар кишварҳо ҳамчун ҳадя бурдаанд. Биноан, ҳунармандонро зарур аст, ки бо истифода аз дастгириву ғамхориҳои пайвастаи Асосгузори сулҳу ваҳдати миллӣ – Пешвои миллат, Президенти кишвар муҳтарам Эмомалӣ Раҳмон сифати маҳсулоти худро беҳтар карда, ҳамзамон дар андешаи эҷоди армуғонҳои наву ҷолиби дигар бошанд,- бо хушнудӣ мегӯяд Валӣ.
Дар оянда, ният дорад, коргоҳашро васеъ карда, дар заминаи он омӯзиши кулолгариро низ ба роҳ монад.
Лоиқи зикр аст, ки Соли рушди сайёҳӣ ва ҳунарҳои мардумӣ эълон гардидани соли 2018 ва аз пардохти ҳамаи намудҳои андоз озод шудани истеҳсолу фурӯши чунин мавод дар рушди минбаъдаи онҳо ва ҳифзу омӯзиши ҳамаҷонибаашон такони ҷиддӣ мебахшад.
Кароматулло РАҲМАТОВ,
«Ҷумҳурият»


Баёни ақида (0)    Санаи нашр: 11.04.2018    №: 72    Мутолиа карданд: 468

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед