logo

иҷтимоиёт

ЛАХШ ЯК СОЛИ ОБОДКОРИҲО

Самараи сиёсати хирадмандонаи  Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон дар навоҳии дурдасттарини ҷумҳурӣ, аз ҷумла Лахш, баръало мушоҳида мегардад. Дар ноҳия ҷиҳати некуаҳволии мардум, таъмини шароит ва имконоти мусоид барои рӯзгори гуворо як қатор иншооти муҳими хоҷагии халқ мавриди истифода қарор гирифт. Сатҳи зиндагии мардум рӯз аз рӯз беҳтар мешавад.

Тибқи иттилои роҳбари дастгоҳи раиси ноҳия Хуршед Икромов, соли гузашта бо қарори раиси ноҳия Баротзода Файзулло Раҷаб барои сохтмони иншооти гуногун,  аз ҷумла биноҳои  мағоза, тарабхона, муассисаи таҳсилоти миёнаи умумӣ, нуқтаи таъмири автомобилҳо, бозор, корхонаҳои коркарди чӯбу тахта, истеҳсоли хишт, кафшергарӣ, тунукабарорӣ, мағозаи масолеҳи сохтмонӣ ва таваққуфгоҳи автомобилҳо 7,73 гектар замин ҷудо гардид. Як қисми ин иншоот алҳол дар хидмати мардум қарор доранд.
Қабати дуюми шоҳроҳи байналмилалии Сайрон – Қаромик  ба масофаи 89 километр бо  маблағгузории Ҳукумати Ҷумҳурии Тоҷикистон ва  Бонки осиёии рушд  бо маблағи беш аз 21, 5 миллион сомонӣ мумфарш гардида, корҳои сохтмонӣ идома меёбанд.
Соли 2017 дар ҳудуди ноҳия 45 лавҳаи таблиғотӣ дар канори шоҳроҳ ҷойгир карда шуд, ки маблағи иҷрои ин амал 90 ҳазор сомониро ташкил менамояд. Ҳамчунин, қад-қади шоҳроҳи Сайрон - Қарамиқ 410 чароғи бесим насб гардид, ки тавассути батареяҳои офтобӣ дар маҳалҳои аҳолинишин  рӯшноиро таъмин месозанд.
Бинои нозироти андози ноҳия бо маблағгузории Кумитаи андози назди Ҳукумати Ҷумҳурии Тоҷикистон ба маблағи 2 миллиону 672 ҳазор сомонӣ сохта ба истифода дода шуд.
Сохтмони бинои сехи кафшергарӣ дар назди литсейи касбию техникии ноҳия дар ҳаҷми 90  ҳазор сомонӣ  ба итмом расонда, ҷиҳати таъмини ин коргоҳ ба маблағи  48 ҳазор сомонӣ таҷҳизот васлу насб шудааст.
Аз ҳисоби мақомоти иҷроияи маҳаллии ҳокимияти давлатии ноҳия барои сохтмони бинои сеошёнаи  муассисаи таҳсилоти миёнаи умумии № 9, воқеъ дар деҳаи Ҷиргатол 564,5  ҳазор  сомонӣ маблағгузорӣ шуд. Корҳои сохтмонӣ бомаром идома доранд.
Ҷиҳати таъмини солимии ҷомеа бинои маркази бемориҳои сил сохта ба истифода дода шуд, инчунин, бинои маркази саломатии Ҷамоати деҳоти Лахш ба маблағи  132 ҳазор сомонӣ таъмир гардид.
Баҳри таъмини саривақтии аҳолӣ бо об ва ба гардиши кишоварзӣ дохил намудани заминҳои бекорхобида ва аз ин ҳисоб зиёд намудани майдони кишти картошка канали Ҷонқирғиз - Қашқатерак, ки ба масофаи 13 километр тӯл мекашад, тоза шуда, корҳои барқарорсозии канали Пиёзӣ идома дорад.
Сохтмони хатҳои оби полизии  деҳаи Ҷолборсӣ  ба масофаи 1 км, оби нӯшокии деҳаҳои Пилдони Боло ба масофаи 5 км, Қушай ба масофаи 1,8 км, Оқсойи Боло ва Оқсойи Поён  ба масофаи 9,5 км ва деҳаи навбунёди  Шилбилӣ ба масофаи 4,8 км ба анҷом расонда, мардуми ин деҳаҳо бо об таъмин гардиданд. Бо ташаббуси мақомоти иҷроияи маҳаллии ҳокимияти давлатии ноҳия ва дастгирии ҷавонон дар ҳудуди деҳаи Қарамиқи Ҷамоати деҳоти Алға барои муассисаҳои  таълимию тандурустӣ, марказҳои ҷамъиятӣ ва аҳолии деҳаи мазкур 18 нуқтаи хати оби нӯшокӣ кашида  шуд. Дар деҳаҳои  Янгишаҳр ва Қашқатераки Ҷамоати деҳоти Янгишаҳр ба маблағи умумии 445,9 ҳазор сомонӣ корҳои соҳилмустаҳкамкунӣ ба итмом расиданд.
Ҳаҷми умумии корҳои сохтмонӣ ва таъмирии иншооти баитмомрасида дар маҷмӯъ 30 миллиону 970 ҳазор сомониро ташкил дод, ки назар ба соли пешӣ 5 миллиону 359,6 ҳазор сомонӣ зиёд мебошад. 
Дилшод АМИРОВ, “Ҷумҳурият” 


Баёни ақида (0)    Санаи нашр: 13.04.2018    №: 74    Мутолиа карданд: 263

18.03.2019


ГРАНД СЛЕМИ ЕКАТЕРИНБУРГ. Беҳрӯз мақоми сеюмро гирифт

Tesla дар Қазоқистон нуқтаҳои нерудиҳӣ месозад

Аз фурӯравии биноҳо дар Чин 10 нафар ҷон бохт

Иттиҳоди иқтисодии АвруОсиё дар фикри бунёди биржаи меҳнат шуд

Сиёсатмадори олмонӣ лағви таҳримоти зиддирусиро зарур мешуморад

Ҷаҳон дар як сатр

13.03.2019


Парвиз Давлатзода бо Чэн Гуопин вохӯрд

Имконияти таҳсил дар ДДУК тавсеа меёбад

Маҷмааи меъмории рамзи «Истиқлолият ва Озодӣ» интихоб гардид

06.03.2019


Назорати фаъолияти ширкатҳои букмекирӣ пурзӯр мешавад

Бунёди маҷмааи корхонаҳои нассоҷӣ дар назар аст

Форуми якуми иттилоотонии ҷомеаи шаҳрвандӣ баргузор мегардад

ҶОМИ "ФФТ" "Истиқлол" бори панҷум онро соҳиб шуд

Варзишгарони тоҷик 5 медал ба даст оварданд

Ҷаҳон дар як сатр

Нилуфар Рофиева дар озмуни нозанинҳои Россия ғолиб омад

Лондон муносибаташро бо Москва ба эътидол овардан мехоҳад

Покистон ба гуфтушунид бо Ҳиндустон шурӯъ мекунад

Андешаи Лукашенко оид ба яхи обнашудаи муносибот бо Иттиҳоди Аврупо

Соли 2019 ду ҷоизаи Нобел дар соҳаи адабиёт супурда мешавад

05.03.2019


СУҒД. Авлавият ба кишти картошка

04.03.2019


Хуҷанд ба даҳгонаи шаҳрҳои беҳтарини сайёҳӣ ворид гардид

Сертификати армуғони сайёҳӣ таъсис ёфт

ҶОМИ "ФФТ". "Истиқлол" ва "Кӯктош" дар финал

Осиёи Марказӣ. Камтарин теъдоди маҳбусон дар Тоҷикистон аст

Москва ва Вашингтон нархи раводидро арзон карданд

Қазоқистон ба воридоти меваю сабзавоти Қирғизистон роҳ мекушояд

Лавров: «Вазъият дар Сурия ба эътидол омад»

Ҳалокати 29 нафар аз обхезӣ дар ҷануби Афғонистон

Ҷаҳон дар як сатр

01.03.2019


ФУТБОЛ. «Хуҷанд» бо «Аҳал» мубориза мебарад

Бори нахуст дар таърих якбора ду зан ба кайҳони кушод мебароянд

Пекин дар фикри эъмори Девори бузурги чинӣ шуд

Испания солимтарин кишвари дунё эътироф гардид


Дар сомонаҳои дигари Тоҷикистон хонед