logo

иҷтимоиёт

ОИЛА - ОШЁНИ БАХТУ САОДАТ

Оила ҷузъи асосии ҷомеа маҳсуб меёбад ва рисолату вазифаи  басо  вусъатманду  масъулиятбореро  ба  дӯш  дорад.  Мутафаккири  варзида  Ф. Раневская  дар  тавсифи  оила  чунин  овардааст:  «Оила ҳама  чизро  иваз  мекунад.  Аз  ин  рӯ,  пеш  аз  ташкили  оила  андеша  бояд  кард,  ки  чӣ  барои  ту  муҳимтар  аст: оила  ё ҳама  чиз?! ».  Дар  ин  тавсиф  мақом  ва  мартабаи  оила  хеле  муъҷаз ва  муассир  ифода  ёфтааст.
Оила  иттиҳоди  поку  муқаддас  аст  ва  бояд  орӣ  аз  ҳама  гуна  кинаю  нифоқ   ва  ғаразу  хиёнат  бошад.  Ташкили  оила,  ҳамчунин ,  бояд  дар  асоси  маслиҳату  машварати  волидону  пайвандон,  аз  рӯи  анъанаҳои  миллӣ  ва  камхарҷу  бонизом  сурат  бигирад.  Зану  шавҳари ҷавон  бояд қаблан  дар  бораи  моҳияти  оилаву  оиладорӣ,  ҳадафҳои  зиндагии якҷоя  ва  аҳмияти  фарзанду парвариши  он  маълумоти  саҳеҳ  ва  комил  дошта  бошанд.  Оиладорӣ  ва  масъулиятҳои  он  ҷавононро  ҳушёру  бедор  месозад   ва  ба  онҳо  мунтазам  асли  моҳияти  ҳастӣ  ва  омилҳои  асосии    одаму  одамгариро  таъкид  мекунад,  ҳушдор  медиҳад.  Як  василаи  муҳими  эътибори  ҳамешагӣ  ба  тозагии  ботину  зоҳир  ва  риояи  ҳатмии  қоидаҳои   ҳамида  маҳз  оиладорист.  Он  агар  дар  заминаи  меҳру  муҳаббат  ва  ризоияти  тарафайн  сурат  гирифта  бошад,  дар  ҳаёти  ҷавонон  таҳаввулот ба  миён  меоварад. 
Меҳру  муҳаббат хиштҳои  тиллоии  кохи  оила  маҳсуб  меёбанд  ва  аз  харобшавӣ,  аз  фано  эминанду  ба  ҳама  гуна  тӯфони  ҳаводис  тобовар.
Бояд  гуфт, ки  халқи  тоҷик  дар  ташкили  оила  анъана, расму  оин,  шарту  шароит  ва  омилҳои  дигарро, ки  то  ҷое  ифодагари  чеҳраи  маънавию  фарҳангии  халқанд,  риоя  ва  пайгирӣ  менамояд. Дар  масъалаи   ташкили  оила  ин  ҳама  «тарафҳо» ( - падар,  модар, фарзанд  аҳли  хонавода)  ба  ҳам  оварда  шаванд  ва  кор  дар  заминаи  маслиҳату  машварат,  эҳтироми  тарафҳо  сурат  бигирад,  зеро:
Дар ҳама кор машварат бояд,
Кори бемашварат наку н - ояд.
Афсӯс,  ки  гоҳе  ҷавонон  ба  зоҳири  маҳбуба  мафтун  гашта,  саросемавор  оила  ташкил  мекунанд  ва   чун   бо  даргузашти  фурсате  асли  муносибаташон  ошкор  мешаваду  ҳамдигарро  хуб  мешиносанд,  дигар дер  мешавад,  ҳаёташон  доғдор  мегардад  ва  ғолибан,  ин  гуна  муносибат  бо  хонавайроншавӣ  поён  меёбад.   Вайроншавии  ҳар  як  оила  дар  баробари  зиёни  зиёд  ба  ҷавонони  навхонадор, ба  давлат,  ба   ҷомеа  низ  зараровар  аст.   Он  бояд  бо  азму  иродаи  нек,  омодагии  ҷиддии  моддиву  маънавӣ,  маслиҳату   машварати  комил  ва  бо  орзуву  ниятҳои  ҳасана   таъсис  дода   шавад.   Оила   бояд  ошёни   бахту   саодат,  манбаи   меҳру   муҳаббат,   сарчашмаи  одоби  ҳамида   ва  мӯҷиби  фараҳмандию   хушҳолӣ  бошад.  Ҳукумати  Тоҷикистон   баҳри  устувории  оилаҳо  ва  саодатмандии  онҳо  ҳама  гуна  шароитро  фароҳам  овардааст  ва  дар  ин  самт  асноди  зиёде  ба  тасвиб  расидаанд. Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ  Раҳмон  ба  масоили  устуворӣ  ва  хушбахтии  оилаҳои  кишвар  ва  масъулиятшиносии  онҳо  таваҷҷуҳи  ҳамешагӣ  доранд  ва  дар  ин  боб  ба  нақши  падару  модар  баҳои  баланд  медиҳанд:  «Усулан  ақлу  идрок,  ҷаҳонбинӣ  ва  фазилати  маънавии  падару  модар  аввалин  сарчашмаест,  ки  дар  зеҳну  шуури  кӯдак  нақши  ҳамешагӣ  пайдо  мекунад  ва  нуфузи  он  дар  зиндагии  инсон  як  умр  боқӣ  мемонад».  Ҳамин  тавр,  оила  асоси  ҷомеа, таъмингари  ҳамбастагии  имрӯзу  фардои  он,  масъули  тарбияи  шоистаи  насли  наврас  ва  сарчашмаи  саодатмандии  инсонҳост.  Падару  модар  меҳвари  оилаанд. 
Ҳасанҷон ШОМУРОДЗОДА, профессор


Баёни ақида (0)    Санаи нашр: 12.04.2018    №: 73    Мутолиа карданд: 512

24.02.2020


ГАРДИШИ МОЛ. ТАНОСУБИ СОДИРОТ НАЗАР БА ВОРИДОТ АФЗУД

РОҒУН. АФВШУДАГОН БО ҶОЙИ КОР ТАЪМИН МЕГАРДАНД

ГӮШТӢ. 4 МЕДАЛ АЗ ЧЕМПИОНАТИ ОСИЁ, АММО БЕ ТИЛЛО

ОЛИМОНИ БЕЛАРУС ДАР ШАҲРИ ХУҶАНД АРЧА МЕШИНОНАНД

ИМА ДАР АФҒОНИСТОН АМАЛИЁТИ ҲУҶУМРО ҚАТЪ СОХТ

МУШОВИРИ ТРАМП ОВОЗАҲОРО ОИД БА ОҒОЗЁБИИ «ДАХОЛАТИ РОССИЯ» БА ИНТИХОБОТ БЕБУНЁД ХОНД

ГОНЧАРУК: «УКРАИНАРО СОЗИШНОМА БО РОССИЯ АЗ БОЛОРАВИИ НАРХИ ГАЗ НАҶОТ ДОД»

ҶАҲОН ДАР ЯК САТР

БОКС. РАҚОБАТИ АНВАР ЮНУСОВ БАРОИ КАМАРБАНДИ WBA–NABA

МЕРКЕЛ ВА МАКРОН БА ПУТИН ХАБАР ДОДАНД, КИ БА ВОХӮРИИ ЯКҶОЯ БО ЭРДУҒОН ТАЙЁРАНД

ЧИН БА САММИТИ G20 ДАР АРАБИСТОНИ САУДӢ НАМЕРАВАД

ДАР БЕРЛИН ДУЗДОНИ ТАНГАИ ТИЛЛОИИ 100 - КИЛОИРО СУД НАМУДАНД

ҶАҲОН ДАР ЯК САТР

20.02.2020


РУШДИ УСТУВОРИ ШАҲРСОЗӢ. ДАР ДУШАНБЕ ДОИР БА ИН МАВЗӮЪ СЕМИНАРИ БАЙНАЛМИЛАЛӢ ДОИР ГАРДИД

ҶАМЪБАСТИ ДАВРИ ШАҲРИИ ОЗМУНИ "ДАСТАРХОНОРОӢ"

ДУШАНБЕ. ОМОДАГИҲО БА ҶАШНИ НАВРӮЗИ БАЙНАЛМИЛАЛӢ

НОҲИЯИ ДЕВАШТИЧ. МУЛОҚОТИ ИНТИХОБКУНАНДАГОН БО ГУРӮҲИ КОРИИ КМИ ҲХДТ

РАШТ. ҲАМОИШИ СОБИҚАДОРОНИ ҶАНГУ МЕҲНАТ

ГӮШТӢ. МЕДАЛИ БИРИНҶИИ ПАҲЛАВОНИ ТОҶИК АЗ ЧЕМПИОНАТИ ОСИЁ

ДАР ӮЗБЕКИСТОН ҲАМА АГЕНТИИ ХУСУСИИ ШУҒЛРО МЕБАНДАНД

ҚАЗОҚИСТОН: 90 ПАРВАНДАИ ҶИНОЯТӢ БАЪДИ БЕТАРТИБИҲО ДАР ҶАНУБИ КИШВАР

ДАР УХАН БОЗ 12 БЕМОРХОНАИ МУВАҚҚАТӢ БАРОИ БЕМОРОНИ COVID-19 КУШОДАНД

ПЙЕР ВИМОН: «ТАҲРИМОТИ ЗИДДИРУСӢ БАР ЗАРАРИ ХУДИ АВРУПО ШУДАНД»

ҶАҲОН ДАР ЯК САТР

БАРГУЗОРИИ ҶАЛАСАИ КОМИССИЯ ОИД БА ОМОДАГӢ БА МАВСИМИ «ҲАҶ-2020»

КОДЕКСИ ОБ ИСТИФОДА ВА ҲИФЗИ ЗАХИРАҲОИ ОБИРО БА ТАНЗИМ МЕДАРОРАД

МАСОИЛИ ГУСТАРИШИ РОБИТАҲОИ ФАРҲАНГӢ МАТРАҲ ШУДАНД

КОНФРОНС БАХШИДА БА РӮЗИ БАЙНАЛМИЛАЛИИ ЗАБОНИ МОДАРӢ

ЛИЖАРОНӢ. ҒОЛИБОН МУАЙЯН ШУДАНД

ДАР ӮЗБЕКИСТОН ДОДАНИ ЛИТСЕНЗИЯРО ТАҶДИДИ НАЗАР МЕКУНАНД

ҚАЗОҚИСТОН. 13 ФУРУДГОҲИ МАСИРИ ҲАВОИИ МАҲАЛЛӢ МЕСОЗАД

САРВАРИ ФЕЪЛИИ АФҒОНИСТОН АШРАФ ҒАНӢ БОЗ ПРЕЗИДЕНТ ИНТИХОБ ШУД

ТИҶОРАТ БАЙНИ ТОҶИКИСТОНУ ЧИН МОҲИ ЯНВАР ДУ БАРОБАР БОЛО РАФТ

ҶАҲОН ДАР ЯК САТР


Дар сомонаҳои дигари Тоҷикистон хонед