logo

фарҳанг

БОҒИ АЙНӢ. ТААССУРОТИ ЯК ТАМОШО

Боғи фарҳангу фароғатии ба номи Садриддин Айнӣ бо зебоӣ ва намои хоссаи худ  яке аз мавзеъҳои барои сайёҳон ҷолиби шаҳри Душанбе маҳсуб меёбад.

Боғи Айнӣ дар қисмати шимолии шаҳр воқеъ буда, масоҳати он 16,24 гектарро ташкил медиҳад. Он соли 1954 таъсис ёфта, солҳои охир ба тармиму таҷдид ниёз дошт. Ва басо рамзист, ки дар арафаи 140 - солагии устод Айнӣ бо ташаббуси Ҳукумати мамлакат ва мақомоти иҷроияи ҳокимияти давлатии вилояти Суғд он азнавсозӣ шуда, 6 ноябри соли 2017 бо иштироки Сарвари мамлакат ва фаъолону зиёиёни кишвар дар фазои тантанавӣ ифтитоҳ ёфт. Сардори давлат зимни суханронӣ қайд намуданд, ки  ин иқдоми ватандӯстона, яъне таҷдиду азнавсозии боғи ба номи устоди бузурги сухан, нишонаи эҳтиром ва самимияти мардуми тоҷик ба шахсиятҳои барҷастаи миллат мебошад.
Боғ аз ду даромадгоҳ: шарқӣ (асосӣ) ва ҷанубӣ иборат аст, ки бо шаҳомати хоссашон таваҷҷуҳи ҳар бинандаро  ба худ ҷалб месозанд. Дарвозаҳо бо санъати баланди меъморӣ сохта шуда, устоҳои чирадаст дар сутунпояҳои бошукӯҳи он нақшу нигори миллиро дар гил моҳирона ҳаккокӣ кардаанд. Дар маркази боғ оромгоҳи устод Айнӣ дар масоҳати 160 метр доман густурда, ба зиёратгоҳи пиру барно табдил ёфтааст. Дар қисмати ҷанубӣ бошад, муҷассамаи устод қомат меафрозад.
Ҳамчунин, дар арафаи Ҷашни байналмилалии Наврӯз бо иштироки Пешвои миллат иншооти фароғатии “Дунёи афсона” ба истифода дода шуд, ки дорои тарҳи хос мебошад. Он дар масоҳати 2,5 га бунёд ёфта, аз 11 майдонча ва таҷҳизоти дилхушӣ иборат аст ва бо фазои афсонавиаш олами кӯдаконро рангин мегардонад. Дар маҷмааи мазкур барои ҷавонону наврасон майдончаҳои варзишии волейбол, баскетбол, футболи хурд ва теннис мавриди баҳрабардорӣ қарор гирифтанд.
Мавриди зикр аст, ки баъд аз таҷдиду азнавсозӣ ин боғи фарҳангу фароғатӣ ҳамчун хатсайри нави сайёҳӣ ба харитаи сайёҳии ширкатҳои туристӣ ворид гардид. Зеро он пеш аз ҳама ҳамчун объекти таърихӣ ва макони истироҳату фароғат эътироф гаштааст.
Тавре директори боғ Амрулло Боқиев иброз дошт, барои ҷалби бештари сайёҳон дар бинои амфитеатри он  барномаҳои фарҳангӣ - фароғатӣ ва маҳфилҳои ҳунарию эҷодӣ ба роҳ монда шудаанд, ки то Рӯзи Парчами давлатӣ идома хоҳанд ёфт. Барои кӯдакону наврасон ташкили барномаҳои махсус дар назар аст.
Дар боғ зиёда аз 6 ҳазор дарахти  сояафкану мевадиҳанда ва буттаи ороишӣ, аз қабили санавбар, сарвҳои хиромон ва аризонӣ, чинор, гули товус, фарк, қарағот, булут, шоҳбулут, корнус, гули товуси испанӣ ва ғайра мавҷуданд, ки бо композитсияи махсус шинонда шудаанд. Онҳо шакли давра, тулӯи офтоб ва амсоли инро  доранд.
Воқеан, бо вуҷуди ба наздикӣ мавриди истифода қарор гирифтан, боғи Айнӣ, аллакай, ба макони дӯстдоштаи сокинон ва меҳмонони пойтахт ва ба яке аз марказҳои калони фарҳангу фароғат табдил ёфтааст. Боғ бо манзараҳои зебову дилорояш чаманистонеро мемонад, ки фазои орому осудааш ба кас илҳом мебахшад.
Бесабаб нест, ки Душанберо ҳамчун шаҳри сарсабз мешиносанд. Бунёду азнавсозии боғҳои ботаникӣ ва фарҳангу фароғатии “Ирам”, “Устод Рӯдакӣ”, “Пойтахт”, Садриддин Айнӣ, “Дӯстии халқҳо”, “Ғалаба” ва дигар гулгашту хиёбонҳо ба ҳусни шаҳр зебоии хос зам намудаанд. Бунёди чунин боғҳо, бешубҳа, метавонад барои ҷалби сайёҳон мусоидат намояд. Зеро таваҷҷуҳ ба чунин мавзеъҳо беш аз пеш меафзояд. Масалан, дар Испания 15 боғи миллӣ мавҷуд аст, ки диққати дӯстдорони табиатро ба худ ҷалб кардааст. Ё миллионҳо сайёҳ ҳамасола барои тамошои боғҳои миллии Шветсарияи Саксонӣ ва Ясмунд ба Олмон  мераванд.
Меҳрангез ҚОДИРОВА, «Ҷумҳурият»


Баёни ақида (0)    Санаи нашр: 16.04.2018    №: 75    Мутолиа карданд: 453

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед