logo

сиёсат

ВАҲДАТИ МИЛЛӢ ВА НАҚШИ ЭМОМАЛӢ РАҲМОН ДАР ПОЙДОРИИ ОН

Таърих гувоҳ аст, ки дар натиҷаи ҷанги таҳмилии шаҳрвандии солҳои 1992-1997 дар Тоҷикистон беш аз сад ҳазор шаҳрвандони мо ҷони худро аз даст дода, қариб як миллион нафар иҷборан хонаву дари худро тарк карда, ба кишварҳои ҳамсоя фирор карданд. Ба иқтисодиёти мамлакат, дар маҷмӯъ, беш аз 10 миллиард доллари амрикоӣ зарари моддӣ расид. Садҳо хонаҳо сӯзонда, даҳҳо иншоот харобу валангор гардиданд.

Зарари маънавии ҷанг ҳадду   ҳисоб надорад, зеро бар асари он ҳазорҳо занон аз шавҳаронашон маҳрум гардида, зиёда аз 50 ҳазор кӯдакон ятим монданд. Тоҷикистон аз марҳилаи рушди   ҳаёти иқтисодӣ, иҷтимоӣ ва сиёсӣ ба қафо партофта шуд.
Дар чунин вазъият, ки ба кишвар парокандашавӣ таҳдид менамуд, ниёз ба роҳбаре буд, ки иродаи қавӣ дошта бошаду сарсупурдаи миллату Ватан ва ба хотири ба даст овардани ваҳдати миллӣ ва барқарор намудани сулҳу субот дар кишвар қудрати барқарорсозии ҳокимияти устувори давлатиро соҳиб бошад.
Иҷлосияи тақдирсози 16-уми Шӯрои Олӣ (16 ноябри соли 1992), ки наҷоти миллат масъалаи асосии он буд, бояд роҳбареро интихоб менамуд, ки миллати парокандаро муттаҳид карда тавонад. Мушкил дар дарёфти шахс набуд, балки дар гирифтани масъулият буд, зеро замоне ки яроқ кишварро идора мекарду иқтисодиёт фалаҷу хазина холӣ буд, зимоми идораи кишварро на ҳар кас бар дӯш мегирифт.  Шукр, ки чунин шахс он замон пайдо шуд. Он Эмомалӣ Раҳмон буд. Ӯ ба хотири миллат, давлат ва халқи Тоҷикистон масъулияти сангин ва вазнинро ба дӯш гирифт ва таърих собит сохт, ки ин интихоб дуруст ва саривақтӣ буд.
Оре, мо ба ваҳдати миллӣ расидем, аммо боре фикр мекунем, ки ваҳдати миллӣ, сулҳу амонӣ чӣ гуна ба даст омаданд?
Роҳбари давлат борҳо зикр намуданд, ки барои амалӣ кардани   ҳадафҳои созанда 21 маротиба бо иттиҳоди мухолифин музокира анҷом дода, 40   ҳуҷҷати барои миллат муҳимро ба имзо расонданд.
  21 сол пеш дар натиҷаи музокироти тӯлонӣ 27 июни соли 1997 дар шаҳри Москва Созишномаи умумии истиқрори сулҳ  ва ризояти миллӣ дар Тоҷикистон ба имзо расид.
Бо имзои созишнома Тоҷикистони азизи мо ба марҳилаи нави таърихӣ ворид  гашт  ва ҷиддан  ба корҳои  ободонию  созандагӣ оғоз намуд.
Тавассути заҳматҳои Пешвои миллат барномаи мукаммали зина ба зина ба ободиву шукуфоӣ ва тараққиёти босуръат расидани Тоҷикистон амалӣ гардид. Рушди соҳибкории хурду миёна, сиёсати дарҳои кушода, амалӣ намудани таҷдиди роҳҳо, рушди соҳаи энергетика, саноат дар муддати кӯтоҳ боиси инкишофи босуръати кишвар гардиданд, ки ин ҳама аз самараи ваҳдати миллиамон ба даст омадаанд.
Маҳз ваҳдати миллӣ тавонист Тоҷикистонро ба ҷаҳониён шиносонад. Самараи ваҳдати миллӣ буд, ки ҷомеаи ҷаҳонӣ дар мавриди ҳалли бисёр масъалаҳои ҷаҳонӣ, ба монанди терроризм, экстремизм, мубориза бар зидди гардиши ғайриқонунии маводи мухаддир, масъалаҳои глобалии экологӣ пешниҳодҳои  Ҳукумати Тоҷикистонро пазируфта, мавриди амал   қарор дод.
Ваҳдат    ҳамеша ифодагари сурату сирати халқи тоҷик ва марому    ҳадафи он, ҳимояву посдории ҳастии хеш, арзишҳои фарҳангӣ ва таъмини ояндаи  дурахшони миллат аст.
Имрӯз мо маҳз ба шарофати ваҳдати миллӣ ва дар ин замина муттаҳид сохтани неруҳои сиёсӣ, таъмин кардани ризоияти ҷомеа тавонистем, ки Истиқлолияти давлатӣ ва тамомияти арзии кишварамонро ҳифз кунем ва сарҷамъии мардуми Тоҷикистонро таъмин намоем.
Фазои имрӯзаи сиёсии минтақа ва ҷаҳон моро водор месозад, ки тамоми неруҳои созандаи ҷомеаро барои ҳифзи дастовардҳои истиқлолият, таҳкими давлатдорӣ, ваҳдати миллӣ, сулҳу субот ва рушди    ҳамаҷонибаи иқтисодиву иҷтимоии мамлакат   равона  созем.
Ваҳдат пойдевор ва сутуни мустаҳкаму бегазанди ҳар давлату ҷомеа мебошад. Бунёдкору нигаҳдорандаи ин пойдевор ва сутуни муҳташами миллат, аз ҷумла ҳар яки мову шумо ба ҳисоб меравем. Бигузор ин сутуни армону орзуҳо ҳамеша побарҷову мустаҳкам бошад.
Робияи АБДУСАМАД,
ассистенти кафедраи забонҳои хориҷии ДДК


Баёни ақида (0)    Санаи нашр: 17.04.2018    №: 76    Мутолиа карданд: 654
12.04.2021


КИТОБИ «ТОҶИКОН» ДАСТРАСИ СОКИНОНИ НОҲИЯИ САНГВОР ГАРДИД

НУРОБОД ДАР СӢ СОЛИ ИСТИҚЛОЛИЯТ

СУҒД. ФЕСТИВАЛИ ВИЛОЯТИИ «ҲУНАР БЕҲТАР АЗ ЗАР БУВАД» БАРГУЗОР МЕГАРДАД

СУҒД. 420 000 СОМОНӢ ГРАНТ БАРОИ ЗАНОНИ ҲУНАРМАНДУ ЭҶОДКОР

МЕРОСИ ТАЪРИХИЮ ФАРҲАНГӢ. ҲАМОИШИ МУҲИМИ КОРШИНОСОН

«КАДБОНУИ БЕҲТАРИН» МУАРРИФИИ ҒОЛИБОНИ ОЗМУН

ЛИГАИ ОЛӢ

09.04.2021


ТОҶИКИСТОН ВА АМА. ГУСТАРИШУ ТАҲКИМИ ҲАМКОРИҲО ТАЪКИД ШУД

ОЛМОН БО РОССИЯ ОИД БА ДАРЁФТИ «СПУТНИК V» МУЗОКИРОТ МЕГУЗАРОНАД

ҶАҲОН ДАР ЯК САТР

08.04.2021


ТОҶИКИСТОН – МАҶОРИСТОН. САҲИФАИ НАВИ ҲАМКОРӢ БОЗ ШУД

САРВАРИ ВКХ ПОКИСТОН РОССИЯРО ОМИЛИ УСТУВОРӢ ДАР МИНТАҚА ВА ҶАҲОН НОМИД

ҶАҲОН ДАР ЯК САТР

ТАСВИРИ ОБ ДАР АСАРҲОИ РАССОМОНИ ТОҶИКИСТОНӢ

«ХУҶАСТА БОД ИСТИҚЛОЛ!»

Мулоқоти Сироҷиддин Муҳриддин бо Армида Салсия Алишаҳбана

МАГНОЛИЯ. НИҲОЛИ НОДИР ДАР ХУҶАНДИ БОСТОН

07.04.2021


МИСГАРӢ — БОЗГӮИ РАМЗҲО ВА АНЪАНАҲОИ МАРДУМӢ

«ТЕРРОРИЗМ РЕЛИГИОЗНЫХ ЭКСТРЕМИСТОВ...»

Лавров: «СММ низоъҳоро дар дунё муваффақона ба низом меоварад»

ҶАҲОН ДАР ЯК САТР

ФУТБОЛ

06.04.2021


ВМКБ. НАҚШАИ ДАЪВАТ ДАР ЯК РӮЗ ИҶРО ШУД

ИШКОШИМ. ҒОЛИБОН БА НОҲИЯ БАРГАШТАНД

Лавров барқарорсозии кори «формати Москва»-ро зарур шумурд

ҶАҲОН ДАР ЯК САТР

ЛИГАИ ОЛӢ

ТАШКИЛИ ЯРМАРКА - ФУРӮШИ МАҲСУЛОТИ КИШОВАРЗӢ ДАР ХУҶАНД

МИНТАҚАИ РАШТ. ИҶРОИ НАҚШАИ ДАЪВАТ ДАР ЯК РӮЗ

УНВОНУ ДАРАҶАҲОИ ИЛМИИ РОССИЯВУ ТОҶИКИСТОН БАРОБАРАРЗИШ МЕШАВАНД

02.04.2021


ХИЗМАТИ ҲАРБӢ. ВМКБ ВА 5 НОҲИЯИ ХАТЛОН НАҚШАРО ИҶРО КАРДАНД

МУЛОҚОТИ РУСТАМИ ЭМОМАЛӢ БО ПАК БЁН СОК

ҶОНИБДОРИИ ВАНХЁРК АЗ МУКОЛАМАИ ВАШИНГТОН БО МОСКВА

ҶАҲОН ДАР ЯК САТР

01.04.2021


ЛИГАИ ОЛӢ. Бори аввал легионерҳои нидерландӣ ва ҷопонӣ ҳунарнамоӣ мекунанд


Дар сомонаҳои дигари Тоҷикистон хонед