logo

ҳуқуқ

ДУЗДӢ АЛИШЕРРО БОРИ ШАШУМ ПАСИ ПАНҶАРА БУРД

Суди шаҳрӣ сокини деҳаи Ваҳдатободи шаҳри Ваҳдат Алишер Саидовро, ки қаблан панҷ маротиба суд шудааст, бори шашум равонаи зиндон кард.

Дар маҷлиси судӣ, ки таҳти раисии судяи суди шаҳри Ваҳдат Бахтиёр Холиқзода ҷараён гирифт, Алишер Саидов бо ҷурми дуздӣ дар чанд ҳолат гунаҳкор дониста шуда, бо ҳукми суд 3 солу 3 моҳ аз озодӣ маҳрум гардид. Ин кирдори ҷинояткорона бо моддаи 244 қисми 2 бандҳои «а», «в» - и Кодекси ҷиноятии Ҷумҳурии Тоҷикистон банду баст гардида, маҳкумшуда муҳлати адои ҷазоро дар калонияҳои ислоҳии дорои низоми сахт сипарӣ хоҳад кард.
Алишер Саидов маротибаи охир тибқи ҳамин моддаи Кодекси ҷиноятӣ бо ҳукми суди ноҳияи Шоҳмансури шаҳри Душанбе ба муддати се сол маҳкум ба зиндон шуда буд. Ҳанӯз муҳлати ҷазо ба поён нарасида, номбурда дар доираи татбиқи Қонуни Ҷумҳурии Тоҷикистон «Дар бораи авф» аз 29 октябри соли 2014 ба озодӣ баромад. Мутаассифона, ранҷи зиндон ва маҳрумият аз озодӣ ба ӯ сабақи зарурӣ надод ва дигарбора ба содир намудани ҷиноят даст зад. Дар чанд маврид молу амволи мардумро дуздида, бо нархи камтар аз арзиши воқеӣ ба фурӯш мегузошт. Чунончи, аз деҳаи Муминободи Ҷамоати деҳоти Карим Исмоилови шаҳри Ваҳдат як сар чорвои калони Илҳомиддин Пировро, ки 1800 сомонӣ нарх дошт, дуздида дар деҳаи Абдулободи шаҳр ба маблағи 500 сомонӣ ба савдо зад. Маблағи муфт ба дастомада аз ҳисоби ин кирдори зишт ба Алишер гӯё «илҳом» бахшид, ки ҳаракатҳои ҷинояткоронаи худро идома дода, ба дуздии дигар амволи мардум дасту панҷа нарм кард.
Тибқи далелҳо, маҳкумшуда дар се ҳолати дигар дучархаҳои асосан сокинони деҳаи Ваҳдатободро ба яғмо бурда, дар шаҳри Душанбе ва бозори марказии шаҳри Ваҳдат фурӯхтааст. Вале, бар пояи ин ҳақиқат, ки «бори каҷ ба манзил намерасад» ва ё «як бор ҷасти малахак…» ниҳоят ин дузди таҷрибадор ба даст афтод. Кормандони ШВКД дар шаҳри Ваҳдат зимни гузарондани чорабиниҳои оперативӣ - ҷустуҷӯӣ Алишер Саидовро боздошт ва чорвои дуздидашудаву як адад дучархаро ба соҳибонашон баргардонданд.
Ҳангоми баррасии парванда маҳкумшуда Алишер Саидов худро бо айби эълоннамудаи тафтишоти пешакӣ бо моддаи 244 қисми 2 бандҳои «а», «в» - и Кодекси ҷиноятии Ҷумҳурии Тоҷикистон пурра гунаҳкор ҳисобида, аз гуноҳи содирнамудааш сидқан изҳори пушаймонӣ кард. Вале, агарчӣ иқрори гуноҳ, изҳори пушаймонӣ ва талофӣ намудани зарари расондашуда тибқи қонунгузорӣ ба Алишер дар мавриди таъйини ҷазо то андозае сабукӣ оварда бошад, аммо ӯро аз ҷавобгарӣ озод накард. Ҳолати ба миёномада баёнгари он аст, ки ҳеҷ як амали хилофи қонун бе ҷавобгарӣ намонда, мунтаҳо парда аз рӯӣ ҳамагуна ҷиноят бардошта хоҳад шуд.
Ф.ҶУМЪАЕВ,
 «Ҷумҳурият»


Баёни ақида (0)    Санаи нашр: 25.04.2018    №: 82    Мутолиа карданд: 257

21.01.2019


Фестивали байналмилалии «Наврӯз – мероси фарҳангии сайёҳӣ» баргузор хоҳад шуд

"Парасту - 2019" – ҷашнвораи ҷумҳуриявии театрҳои касбӣ

ҶАҲОН ДАР ЯК САТР

Баргузории ҷашнвораи байналмилалии «Рӯзи барф» дар Калуга

Дар Арабистони Саудӣ ҷалби бонувон ба корҳои ҷамъиятӣ меафзояд

Соли 2018 прокуратураи Қазоқистон ба буҷети кишвар $90 миллион талофӣ кард

Дар Тошканд хазинаи қадима ёфт шуд

Дороии 26 шахси сарватмандтарини дунё ба даромади 3,8 миллиард ниёзманд баробар аст

18.01.2019


Таҳдидҳои асосӣ ба иқтисоди ҷаҳонӣ номбар шуданд

Гумонбари омодасозии ҳамла ба Қасри сафед ба даст афтод

Дар Чин қаллобонро барои фиреб ҳабси абад карданд

29 миллион сом зарари собиқадорони сохта

Ҷаҳон дар як сатр

17.01.2019


Тамдиди шартномаи ФФТ бо "Сомон Эйр"

60 ДАРАҶА ХУНУКӢ ВА ДАВИ 50 - КИЛОМЕТРАИ ЭКСТРЕМАЛИ МОЛДАВӢ

16.01.2019


Пирӯзии мунтахаби Тоҷикистон бар Эрон

ҶАҲОН ДАР ЯК САТР

Роҳандозии моратории дусола дар Тоҷикистон

Нақшаи Brexit дар парламенти Британия рад карда шуд

Кремл роҳи ҳалли буҳрони Украинаро пешниҳод намуд

Ифтитоҳи онлайн-донишгоҳ барои гурезаҳо дар Италия

15.01.2019


Ҷаласаи ҷамъбастӣ таҳти раёсати муовини Сарвазири мамлакат

Вохӯрии Сироҷиддин Муҳриддин бо Абдулазиз Комилов

Ёдгор Файзов: «Соли 2018 соли таҳкими волоияти қонун дар Бадахшон буд»

ХУҶАНД. 1548 медали варзишгарон дар як сол

ҶАҲОН ДАР ЯК САТР

Созишномаи сулҳ – мавзӯи асосии мулоқоти Путин ва Абэ хоҳад шуд

Савдои хориҷии Чин соли 2018 натиҷаи рекордӣ нишон дод

Дар Алмаато гурӯҳи хориҷиёни террорист боздошт шуд

То соли 2024 аҳолии Қирғизистон бо оби ошомиданӣ пурра таъмин мешавад

10.01.2019


Дар Саразм осорхона ва меҳмонхонаи замонавӣ бунёд мешаванд

Вохӯрии Парвиз Давлатзода бо Владимир Норов

Ҷаласаи Шӯрои кор бо ҷавонон

“ГАНҶИ СУХАН” – маҳфили адибпарвар


Дар сомонаҳои дигари Тоҷикистон хонед