logo

маориф

КОЛЛЕҶИ ФАРҲАНГ. МАҚСАД - ОМОДА НАМУДАНИ КАДРҲОИ БА ТАЛАБОТ ҶАВОБГӮ

Коллеҷи фарҳанги  ҷумҳуриявӣ ба номи Партов Буйдоқов  дар омода намудани кадрҳои соҳаи санъату фарҳанг  нақши калон дорад. Ин даргоҳ, ки таърихи беш аз 70 - сола  дорад, миёни фарҳангиёни кишвар бо номи академияи фарҳанг маълуму машҳур аст.

Он соли 1945 таъсис ёфта, техникуми китобхонавии Тоҷикистон ном дошт. Баъдтар номи омӯзишгоҳи маданӣ - маърифатиро гирифт. Дар соли 1992 ба омӯзишгоҳи фарҳангӣ - маърифатии ба номи Партов Буйдоқов табдили ном кард. Аз соли 2001 ҳамчун коллеҷи  фарҳанги ҷумҳуриявӣ фаъолият дорад.
Ин даргоҳ агар чи дар тӯли фаъолияти худ борҳо ивази ном намуда бошад ҳам, мақсаду вазифаи худро боре ҳам иваз накардааст. Омода намудани кадрҳои баландихтисосу ҷавобгӯи талаботи давр ҳама замон барои муассиса ва устодони он муҳимтарин вазифа ба шумор мерафт. Ин буд, ки давоми фаъолияти бисёрсолааш тавонист мутахассисонеро омода созад, ки дар соҳаҳои гуногун, хусусан дар соҳаи фарҳангу ҳунар фаъолияти пурсамар намоянд. Абдураҳим Раҳимов ва Ато Ҳамдам барин шахсиятҳо, ки вазифаи вазири фарҳанги кишварро ба зимма доштанд,  дастпарварони ҳамин даргоҳ ҳастанд. Ҳаким Солиев, Карим Қурбонов, Соҳибназар Ғоибназаров, Ғаффор Ашӯров, Раҳимҷон Шарифов, Амон Қодиров, Ҳабибулло Нозирӣ, Саидмурод Мардонов низ аз ҷумлаи нафаронеанд, ки аз устодони ҳамин даргоҳ таълим гирифтаанд.
Ҳоло дар он шуъбаҳои рӯзноманигорӣ, мусиқӣ - омӯзгорӣ, китобдорӣ, менеҷменти фаъолияти  иҷтимоӣ ва ташкилотчии корҳои фарҳангӣ амал менамояд. Бо назардошти рушди илму техника ва барои омода намудани мутахассисони ҷавобгӯи талаботи рӯз, дар коллеҷ барои хонандагон шароити хуби таълимӣ фароҳам оварда шудааст. Синфхонаҳои барҳавои муҷаҳҳаз бо компютер ва дигар аёниятҳои таълимӣ барои донишандӯзии хонандагон мусоидат менамоянд. Китобхонаи муассиса пайваста бо адабиёти нав таъмин мешавад. Ба осорхонаи коллеҷ, ки дар тарбияи худшиносии хонандагон нақш дорад, таваҷҷуҳи хосса зоҳир мегардад. Хобгоҳи хонандагон низ шароити хуб дорад. Дар муассиса ба ҳама гуна омиле, ки метавонад боиси боло бурдани сатҳи дониши хонандагон гардад, эътибори ҷиддӣ дода мешавад. Зеро беҳтар гардидани сифати таълим ва боло бурдани сатҳи дониши хонандагон аз масъалаҳоест, ки ҳалли дурусти он на танҳо барои соҳаи маориф, балки барои соҳаҳои дигар муҳим арзёбӣ мегардад. Бо назардошти ин барои хонандагони литсейи назди коллеҷ низ шароити хуби таҳсил фароҳам оварда шудааст.
Дар коллеҷ шуъбаи ғоибона низ амал мекунад, ки ҳоло дар он хонандагон аз минтақаҳои гуногуни кишвар таҳсил мекунанд, ки аксарияташон дар баробари таҳсил фаъолияти меҳнатӣ доранд.
Аҳли омӯзгорони коллеҷ талош доранд бо истифода аз имкониятҳои мавҷуда сатҳи дониши хонандагонро боз ҳам боло бурда, кадрҳои ҷавобгӯи талаботи рӯз омода созанд. Ба ин хотир, омӯзгорон пайваста ба бозомӯзӣ ва курсҳои такмили ихтисос ҷалб мешаванд ва талош менамоянд, ки бо технологияи муосири таълим ошноӣ дошта бошанд.
Идрис ОҚИЛОВ,
директори Коллеҷи фарҳанги  ҷумҳуриявӣ
ба номи Партов Буйдоқов


Баёни ақида (0)    Санаи нашр: 20.04.2018    №: 79    Мутолиа карданд: 435

18.09.2019


Харбузаҳои 25 - килограмма

Суиқасд ба ҷони Президенти Афғонистон Ашраф Ғанӣ

Дар Душанбе ба ифтитоҳи масҷиди калонтарин дар Осиёи Марказӣ омодагӣ мебинанд

Вохӯрии нахустини Путин ва Зеленский мумкин аст моҳи октябр баргузор шавад

Медведев давраи нави муносиботи Москва ва Пекинро эълом дошт

Низомиёни Ироқ ба марҳилаи нави мубориза алайҳи «Давлати исломӣ» шурӯъ карданд

17.09.2019


“ДУШАНБЕ – ҚАЛБИ ТОҶИКИСТОН”. САЗОВОРИ ҶОЙИ АВВАЛ

16.09.2019


Мулоқоти Маҳмадсаид Убайдуллоев бо Муҳаммадтақии Собирӣ

Ҳамкориҳо бо Созмони ҷаҳонии гумрук густариш меёбанд

Дар шаҳри Хоруғ маркази нави хизматрасонии ширкати Тсеll кушода шуд

ЧЕМПИОНАТИ ҶАҲОН

ҚАЛЪАИ ҲУЛБУК. Бозёфти таърихии мансуб ба асрҳои IX – X

Ҷаҳон дар як сатр

Тоҷикистону Британия Палатаи савдо таъсис доданд

Сарвазири Шӯрои давлатии Чин Россияро барои кишвараш шарики калидӣ хонд

Пристайко: «Дар муносиботи Киев ва Москва «ях об мешавад»

05.09.2019


Ҷаҳон дар як сатр

СОҲИБКОР СОҲИБВАТАН АСТ

НОҲИЯИ АЙНӢ. Зиндагӣ ранги тоза мегирад

03.09.2019


Россия ба пешниҳоди ҳамкорӣ ба Макрон посух дод

Миллион нафар амрикоӣ ба ҷойҳои бехавф кӯчонда хоҳанд шуд

Ҳалокати 20 сарбози неруҳои амниятӣ дар вилояти Қундуз

ИМА ва Чин ба молҳои якдигар боҷҳои нав ҷорӣ карданд

ТАЭКВОН – ДО. Дурахши варзишгарони тоҷик дар чемпионати ҷаҳон

Ҷаҳон дар як сатр

РОFУН. Таъсиси хатсайрҳои нави сайёҳӣ

29.08.2019


Раҳмон Озода Эмомалӣ сафири Созмони байналмилалии «Занони сиёсатмадори роҳбар» дар Тоҷикистон таъйин гардид

Вохӯрии Сироҷиддин Муҳриддин бо Ҷейми Флай

ҶОМИ ПРЕЗИДЕНТИ ТОҶИКИСТОН НАСИБИ ТЕННИСБОЗОНИ ТОҶИКУ ӮЗБЕК ГАРДИД

САРИДОРАИ БОЙГОНӢ. Мизи мудаввар бахшида ба Ҷашни Истиқлолияти давлатӣ

Ҷаҳон дар як сатр

ИШТИРОКИ ҲАЙАТИ ТОҶИКИСТОН ДАР КОНФРОНСИ БАЙНАЛМИЛАЛӢ ОИД БА ҲИФЗИ МЕРОСИ ФАРҲАНГӢ

МТС. ЯК КОНФРОНСИ МУҲИМ

28.08.2019


ИДИ КАДУ ДАР ДУШАНБЕ


Дар сомонаҳои дигари Тоҷикистон хонед