logo

фарҳанг

ПАНҶАКЕНТИ БОСТОН. РӮ БА ШУКУФОӢ

Аввали солҳои навадуми асри гузашта аз суст шудани ҳокимияти марказӣ  ва пояҳои давлат истифода бурда, дар шаҳри Панҷакент заводу  фабрикаҳои истеҳсолиро хусусӣ карданду дар ҷояшон хона сохтанд ва фурӯхтанд, дар ҷои садҳо гектар замини киштбоб хонаҳои истиқоматӣ пайдо шуданд. Аммо ба рағми душманон бо талошу ҷонбозиҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ  Раҳмон ҳокимият мустаҳкам ва мамлакат осудаву ором шуд, ваҳдату ягонагӣ тантана кард.
Баробари ин, дар шаҳри Панҷакент каналҳои Тӯхсанкорезу Марғедар сероб гардиданд, насосҳои обкашии пойгоҳҳои Дашти Ёрӣ, Дупула, Нилуфар -1 ва Нилуфар - 2 ба кори доимӣ сар карданд ва садҳо гектар боғу заминҳои киштбоби мавзеъҳои Дашти Малла, Дашти Сӯхтав, Мармар, Дашти Марғедару Дашти Ёрӣ шодобу файзбор шуданд. Раванди созандагию ободонии  тамоми шаҳру деҳоти Панҷакент оғоз гадид, шаҳри куҳан аз нав тозаҷавон шуд, ҳусни тоза гирифт. Пас аз Истиқлолияти давлатӣ дар Панҷакенти бостон Қасри фарҳанг, Кохи ҷавонон ба номи устод Лоиқ Шералӣ, садҳо мактабу бемористон, роҳу пулҳо, биноҳои баландошёна, корхонаҳо, иншооти муҳими иҷтимоию иқтисодӣ ва фарҳангӣ бунёд гардида, созандагию ободгароӣ бомаром идома меёбад.
Ҷои таассуф аст, ки ҳанӯз ҳам ҳастанд шахсоне, ки чунин ободию ободкориро дида натавониста,  худро ба сафи гурӯҳҳои ифротию террористӣ, назири салафия, ваҳҳобия, ташкилоти экстремистию террористии ҳизби мамнӯи наҳзат ва ба ном «давлати  исломӣ», зада, туҳмату буҳтон мерезанд ва зиндагии хушу гуворои мардумро талху тира сохтан мехоҳанд. Дар урфият мегӯянд: «Ҳар кӣ нонро ба по зад, оқибат ӯро нон мезанад».
Президенти кишвар  шабу рӯз барои сулҳу ваҳдати саросарӣ, ба мамлакати пешрафтаи саноатӣ табдил додани Тоҷикистон, фароҳам овардани заминаи воқеӣ барои зиндагии шоистаи сокинони кишвар, дарёфти  роҳи сулҳу оромӣ дар Афғонистон, ҳифзи бунёди инсондӯстонаи  дини мубини ислом, мушкилоти об, муҳофизати муҳити зист ва  проблемаҳои дигари умумибашарӣ талош меварзанд. Ба шарофати чунин талошҳои башардӯстона обрӯю эътибори байналмилалии Тоҷикистон пайваста боло меравад. Алҳол дар ҷаҳон кишвари моро ҳамчун пешоҳанги ҳалли масъалаҳои глобалии марбут ба об мешиносанд ва ба он пайравӣ мекунанд.
Шодию хурсандии беинтиҳои пиру ҷавони шаҳри  Панҷакент аз пазироии Сарвари давлат дар Ҷашни имсолаи Наврӯз, идона оростани шаҳр, ободонӣ ва чеҳраҳои шукуфта гувоҳи онанд, ки сокинони  ин шаҳри  бостон сад дар сад аз сиёсати хирадмандона, созандагӣ, ободонӣ, бунёдкории Пешвои миллат пуштибонӣ мекунанд ва дар атрофи эшон сарҷамъанд.
Ҳоло зодагони Панҷакенти куҳан аз он ифтихор доранд, ки соли 2020 - ум 5500 - солагии Саразми бостон ҷашн гирифта мешавад. Ин маъракаи муҳим кулли мардумро  ба он вомедорад, ки  баҳри ободонии бештари Панҷакент  камари ҳиммат банданд. Боварӣ дорем, дар доираи омодагӣ ба ин ҷашн болои ёдгориҳои Саразм кӯшке, қалъае ҳамчун нишон аз гузаштаи ин шаҳри қадими тоҷикон бунёд ёфта, дар маркази шаҳр нимпайкараҳои қаҳрамонони миллати тоҷик Спитамен, Деваштич, Аспанзод, Муқаннаъ гузошта мешаванд. Ба муносибати Ҷашни 5500 - солагии Саразм хиёбоне ё кӯчаеро ба номи аввалин кошифи Саразм - устод Абдуллоҷон Исҳоқов гузоштан қадрдонии  хидматҳои ӯ хоҳад буд. Устод як умр дар Панҷакент ҳамчун бостоншинос заҳмат кашидаанд.
Мардуми шарифи Панҷакент  аз зиндагии хушу осуда ва ваҳдату ягонагӣ шукргузоранд, баҳри ободонии диёр заҳмат кашида, боғу бӯстон месозанд, дастуру ҳидоятҳои Сарвари давлатро ҷиҳати созандагӣ ва ба мамлакати пешрафтаи ҷаҳон табдил додани Тоҷикистон иҷро мекунанд, то ки  на дар сухан, балки дар амал пайрави Пешвои маҳбуби миллат бошанд.  
Холмурод САФАРЗОДА,
узви Иттифоқи журналистони Тоҷикистон


Баёни ақида (0)    Санаи нашр: 19.04.2018    №: 78    Мутолиа карданд: 555

14.11.2019


Мулоқоти Ҷамолиддин Нуралиев бо намояндагони «Moody’s Investors Service»

Оид ба имконоти рушди кӯдакон форуми байналмилалӣ доир мешавад

Тақвияти робитаҳои иқтисодию тиҷоратӣ бо музофоти Ҳубэй

Таэквондо. 22 медали варзишгарони тоҷик аз Бухоро

"Тулӯи ҳақиқат" дар Рӯзи Президент

Шумораи сайёҳон дар Россия беш аз 20 дарсад афзудааст

Ашқобод мизбони нишасти зиддитеррористии ниҳодҳои дипломатии кишварҳои ҳамсуд

Сарвазири Ҳиндустон вохӯрияш бо Путинро олиҷаноб номид

Сесад ҷангии «Давлати исломӣ» дар Афғонистон таслим шуд

Коломойский ба Украина рӯ ҷониби Россия оварданро пешниҳод намуд

Ҷаҳон дар як сатр

13.11.2019


Дар Осетия пайкараи Абулқосим Фирдавсӣ гузошта шуд

Назарбоев: "Зеленский ба мулоқот бо Путин дар Қазоқистон ризоият дод"

Дания аз бозгашти террористони «худӣ» ба кишвар шод нест

Ҷаҳон дар як сатр

“Бункер” ба Фаронса меравад

12.11.2019


Ифтитоҳи маҷмааи тиҷоратии «Масири олӣ»

Таҳкими ҳамкориҳои байнипарлумонӣ матраҳ гардид

Баррасии масоили рушди қонунгузорӣ оид ба моликияти зеҳнӣ

САЙЁҲӢ. Баргузории Форуми II илмии донишҷӯёни муассисаҳои олии таълимӣ

Ҷаҳон дар як сатр

Теъдоди қурбониёни тӯфони «Булбул» дар Бангладеш ба 26 нафар расид

Туркия ба истирдоди ҷангиёни «Давлати исломӣ» шурӯъ намуд

Нигаронии Лигаи кишварҳои араб аз идомаёбии зӯроварӣ дар Ироқ

Ҳиндустон дар 10 - 15 сол ММД - ро 4 маротиба боло бурданист

11.11.2019


Фаронса ба «ТАЛКО» таҷҳизот ва ба «Сомон Эйр» панҷ чархбол таҳвил медиҳад

Таъкиди Путин аз зарурати арҷгузории арзишҳои оилаи серфарзанд

Сарвазири Афғонистон: "Натиҷа бояд ба раъйдиҳии воқеии халқи мо асос ёфта бошад"

Чин ба шарти бастани созишномаи тиҷоратӣ бо ИМА ба мувофиқа расид

Ҷаҳон дар як сатр

САМБО. Медалҳои биринҷии гӯштигирони тоҷик

08.11.2019


Давлаталӣ Саид бо Мансур бинни Зойид оли Наҳён вохӯрд

Баргузории конференсия оид ба саҳми диаспораҳо дар рушди кишвар

Масоили ҳамкории фарҳангӣ матраҳ шуданд


Дар сомонаҳои дигари Тоҷикистон хонед