logo

иҷтимоиёт

КӮЛОБ. ДАСТОВАРДҲОИ ЯК МАҲАЛЛА

Солҳои охир дар соҳаҳои хоҷагии халқи шаҳри Кӯлоб, чун дигар манотиқи кишвари соҳибистиқлоламон, пешрафтҳои амиқ ба даст омадаанд. Ҳоло бо мақсади вусъат бахшидани корҳои созандагӣ дар шаҳр татбиқи 72 лоиҳа ба маблағи 152 миллион сомонӣ пешбинӣ гардидааст. Ҳамзамон, 8 коргоҳи истеҳсолӣ бо 46 ҷойи нави корӣ низ таъсис ёфт. Аз ҷумла, 2 коргоҳи дӯзандагӣ, 4 коргоҳи истеҳсоли хишти сементӣ, коргоҳи истеҳсоли дару тирезаҳои пластикӣ ва коргоҳи қаннодӣ. Дар ин замина аз оғози соли ҷорӣ то имрӯз 222 нафар аз рӯи ихтисосҳои гуногун бо ҷойи кори доимӣ таъмин шуданд.
Корхонаҳои саноатии шаҳр дар се моҳи аввали соли равон ба маблағи 44 миллион сомонӣ маҳсулот истеҳсол кардаанд, ки нисбат ба ҳамин давраи соли гузашта 4,3 миллион сомонӣ зиёд аст. Аз ҷониби соҳибкорон 5 иншоот ба маблағи 898 ҳазор сомонӣ сохта ба истифода дода шуд ва дар 114 иншооти дигар, аз ҷумла 20 корхонаи саноатӣ  корҳои сохтмонӣ идома доранд.
Маҳаллаи Фирдавсӣ яке аз маҳаллаҳои калонтарини шаҳр буда, наздики 400 хоҷагӣ дорад. Бо дастгирии Ҳукумати ҷумҳурӣ роҳи мошингарди маҳаллаи мазкур навсозӣ шуд, ки мушкили чандинсолаи сокинонро пурра ҳал намуд.
Имрӯз бо дастгирии соҳибкорони саховатманди маҳаллӣ иншооти наву замонавӣ бунёд гардида истодаанд, ки ба симои шаҳр ҳусни нав мебахшад. Ин иқдоми соҳибкоронро бошандагон ба хушнудӣ истиқбол карда, ҷиҳати пеш аз муҳлат ба истифода додани иншоот дар рафти корҳои сохтмонӣ ҳиссагузорӣ мекунанд. Айни ҳол аз ҷониби соҳибкори маҳаллӣ Абдулло Бобохонов як толори варзишӣ бунёд ёфта истодааст, ки дар арафаи анҷомёбӣ қарор дорад. Ба гуфтаи худи соҳибкор, ин иқдом дар партави дастуру ҳидоятҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ҳамчунин, ба хотири ҷалби наврасону ҷавонони маҳалла ба варзиш, тарғиби тарзи ҳаёти солим ва пешгирӣ аз оворагардии насли наврас рӯйи кор омадааст. Баъди ба истифода додани ин толори варзишӣ ҷавонони маҳалла дар соатҳои бекорӣ метавонанд ба намудҳои гуногуни варзиш машғул шаванд.
Барои беҳтар намудани хизматрасонӣ ба аҳолӣ, хатсайри нави мусофирбар таъсис дода шудааст. Ин хатсайр, ки маҳаллаи Фирдавсиро бо маркази шаҳр мепайвандад, асосан барои бе мушкилӣ, сари вақт ва бо нархи арзон ба дарс омадани донишҷӯёне, ки дар Донишгоҳи давлатии Кӯлоб ба номи Абӯабдуллоҳи Рӯдакӣ, коллеҷҳои омӯзгориву тиббӣ таҳсил мекунанд ва, ҳамчунин, барои сокинону меҳмонон ташкил шудааст.
Темур Латифов, раиси маҳалла ва муассиси хатсайри мазкур, дар суҳбат гуфт, ки хатсайр ҳалқавор буда, дар маҷмӯъ 8,5 километр масофа дорад. Ба гуфтаи номбурда, қабл аз ташкили ин хатсайр сокинону донишинҷӯёне, ки аз маҳалла озими шаҳр мешуданд, бо таксӣ барои рафтуомад 6 - 8 сомонӣ харҷ мекарданд. Вале, акнун барои рафтуомад ҳамагӣ 2 сомонӣ кофист. Ҷиҳати хубии дигари ин хатсайр дар он аст, ки зиёда аз 10 нафар соҳиби ҷойи кор гардидаанд.
Дар баробари ин, ҳамчунин, дар маҳалла аз ҷониби Фахриддин Рустамов муассисаи таҳсилоти омӯзиши забонҳои хориҷӣ бунёд ёфта, дар марҳилаи ба истифодадиҳӣ қарор дорад. Баъди ба кор даромадани ин муассиса бо ҷалби 10 нафар омӯзгор хонандагони муассисаҳои таҳсилоти миёнаи умумии маҳалла метавонанд ба омӯзиши забонҳои русиву англисӣ ва, ҳамчунин, курси компютерӣ фаро гирифта шаванд.
Бародарон Фахриддин, Амриддин ва Маҳсиддин Рустамовҳо дар таъмини сокинони маҳалла бо ҷойи кор ҳиссаи зиёд гузошта истодаанд. Айни ҳол аз ҷониби Маҳсиддин коргоҳи истеҳсоли хишти пухта ва бетонӣ ташкил карда шудааст ва дар назди он нуқтаи таъмири мошинҳои хориҷӣ ва кафшергарӣ бунёд мегардад.
Ба гуфтаи М. Рустамов, ин коргоҳ, ки аввали моҳи майи соли ҷорӣ ба истифода дода хоҳад шуд, метавонад 14 нафарро ба корӣ доимӣ ва маоши хуб фаро гирад.
ҶДММ “Ориён Рустам”, ки ба истеҳсоли ҳасиб, маҳсулоти аз шир омодашуда ва обҳои нушокии ранга машғул аст, соли 2005 бо ташаббуси Амриддин Рустамов таъсис ёфта, дар он 15 нафар бо кор таъминанд. Барои боз ҳам беҳтар ба роҳ мондани кори истеҳсоли маҳсулот масъулони коргоҳ аз Федератсия Русия технологияҳои наву замонавӣ ворид кардаанд.
Лашкар ШАРИФ,
“Ҷумҳурият”


Баёни ақида (0)    Санаи нашр: 24.04.2018    №: 81    Мутолиа карданд: 223

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед