logo

иҷтимоиёт

НОМУСИ ШОГИРДОНА

Мардони бо ору номус ва саховатманди ноҳияи Фархор бо дарки он, ки ободии Ватан аз ободии деҳа, кӯчаву маҳаллаашон оғоз мегардад, ҳамеша талош менамоянд камбудиҳоеро, ки садди пешравӣ  мегардад, дар якҷоягӣ бартараф созанд.  
Онҳо ин дафъа тасмим гирифтаанд муассисаҳои таълимиеро, ки ба таъмир ниёз доранд, навсозӣ намоянд. То имрӯз бо кумаки мардони боғайрат муассисаҳои таҳсилоти миёнаи умумии № 16 бо маблағи беш аз 540 ҳазор сомонӣ, № 14, ки дар ҳолати садамавӣ қарор  дошт, бо маблағи беш аз 90 ҳазор сомонӣ аз таъмири асосӣ бароварда шуданд. Акнун хурсандии хонандагони ин муассисаҳои таълимиро ҳадду канор нест. Зеро дар баробари таъмир шудану намои зебо касб намудан, синфхонаҳои мактабашон бо навтарин таҷҳизоти замонавӣ ва дигар аёниятҳои таълимӣ таъмин гардиданд.
- Нафароне, ки дар ободонии ин мактабҳо саҳм гузоштанд, худ хатмкардагони ҳамин муассисаҳо ҳастанд, ки ҳоло қисме  дар вазифаҳои роҳбарикунанда ва қисме ҳамчун соҳибкор фаъолият доранд. Ин охири кор нест. То охири сол нақша дорем намои бештари муассисаҳои таълимиро зебо ва онҳоро бо таҷҳизоти замонавӣ таъмин созем, - мегӯяд Ғазалшо Сафарзода, мудири шуъбаи маорифи  ноҳия.
Муассисаи таҳсилоти миёнаи умумии дигаре, ки дар ин муддат бо дастгирии собиқ хатмкунандагон аз таъмир бароварда шуд, мактаби № 17 мебошад. Файзалӣ Қаландаров, директори мактаби мазкур, зимни суҳбат бо мо гуфт, ки «Барои анҷоми ин кор 53 нафар хатмкарда, аз ҷумла Акбаршо Аҳмадов, Элмурод Наҷмиддинов, Файзуло Бегов, Муҳаммадшо Гулов, Абдухалил Ғафуров беш аз 800  ҳазор сомонӣ масраф намуданд. Акнун мактаб намои зебо гирифт, атрофаш панҷарабандӣ шуд. Толори варзишии хонандагон дар баробари таъмир бо лавозимоти зарурӣ таъмин гардид. Ба ҷойи мизу курсиҳои шикаста наваш ворид шуд».
Мавриди зикр аст, ки қаблан бо ибтикори соҳибкори ватанӣ  Диловар Муҳиддинов, дар назди  муассисаи таълимии № 6 барои  340 нафар хонанда бинои 3 ошёнаи замонавӣ сохта ба истифода дода шуд. Дар муассисаи таҳсилоти миёнаи умумии № 38 - и  Ҷамоати деҳоти Ғайрат аз ҳамин ҳисоб 19 синфхона ва 1 китобхона мавриди истифода қарор гирифт. Бо ташаббуси соҳибкор Абдуғаффор Давлатов дар Ҷамоати деҳоти Ватан бинои  литсейи      № 2  ба фаъолият оғоз кард.
Умуман, давоми чанд соли охир дар назди 28 муассисаи таълимии ноҳия бо ташаббуси соҳибкорони маҳаллӣ синфхонаҳои иловагӣ сохта, барои беш аз 5 ҳазор хонанда ҷойи нишаст муҳаё гардид. Дар натиҷа, ба гуфтаи Ғазалшо Сафарзода мушкили норасоии ҷойи нишаст  қариб ҳалли пурраи худро ёфт.
Айни замон бо дастгирии соҳибкори маҳаллӣ  Хуршед  Нозимов сохтмони муассисаи таълимии № 2, ки барои 1640 хонанда пешбинӣ шудааст, дар арафаи анҷомёбист.
Фарзона ФАЙЗАЛӢ, «Ҷумҳурият»


Баёни ақида (0)    Санаи нашр: 20.04.2018    №: 79    Мутолиа карданд: 335

18.10.2019


Дар Арабистони Саудӣ садамаи автомобилӣ боиси ҳалокати 35 зоир гашт

Нигаронии муовини Дабири кулли СММ аз афзудани хавфи сарзании ҷанги ядроӣ

Артиши Сурия бори аввал дар панҷ сол вориди Раққа шуд

Таллин барои дучархасавор шудани сокинон 195 миллион евро харҷ мекунад

Ҷаҳон дар як сатр

Қонунгузорӣ. Ҷазо барои шиканҷа пурзӯр мегардад

Суғд. 557 ҳодисаи фавқулода дар нуҳ моҳ

Хуҷанд мизбони Чемпионати Осиё оид ба самбо - 2022

15.10.2019


Иштироки низомиёни тоҷик дар машқҳои СААД дар вилояти Нижегород

Иттиҳоди Аврупо аз Туркия баровардани сипоҳашро аз Сурия талаб намуд

Ҷоизаи Нобел оид ба иқтисодро барои талоши мубориза бо қашшоқӣ супурданд

Назарбоев ва иштиёқи расмкашӣ

Ҷаҳон дар як сатр

14.10.2019


Роҳи Помир ба панҷгонаи зеботарин роҳҳои дунё шомил гардид

Дар Ҷопон аз тӯфони «Хагибис» 33 нафар ҳалок гашт

Трамп маблағеро ном бурд, ки Вашингтон дар ҷангҳои Шарқи Наздик масраф кардааст

Астронавти амрикоӣ рекорди ба кайҳон баромадани кайҳоннавардони русро пас мегузорад

Ҷаҳон дар як сатр

11.10.2019


Боздиди қариб 8 миллион нафар аз ғурфаи Тоҷикистон дар намоишгоҳи Чин

СААД дар Бишкек вокуниши муштарак ба ҳолатҳои фавқулодаро баррасӣ намуд

Ҷаҳон дар як сатр

10.10.2019


Ёддошти тафоҳум ба имзо расид

Вохӯрии вазирони корҳои дохилии Тоҷикистону Россия

Душанбе ва Димишқ бозгашти тоҷикистониёнро аз Сурия баррасӣ намуданд

Меркел ва Ҷонсон оид ба Brexit ба мувофиқа омада натавонистанд

Барнаул лидерҳои ҷавони кишварҳои Осиёро гирд овард

Ҷаҳон дар як сатр

08.10.2019


ТОҶИКОБОД. 40 НАФАР БА САФИ ҚУВВАҲОИ МУСАЛЛАҲ ПАЙВАСТ

Мулоқоти Қоҳир Расулзода бо роҳбарони ҳайатҳои давлатҳои аъзои САҲА

Ҳамоиш ба муносибати Рӯзи забони давлатӣ дар Тошканд

Бизнес - форуми сайёҳии Тоҷикистону Қирғизистон

СММ амнияти кӯдакони Афғонистонро боиси нигаронӣ хонд

Бонки ҷаҳонӣ Тоҷикистонро ба рӯйхати кишварҳои ислоҳотгар ворид намуд

Ҷаҳон дар як сатр


Дар сомонаҳои дигари Тоҷикистон хонед