logo

фарҳанг

ЁДГОРИҲО НИЁЗ БА ҲИМОЯТУ ОМӮЗИШ ДОРАНД

Миллати тоҷик, ки дар тӯли асрҳо аз омӯзиши таъриху фарҳанги бостонии хеш дар канор монда буд, баъди истиқлолият ба омӯзиши давраҳои давлатдории қадим ва наваш ниёзи бештар пайдо кард. Зеро баррасиву таҳқиқи сарнавишти ибратомӯзи ниёгон ва донистани таърихи меҳан, бигзор талху пурфоҷиа ҳам бошад, инчунин, сабақ гирифтан аз иштибоҳоти гузашта миллати моро бедору огоҳ, зираку ватандӯст ва пухтаву дурандеш месозад.
Эмомалӣ РАҲМОН


Агар мо дар асоси осори ниёгонамон имрӯзиёну ояндагонро тарбия накунем, наомӯзонем, беҳтарин шоҳкориҳоро намунаи ибрат қарор надиҳем, ба пешравии ҷомеаи инсонӣ, ҳаёти одамӣ муваффақ шуда наметавонем. Барои ин бояд ба забони коху қасрҳои муҳташам сухан кунем, ёдгориҳои таърихиамонро дар ҷаҳон таблиғу ташвиқ намоем. Аз гузаштаи халқу ватанамон афсонаю қиссаҳо гӯем, гиряҳою хандаҳои гумшудаи таърихи худро ҷӯем, якдилона рӯҳи ниёгонро бо накукориҳо пос дорем ва бо ҳифз намудани осорашон масъул бошем.
Ниёгонамон дар бисёр мавридҳо ҷон сипар намуда, осори гузаштагонро ба имрӯзиён расонданд. Мо ҳам бояд идомадиҳандаи кори неки онҳо бошем! Имконияти мо барои иҷрои ин амал зиёд аст.
Дар ёдгориҳои таърихӣ гузаштаи мо маҳфуз мебошад. Зарур аст, ки онро мисли гавҳараки чашм ҳимоя кунем, ҷон бидиҳему нагузорем, ки харобашон бикунанд ва ё гарде ба болои он афтад.
Халқҳои дигар хурдтарин ва камарзиштарин осори гузаштаи худро ҳифз менамоянд, аз будаш даҳҳо маротиба зиёдгӯӣ карда, даъвои куҳанбунёдӣ мекунанд. Он чӣ ки мо - тоҷикон дорем, на ҳама ҷаҳониён доранд. Ин муболиға нест, воқеияти таърихии исботшудааст.
Гузаштаро кофтану ёфтан, муаррифӣ ба омма намудан магар савоб нест? Он як навъ дарс, дарси ибрат нест? Одамон дар талоши зиндагӣ ва банди мушкилоти имрӯз бехабар аз гузашта мемонанд. Дар муассисаҳои таҳсилоти умумӣ ва коллеҷу литсейҳо, инчунин, дар донишгоҳҳову донишкадаҳои олии кишвар бояд дарсҳои махсус, саволу ҷавобҳо оид ба ҳифзи ёдгориҳо гузаронда шаванд. 
Созмонҳои ҷамъиятӣ бо дастгирии ниҳодҳои мақомоти иҷроияи маҳаллии ҳокимияти давлатӣ дар ҷойҳо ин корро бояд ба субут расонанд. Мутаассифона, агар мушаххас гӯем, ба созмон додани ташкилоти ҷамъиятии «Ҳифзи ёдгориҳои таъриху фарҳанг» дар вилоятҳо, шаҳру ноҳияҳо ва коллективҳои меҳнатӣ кам таваҷҷуҳ зоҳир карда мешавад.
Ин ташкилот ба унвони раисони вилоятҳо, шаҳру ноҳияҳо ҷиҳати барқарорсозии намояндагиҳои ташкилот мактуб ирсол кард. Лекин ҳалли барқароркунии раёсату ташкилотҳо ҳамоно дар ҳолати карахтӣ қарор доранд. Фақат дар як чанд шаҳру ноҳияҳо гӯё раёсатҳои ташкилотро барқарор кардаанду халос.
Бинобар ин, раёсати ташкилоти ҷамъиятии «Ҳифзи ёдгориҳои таъриху фарҳанги Ҷумҳурии Тоҷикистон» бо як ҷаҳон лутфу эҳтиром аз масъулон эҳтиромона хоҳиш менамояд, ки ҷиҳати барқарорсозии намояндагиҳои ташкилот кумак намоянд.
Бисёр хуб мебуд, агар дар анъанашавии ҳифзи осори ниёгон тамошобину шунаванда нею иштирокчии фаъол гардем.
Мурод ЁРОВ,
раиси раёсати ташкилоти ҷамъиятии «Ҳифзи ёдгориҳои таъриху фарҳанги Ҷумҳурии Тоҷикистон»


Баёни ақида (0)    Санаи нашр: 17.04.2018    №: 76    Мутолиа карданд: 394

11.12.2019


Баррасии масоили тақвияти ҳамкориҳо

Бахтиёр Худоёрзода бо ҳайати Дафтари ниҳодҳои демократӣ ва ҳуқуқи инсони САҲА мулоқот намуд

Намоиши филмҳои тоҷикӣ дар Бангладеш

“МАҲБУБИ ВАТАН”

Трамп: «Бо Лавров вохӯрии хубе гузарондем»

Зеленский гуфт, ки бо Путин гуфтушунид кардан мураккаб аст

Сарвазири Эфиопия соҳиби Ҷоизаи сулҳи Нобел шуд

«Толибон» дар шимоли Афғонистон 40 куҳансолро рабуданд

МУСОБИҚАИ СИТОРАҲОИ ДЗЮДО. Бори нахуст кишварро 4 гӯштигир намояндагӣ мекунад

Ҷаҳон дар як сатр

10.12.2019


Мулоқоти Қоҳир Расулзода бо Хуан Тсзян Жун

Шиносоии Азим Иброҳим аз ҷараёни корҳои сохтмонии роҳҳои Душанбе

Дар доираи Озмуни ҷумҳуриявии «Сайри гули лола» машварати корӣ баргузор гардид

Дар Париж, Москва ва Киев оид ба муовизаи асирон ба мувофиқа омаданд

Туркия ба рафъи хатари «Давлати исломӣ» дар Афғонистон мусоидат мекунад

Сарвазири нави Финляндия - ҷавонтарин дар ҷаҳон сарвари ҳукумат

Disney дар остонаи рекорди нави ҷаҳонӣ

Ҷаҳон дар як сатр

09.12.2019


Боз як майдончаи нави варзишу бозии кӯдакон кушода шуд

Сохтмони гузаргоҳи зеризаминӣ бо дарозии 260 метр

Чемпионати осиё. Тоҷикистон дар гурӯҳи "А"

Сӯхтор дар фабрикаи Деҳлӣ боиси марги беш аз 40 нафар шуд

Медведев шартҳои бастани шартномаи газ бо Киевро гуфт

Ёрии ҷаҳонӣ ба Афғонистон 46 дарсад коҳиш ёфт

Аморати Муттаҳидаи Араб кайҳоннавард интихоб мекунад

Ҷаҳон дар як сатр

06.12.2019


Боздиди Рустами Эмомалӣ аз варзишгоҳи «Миллий»

Хуҷанд. Бунёди корхонаи истеҳсоли телевизор, яхдон ва кондитсионер

Масъалаи моҳияти сармояи инсонӣ дар рушди инноватсионӣ мавриди баррасӣ қарор гирифт

Пекин аз Вашингтон кам кардани боҷи молҳои чиниро дархост намуд

ОПЕК истихроҷи нафтро метавонад кам созад

Дар мактабҳои Қазоқистон гузариш ба алифбои лотиниро мавқуф гузоштанд

Коррупсияро дар Қирғизистон тавассути рақамисозӣ бартараф карданианд

Ҷаҳон дар як сатр


Дар сомонаҳои дигари Тоҷикистон хонед